Josua 9:4 - Ạḍinya Iigbia

⁴ kụ bịdi ọotughian ookeleghi ọdi. Bịdi ụsighe eḍien ọlogh ologhi igbaany ạsikpuru dị mẹphaanyuan rꞌarukuru aruzu-ịnam amiim ịya dị mẹphanyu kụ opu, ọḅamaghi ạnyu ịnam adool phọ ạbidi ọsaany.

Josua 9:4 Iomraidhean Croise

Emiighom 34:13

Ạnmuny phọ ạJekob ọsighe ologhi ẹḍim rꞌiigbegheḍiom kụ ọphagharanaan Sẹkem rꞌaHamor ọde phọ ọdi, ịdi eḍighi bọ ọdi mạphue bọ Daina umarani phọ ạbidi.

Ạsuor 119:83

Mughel ịmi ịdipho okuru amiim ozu ẹnam dị moroph; kụ ọlo, mị kőwula ịtooghi phọ ạna.

Matiu 10:16

“Ịnaghan, nyina ạbuphe mị arom bọ mọ iḍighi oḍighi phọ ạmi kẹkigh ịdipho iyool-ịga dị edi ogbo ilhom ịnam. Ịsu ologhi ịdipho ẹkaraph-ịyaar, ẹmoogh ẹepho ịdipho ọkurughozo.

Matiu 9:17

Ḅịle kẹn, oye ólho dị kạsighe igbaany ạsikarama kụ aakoom mumoom amiim ịya. Aḅulughi, pọ amiim mọ kaḅomoghi ni sịkarama phọ, bịn amiim mọ rꞌạsikarama phọ epeeghu. Amumoom amiim rꞌimoom ạsikarama kụ rẹḅophan ghan keekuan.”

Elegh ạMak 2:22

Oye ólho dị kạsighe igbaany ạsikarama kụ aakoom mumoom amiim ịya. Aḅulughi, pọ ạsikarama phọ keḅomoghian ni, bịn amiim mọ rꞌạsikarama phọ epeeghu. Amumoom amiim rꞌimoom ạsikarama kụ ịḅophan.”

Elegh aLuk 16:8

“Ọde-otu phọ aboom ni opoghom ephua phọ ọdi esi ikem iigbegheḍiom mọ dị ạmaar bọ, loor esi dị aweye aḅirini phọ ọphon ọsu iloghi ọphamam aloor ạbidi opu weye phọ ạbuphe oḍighi bọ bụo ẹphalaḅaal.”

Josua 9:12

Ịmaar ẹmiin ạbred ayoor. Ḍio phọ yoor oḅetenu bọ erelhe phọ oru ọteeny ạna, ạbred phọ ọphon yoor kole ghan bọ otelhiom ẹpe eten phọ, rạanyuum ni kụ nyịidipho, pogh, mạsikiri apum ḍiibum ạkaraghar.

Josua 9:13

Mem dị yoor omuzeḍi rukuru amiim mọ ịphen, iḍighi ni imoom. Arukuru aruzu-ịnam amiim ịya phọ ayoor amuza ni aḍighi mumoom. Kụ ịmiin. Mẹphaanyu, aruuku phọ ayoor meḅomoghian, arokoro phọ ayoor mẹphaanyuan eḍighi igbaany eḅu. Ạrusuoma ayoor rꞌipaḅara arokoro ayoor meḅu loor ẹedoony erelhe phọ.”

Josua 9:3

Kụ awe ẹmha ạGibion oḍighi bọ bụo aHivait ọnaghan ịpe Josua maḍighi bọ Jeriko rꞌEai,

Josua 9:5

Bịdi ọkpologhian ịparapara ạrusuoma rꞌipaḅara arokoro. Ạbred dị bịdi ọpham ạkpar kụ apum ḍiibum,