Josua 9:1 - Ạḍinya Iigbia

¹ Ọdu ọkpar opu phọ Ịzirel aaleghaan ni ạteeny oomo ạbudaam-ẹmha phọ bụphe orugh bọ ạga emeelom erumuḍio phọ ạJodan, kꞌẹpe aroogbolom mọ rꞌẹpe aruugum mọ, rꞌẹpe ọgbal Ọphiiny aMeditarenian phọ ẹteeny eelhe dị etuman Lẹbanon: bụen kụ ạraalha ạHitait phọ rꞌẠmorait phọ rꞌaKenanait phọ rꞌạPerezait phọ rꞌaHivait phọ rꞌaJebusait phọ.

Josua 9:1 Iomraidhean Croise

2 Sạmuel 24:7

Kụ bịdi ọghi ẹpe esoorom mọ ẹpe egbogh ẹmha phọ oghoony bọ Taya, kụ ọḍua ọghi oomo ạramha awe aHivait phọ rꞌawe aKenan, kụ ekureriom mọ bịdi osi ẹpe Beersheba, ạga esoorom aJuda.

Ẹḍua 23:23

Ọokpaany phọ ạmi kiḍiemiom ni inyina ạḅile ịsighe inyina asiemi rạmha Ạmorait rꞌạHitait rꞌạPerezait rꞌaKenanait rꞌaHivait rꞌaJebusait phọ, ḅịle mị kaagulemi ni bịdi.

Ẹḍua 23:31

Mị kaḍighi ịdi ạruuku ade phọ anyina kemiigh ẹpe Ọphiiny Akaba kụ ẹghi esi Ọphiiny aYufratis, ḅịle emiigh Meditarenian kụ ẹghi ẹteeny ẹdala ịisaar phọ. Mị kịngo ni inyina ịikpo apuemi bụo ade phọ kụ nyina eporogh bịdi ịduon nyina rẹki bọ.

Ẹḍua 3:17

Kụ mị mạḅem ni mọ mị katu ịsighe inyina esi ịminimiin phọ ạbuo Ijipt rịmiine bọ inyina, ịsighe inyina ạḍuanam ạsighe ạki ẹpe eelhe phọ ạbuo aKenanait rꞌạHitait rꞌẠmorait rꞌạPerezait rꞌaHivait rꞌaJebusait phọ, asiemi de ẹetool rꞌọninom, de dị ạmamaam ạnam rꞌẹnuum aḍiowo rekil.’

Ẹḍua 34:11

Mạar ạlogh elegh ịphen mị ạto bọ rạḅeni nyịna rodon. Mị kaporogh ni bụo Ạmorait phọ rꞌạbuo aKenanait phọ rꞌạbuo ạHitait phọ rꞌạbuo ạPerezait phọ rꞌạbuo aHivait phọ rꞌạbuo aJebusait phọ, mem lọ nạ ạkpulan bịdi.

Igbiighi 13:29

Bụo Ạmalekait otughogh ni ẹpe ade phọ aNegeb. Bụo ạHitait, bụo aJebusait rꞌạbuo Ạmorait otughogh ẹpe aroogbolom mọ. Kụ aKenanait phọ otughogh ọgbal Ọphiiny aMeditarenian rꞌoogbom Ọphiiny ạJodan.”

Igbiighi 34:6

“‘Ọku ọlo ẹpe erumuḍio phọ remeel ghan bọ, Ọphiiny Meditarenian phọ.

Dutoronomi 1:7

Iḅula ekiton ẹphen erelhe ẹghi ẹpe ạraaḅaraph phọ edi bọ eelhe ạbuo Ạmorait phọ rꞌoomo ẹpe etuman reelhe ịpe ekitonom bọ ẹpe eḍiiny phọ ạJodan: ade phọ ẹyaghagha bọ, ẹpe aroogbolom mọ, ẹpe ade phọ eḍiinyaan bọ, ẹpe esoorom mọ, ẹpe ọgbal ọphiiny phọ. Ẹghi esi ẹpe ade phọ aKenan, ẹghi esi ẹpe Lẹbanon, ẹpe ogbogh Ọphiiny aYufratis phọ.

Dutoronomi 3:25

Meera mị ụḅeeny ụki ụmiin aani ḍiiḅi ade phọ, ẹpe ẹḅeenyom mọ ạJodan, ịma aroogbolom mọ rꞌaruugum mọ ạLebanon.’

Dutoronomi 4:49

Ịloghom oomo phọ ade ạga emitenom ạJodan phọ, kụ ẹghi esoorom esi Ọphiiny-Ạla, kụ ẹteeny zin Eegum aPisga ạga emitenom erumuḍio phọ.

Dutoronomi 7:1

“Mem mọ Ọmoogh-we Ẹnaan phọ anyina kịsighe bọ inyina asiemi ịlo nyina kẹmoogh bọ de phọ, kụ kạboor bọ ịminighan areelhe ạsighiogh egbodo anyina, bụo ạHitait rꞌaGirgasait rꞌẠmorait rꞌaKenanait rꞌạPerezait rꞌaHivait rꞌaJebusait, oḍual areelhe dị ẹbugh ẹmoogh ịikpo ipu inyina;

Josua 1:15

tụtu bịdi oḍigh aani ọrol de phọ ạḍiphe edi bọ ạga emeelom ạJodan phọ, ḍịphe Ọmoogh-we Ẹnaan phọ anyina rạngo bọ bịdi. Mem dị ọdi mạmaar aseere oomo arughunughun phọ Ịzirel, kụ nyina egbi oḅula sịen ọghelom ade phọ ạḍien ạga emitenom ạJodan, ḍịphe aMozis otelhedom mọ Ọmoogh-we phọ ịngo bọ inyina.”

Josua 1:4

Emiigh kꞌẹpe ẹdala phọ rꞌịsien Lẹbanon ẹghi esiemi oboom mọ ọphiiny phọ, Ọphiiny aYufratis, oomo ade phọ ạbuo ạHitait, ẹghi esiemi ẹpe Ọphiiny aMeditarenian phọ, ẹsighe ẹghi esiemi ẹpe erumuḍio phọ remeel ghan bọ kụ ọku anyina.

Josua 10:23

Kụ bịdi ọtuugh ịdipho aJosua ạḅeni bọ bịdi oḍighi. Ọghi ọsighe oogh phọ ạbudaam mọ sịphe epogh eegum mọ oruom Josua, ọdaam mọ aJeruselem, ọdaam mọ ạHebron, ọdaam mọ aJamut, ọdaam mọ aLakis rꞌọdaam mọ Ẹglon.

Josua 11:17

emiigh sịphe Eegum ạHalak ẹghi esiemi ẹpe Idom, ẹsighe esiemi ẹpe Baal Gạd, esiemi Lẹbanon ẹpe ade phọ esoorom bọ ẹpe Eegum ạHermon, kụ ạsighe oomo ạbudaam mọ ạbidi akuphogh ạze.

Josua 13:5

rꞌade phọ ḍịphe aGebalait rꞌoomo ạLebanon ẹghi esiemi ẹpe erumuḍio phọ remite ghan bọ, ọḍua sịphe Baal Gạd esoorom Eegum ạHermon ọghi osi Eḍighom ạHamat.

Josua 15:12

nyọpo ạga emeelom erumuḍio phọ. Phọn kụ ọku ade eghun aJuda, bụo ọto rꞌopolo.

Josua 22:4

Kụ nyịidipho Ọmoogh-we Ẹnaan phọ anyina mạngo bumor phọ anyina ophooghian ịdipho dị aguanaan bọ bịdi; esi ịphen phọ kụ iḍighi, iḅula egheel ẹpe arugbogo phọ anyina ẹpe ade abin ẹmoogh phọ anyina, ḍịphe aMozis otelhedom Ọmoogh-we phọ ịngo bọ inyina ạga emitenom erumuḍio phọ ạJodan.

Josua 22:7

Oniin opol eghun ạManase aMozis ạngo bịdi bin ẹmoogh ẹlo ạbidi ẹpe Bạsan, kụ ọphori phọ eghun ạManase aJosua ạngo bịdi bin ẹmoogh ẹlo ạbidi atumeriom bumor phọ ạbidi ẹpe erumuḍio remeel ghan bọ ẹpe Jọdan. Kụ mem mọ aJosua ạḅeni bọ bịdi mọ ikeel ẹpe arugbogo phọ anyina kụ ạseph bịdi kụ ạḅeni bịdi mọ,

Josua 23:4

Ipogh, mị mạsa ẹlhel ạsighe idiemi inyina reelhe phọ ịpe esugha bọ eḍighi bin ẹmoogh arughunughun phọ anyina ọḅaram rꞌoomo areelhe phọ ịpe mị asoph bọ ạsighe, emiigh ẹpe Jọdan ẹsighe ẹghi esiemi ẹpe Ọphiiny aMeditarenian ẹpe erumuḍio phọ remeel ghan bọ.

Josua 24:11

Kụ nyina ẹḅeeny Jọdan ephun ẹghi esi Jeriko, kụ awe aJeriko izuom inyina ẹgham, ọḅaram kẹn bụo Ạmorait, bụo ạPerezait, bụo aKenanait, bụo ạHitait, bụo aGirgasait, bụo aHivait rꞌạbuo aJebusait, kụ mị ạsighe bịdi ạlogh ḍịghaagh anyina.

Josua 3:10

Ịsien kụ esi dị nyina kẹsighe kụ elegheri mọ Ẹnaan phọ rémugh ghan bọ edianaan ni rꞌanyina kụ ọdi kạ́bile ophorogh ạbuo aKenanait phọ rꞌạHitait phọ rꞌaHivait phọ rꞌạPerezait phọ rꞌaGirgasait phọ rꞌẠmorait phọ rꞌaJebusait phọ.

Josua 3:17

Ịdipho awe phọ orelhe bọ rọḅeeny ḍịgharaghar ade, ariil ạrikia phọ ạbuphe orool bọ Igbe Ịyo phọ Ọmoogh-we phọ ụmeera ḍịgharaghar ade ogbo ạJodan, tụtu oomo awe phọ oten.

Josua 5:1

Mem dị ạbudaam mọ Ạmorait bụphe orugh bọ ẹḅeenyom ạJodan ẹpe erumuḍio phọ remeel ghan bọ rꞌoomo ạbudaam mọ aKenanait bụphe orugh bọ sịphe ọgbal Ọphiiny aMeditarenian ọnaghan bọ mọ Ọmoogh-we phọ mạgharagharami mụum ạJodan esomanan awe phọ Ịzirel ạsighe tụtu yira ọḅeeny ophun, bịn iloghi ạbidi ẹkonono yogh bịn uwaloor ạbidi ạḍua loor ạbidi loor ẹmhu awe phọ Ịzirel.

Josua 6:27

Kụ Ọmoogh-we phọ ạrolonaan Josua kụ aḍien ọdi eeleghaan oomo eelhe phọ.

Josua 9:7

Kụ awe phọ Ịzirel opuru bịdi mọ, “Esi ika kụ ẹdi yoor rꞌanyina kekiran bọ ịyo? Iini sịen amarugh anyina ọ́kel.”