Josua 8:9 - Ạḍinya Iigbia

⁹ Kụ Josua arom bịdi mọ ọghi, kụ bịdi ọghi esi ịbooghian phọ ạbidi kụ ọrol sịphe kụ okori. Esi phọ ịrol ịbaay ạBetel rꞌEai ạga emeelom ẹmha phọ aEai. Kụ aJosua rꞌawe phọ ọdi ọmina ḍughul sịphe arugbogo phọ.

Josua 8:9 Iomraidhean Croise

Emiighom 12:8

Ịpe reten, kụ ọdi aḍuraan ẹpe ạga esoorom mọ kụ ạghi ẹpe eegbolom mọ, ạga emitenom erumuḍio phọ ẹpe ẹmha phọ ạBetel, kụ ạlogh ogbogo igbo ạBetel emeelom erumuḍio phọ rꞌEai emitenom mọ. Sịphe kẹn ọdi ạkan ni enmeny ạrikia kụ aaseeny Ọmoogh-we phọ, kụ akpuḍian aaseeny nyọdi.

Emiighom 32:21

Ọdi ạngo ruunmo phọ oḍiemiom ghisigh kụ ọdi ạmina sịphe ogbogo phọ ḍughul phọ ạḍiphe.

Josua 7:2

AJosua arom we mọ ọḍua Jeriko ọghi Eai, ẹmha dị edi ạga emitenom ạBetel dị etuman Bẹt Aven, oḅiligha ophogh ịpe ade phọ ẹrol bọ. Kụ awe phọ ọghi oḅiligha.

Josua 8:10

Kụ aJosua aḅon aḅetenu esoph ạḍiroor kụ aakpomoghi we phọ Ịzirel, kụ aḅetenu rꞌikumoor awe phọ aḍiemiom we phọ rọki Eai.

Josua 8:12

Kụ ọdi ạsighe we dị ọkiom oogh ọonir awe mọ bịdi ạaghian ẹpe eḍum mọ edi bọ ịbaay ạBetel ra Eai ẹpe ạga emeelom erumuḍio ẹmha phọ.

Josua 8:8

Kụ nyina rẹsighe ẹmha phọ, kụ ẹsu nịan. Ịphen ikpo ọnhu dị nyina kẹdaph.”

1 Sạmuel 30:27

Ọdi ạngo ni ạghiom weye ạBetel, rꞌawe ẹpe Rama ẹpe ạḍighaagh esoorom mọ aJuda, rꞌawe dị ọrol rạmha Jatir,