Josua 8:8 - Ạḍinya Iigbia

⁸ Kụ nyina rẹsighe ẹmha phọ, kụ ẹsu nịan. Ịphen ikpo ọnhu dị nyina kẹdaph.”

Josua 8:8 Iomraidhean Croise

2 Sạmuel 13:28

kụ ọdi ạḅeni butelhedom ọdi mọ, “Ịmaar egon mem lọ Amnon mạphughol miim dị mạphughan, kụ mị rọto rịḅeni inyina bịn eghiigh nyọdi. Kékiilaan. Mị katool li ịiḅaghami lọ eru rꞌaloor ạmi. Ịmoogh ạkpo ologhi. Képogh ọman!”

Dutoronomi 20:16

“Kụ rạmha awe phọ ạbuphe Ọmoogh-we Ẹnaan phọ anyina ịngo bọ inyina mọ ịmoogh phọ, ísugheeny ghan rꞌẹnum ịyaar lọ repooghu.

Josua 1:16

Kụ bịdi ọphagharanaan Josua kụ ọḅem mọ, “Oomo phọ ịphen nạ ụḅeni bọ iyoor, yoor koḍighi ni. Tọrobo ekpisi lọ nạ urom iyoor ọghi, yoor kọki ni.

Josua 1:9

Kụ mịna ḍịen nyịna ologh kọ̋lhogh ọngo ḍụghum? Kpạrami loor ạna, ạmoogh oḅiom, kákpereghaan, ologhi ạna kụ́konono, loor esi dị Ọmoogh-we Ẹnaan phọ ạna kạrolonaan ni nyịna tọrobo ekpisi lọ nạ ạghi.”

Josua 6:24

Kụ ọsu nịan ẹmha phọ, ọḅaram oomo aruphua ịsiphe ẹmha phọ, omuton silva rꞌagol rꞌạraraar ịpe ọlhemom bọ enaba rꞌịlo arukuron. Bịdi ọsighe ịphen phọ ọghi ọlogh sịphe rooko ghan bọ rạraar sịphe otu phọ Ọmoogh-we phọ.

Josua 8:13

Rosereghi bọ ogbogh opol awe ẹgham mọ ẹpe ạga ephunom ẹmha phọ rꞌạbueri phọ ẹpe ạga emeelom erumuḍio ẹmha phọ rọman, kụ aJosua ạmina ḍughul phọ ẹpe eḍiiny phọ.

Josua 8:2

Nyina keḍighi Eai rꞌọdaam ẹmha phọ ạbidi ịpe nyina eḍighi bọ Jeriko rꞌọdaam ẹmha phọ ạbidi, kụ mem mọ ạmuen nyina keseerian rạraar phọ ịpe nyina kebum bọ rꞌịnam otu phọ ạbidi. Iikolobian ọḍua ẹgum ọman ozuom ẹgham ẹmha phọ ekperenom.”

Josua 8:22

Awe phọ Ịzirel bụphe ọrol bọ ẹpe ẹmha phọ uru kụ oḍighan ẹgham, kụ awe Eai ọmiin mọ awe Ịzirel mokoom bịdi. Kụ Ịzirel ọze oomo ạbidi rꞌoye úsugheeny,

Josua 8:28

Kụ aJosua ạsu nịan Eai, kụ ạraraar phọ ịpe bịdi ịphueghi bọ ekpolan egu. Ẹsighe kꞌaḍio phọ ạḍiphe ẹteeny kꞌarodon, edi ghan ịdipho.

Josua 8:7

Ikem ẹḍua sịphe nyina ạaghian bọ emite, ẹmooghom ẹmha phọ. Ọmoogh-we Ẹnaan phọ anyina kạḅogh ni ẹmha phọ ịngo inyina.

Josua 8:9

Kụ Josua arom bịdi mọ ọghi, kụ bịdi ọghi esi ịbooghian phọ ạbidi kụ ọrol sịphe kụ okori. Esi phọ ịrol ịbaay ạBetel rꞌEai ạga emeelom ẹmha phọ aEai. Kụ aJosua rꞌawe phọ ọdi ọmina ḍughul sịphe arugbogo phọ.

Bụo Ịiruen 4:6

Ạnir phọ arom mọ ọmagh Bạrak ọony phọ Abinoam ọlo aKedes ẹpe Nạftalai, kụ ạḅeni nyọdi mọ, “Ọmoogh-we phọ Ẹnaan phọ Ịzirel ạḅem mọ, ‘Kịa aakpomoghi we phọ ạna bịdi ookpomoghan ẹpe Eegum aTabor. Sịghe ḍioph ọonir awe eghun ạNaftalai rꞌeghun ạZebiulon ạghimom.