Josua 8:4 - Ạḍinya Iigbia

⁴ Kụ ọdi ạto ạḅeni bịdi mọ, “Ịbooghian ḍịeri phọ ạga ẹmha phọ. Ịtol etuman ẹmha phọ, ị́ḍua ghan ị́kel. Oomo phọ anyina, ịnyaaghian ozuom.

Josua 8:4 Iomraidhean Croise

2 Ạbudaam 7:12

Ọdaam mọ aḅetenu ḍughul kụ ạḅeni butelhedom mọ ọdi mọ, “Mị kịḅeni ni inyina ịdi bụo ạSiria mụtuan iyira ookolobian. Bịdi olegheri ni mọ yira odi ọkoony. Kụ iḍighi kụ bịdi ọtu bọ ọḍuaghu ẹpe arugbogo phọ ạaghian yogh ologhi eḍum. Bịdi ọotughian mọ, ‘Mem lọ bịdi ọḍua sịphe ẹmha phọ omite, yira kosiphi bịdi imoom kụ oḍigh ẹmha phọ.’”

2 Krọnikuls 13:13

Ogbo ịphen phọ aJeroboam marom buniin awe ẹgham ọdi mọ ọghi ạaghian okori we ẹgham aJuda ẹgum ọman, mem dị bụeri phọ ọkpaariom bịdi risigh.

Ọtughemia Phọ 7:19

Olegheri ịyaar kaḍighinaan ni iboom ạraraar oye apuemi ịdi ḍioph ạbudaam koḍighinaan eniin egbogh ẹmha.

Ọtughemia Phọ 9:16

Oomo amem mị rạḅem ghan ni mọ olegheri ịyaar kụ ạnighe apu ịnyaam, kụ ọlo awe rọ́otughian ghan uwekulom oye ghạlamo alegheri ni ịyaar ḅịle rọ́naghanan ghan ịlo ọdi ạḅem.

Iiḍighi 23:21

Esi ịduon phọ údughanaan ghan bịdi, ịdi eḍighi bọ awe dị opel inyadi ọḅona ni rokori nyọdi. Bụen phọ okiran ịyo mọ ạbuno kóle, ḅịle kọ́pughol tụtu bụno oghiigh nyọdi. Kụ nyịidipho bịdi mọnyaaghian ni kụ rokoriom ghan ọnaghan ịlo nạ kạkaaph.”

Josua 8:16

Kụ oomo awe phọ aEai ookpomoghan roporogh bịdi, kụ bịdi ophorogh Josua ọkele sịphe ẹmha phọ.

Josua 8:3

Kụ aJosua aḅetenu rꞌoomo awe ẹgham mọ ọghi ozuom Eai. Kụ aJosua ạson ịraardi ọonir awe dị ọmoogh ịnyaam rꞌịyaar oḍighinom kụ arom mọ ọghi ḍughul.

Bụo Ịiruen 20:29

Kụ awe phọ Ịzirel ọghi ọḅona yogh oko Gibia okitonom rokori ghan.

Bụo Ịiruen 20:33

Kụ mem dị ogbogh opol awe phọ Ịzirel omiigh bọ oḅula ọman kụ ọḅile ookpomoghan ẹpe Baal Tạmar, awe phọ Ịzirel bụphe ạaghian yogh bọ okoom ẹmha phọ aGibia, ạga phọ ọpo erumuḍio phọ remeel ghan bọ, egina amem bịn umiteghu ni ẹpe ariisi asighiigh phọ bịdi ọrologhu bọ.

Bụo Ịiruen 20:36

Kụ awe phọ ạBenjamin ọmiin mọ mophiemi bụno. Ogbogh opol awe ẹgham mọ Ịzirel uḅula ọman esi awe phọ ạBenjamin, ịdi eḍighi bọ bịdi uḍuom ologhi we phọ ạbidi ạaghian yogh bọ rokori ghan bọ ozuom awe aGibia phọ.

Bụo Ịiruen 9:25

Kụ awe ạSekem orom we kụ ọghi ạaghian yogh ẹpe ạnyu ạraaḅaraph phọ mọ ogon ghan Ạbimelek, kụ bịdi ozirion ghan we lọ oten reten phọ ịpe rạraar. Kụ ọḅeni Ạbimelek ọghaaph phọ ọphon.

Bụo Ịiruen 9:32

Kụ iḍighi, kori aru ḍughul, nạ rꞌawe phọ ạna odi bọ ẹpe rꞌạna, ẹḅona yogh ẹpe iizo phọ.

1 Sạmuel 15:2

Ọdi mạnya ọlhiom awe phọ Ạmalek loor esi dị ạburude ạburude ạbidi uruphiom ni ẹgham weye phọ Ịzirel mem mọ bịdi ọḍua bọ Ijipt rotigheel.

1 Sạmuel 15:5

Kụ ọdi rꞌawe phọ ọdi ọghi ẹmha phọ Ạmalek osoor esi eḍiiny ạaghian yogh kụ okori ghan.