Josua 8:2 - Ạḍinya Iigbia

² Nyina keḍighi Eai rꞌọdaam ẹmha phọ ạbidi ịpe nyina eḍighi bọ Jeriko rꞌọdaam ẹmha phọ ạbidi, kụ mem mọ ạmuen nyina keseerian rạraar phọ ịpe nyina kebum bọ rꞌịnam otu phọ ạbidi. Iikolobian ọḍua ẹgum ọman ozuom ẹgham ẹmha phọ ekperenom.”

Josua 8:2 Iomraidhean Croise

2 Krọnikuls 13:13

Ogbo ịphen phọ aJeroboam marom buniin awe ẹgham ọdi mọ ọghi ạaghian okori we ẹgham aJuda ẹgum ọman, mem dị bụeri phọ ọkpaariom bịdi risigh.

2 Krọnikuls 20:22

Mem dị bịdi omiigh ọmoor, Ọmoogh-we phọ aḍighi ni ịdi ọgbaragbara asoor sịphe ogbo awe ẹgham mọ rotu bọ.

Ạsuor 39:6

Oye ịdipho oogho, rakumuan ghan oopho arukumuan bịn, raakpomoghi ghan ẹelha phọ ọdi kaseerian kụ ọpo kaliom bọ ẹelha phọ ọdi ólhegheri.

Asidogh 13:22

Igey awe kọmoogh ẹelha oseenaan ạnmuny ạnmuny ọdi, kụ ẹelha abuḍighinom ịkaraph keḍigh rạghaagh awe aruukuan.

Asidogh 28:20

Abugey awe kọtol dọl dị emuza rꞌọḅaal ologhi. Kụ nạ aagborion ọmoogh ikpoki, nạ kazuan ghẹlhe.

Jerimaya 17:11

Oye dị ạmoogh ikpoki reten iigbegheḍiom ạkigh ẹnun dị eḅom reghelhe dị ọdi kụ údoghoḍi. Amem dị aghuḍum mạkaraghi rạdugh esi ẹdi kụ ikpoki phọ ọdi epe, eekuna phọ ọdi kaḍighi uwelologhi.

Jerimaya 51:12

Ịngo elegh ozuom iikpe ạBabilon. Ịkparami bukoriom mọ. Itom bụo ọmeregha phọ! Isereghi we riisi ịbooghian!” Ọmoogh-we phọ maḍighi ịpe ọdi ạḅem bọ mọ ọno kaḍighi we ạBabilon phọ.

Dutoronomi 2:35

Yoor ọsighiogh ịnam-otu phọ ạbidi kụ orighelom, kụ owum ruphua sịphe ạramha phọ ạbidi.

Dutoronomi 20:14

Kụ nmạriir phọ rꞌịbam ạnmuny phọ rꞌạsinam mọ ạbidi edi bọ sịphe ẹmha phọ, rꞌoomo ạraraar phọ ịpe nyina ewum bọ, ịsighe aani, ekori ele rạraar ạbumulogh-ḍien phọ anyina nyina ewum bọ, ịpe Ọmoogh-we Ẹnaan phọ anyina ịngo bọ inyina.

Dutoronomi 3:2

Kụ Ọmoogh-we phọ ụḅeni ịmi mọ, ‘Kákiilaan nyọdi, ịdi eḍighi bọ mị kạngo ni nyịna nyọdi rꞌoomo awe phọ ọdi rꞌade phọ ọdi. Ḍighi nyọdi ịdipho nạ aḍighi bọ Sihon ọdaam mọ Ạmorait, ọpo arugh bọ ẹpe Hesbon.’

Josua 10:1

Eru ẹteeny mem dị Adoni Zedek ọdaam mọ aJeruselem ạnaghan mọ aJosua mạsighe Eai apiemi mọ ịyaar ósugheeny, aḍighi Eai rꞌọdaam ẹmha phọ ịdipho ọdi aḍighi bọ Jeriko rꞌọdaam ẹmha phọ, rꞌịpe awe phọ ạGibion rꞌawe phọ Ịzirel ọḅophoghan bọ odi,

Josua 10:28

AJosua ạsighe Makeda ḍio phọ ạḍiphe, kụ ạsighe eḍume elhool ẹgham mọ ạziom bịdi rꞌọdaam ẹmha phọ ạbidi. Ọdi ạze oomo awe ẹmha phọ ạmadan rꞌẹnum oye ósugheeny. Ọdi ạtuugh ịpe ọdi aḍighi bọ ọdaam mọ aJeriko aḍighi ọdaam mọ aMakeda.

Josua 11:14

Omuton oomo ạraraar phọ ịpe owum bọ rꞌịnam otu phọ ạbidi bịn kụ ạraraar ịsiphe ẹmha phọ dị Ịzirel ọsighe aani. Bịdi ọsighe eḍume elhool ẹgham ọziom oomo awe ọmadan úsugheeny ọlo rapooghu.

Josua 6:21

Kụ bịdi ophiemi ẹmha phọ oogulemi oomo aruphua ịsiphe ẹmha phọ, lephiri rꞌạnmariir, ugheel rꞌikumoor awe, sịnam rꞌiyool-ịga rꞌịnam adool; ọsighe ghan ẹdume elhool ẹgham mọ kụ ophiemiom bịdi.

Josua 8:12

Kụ ọdi ạsighe we dị ọkiom oogh ọonir awe mọ bịdi ạaghian ẹpe eḍum mọ edi bọ ịbaay ạBetel ra Eai ẹpe ạga emeelom erumuḍio ẹmha phọ.

Josua 8:14

Mem dị ọdaam ẹmha phọ aEai ạmiin bọ we phọ aJosua, ọdi óphiemi mem. Ọdi rꞌawe ọdi uḅetenu ni eḅon ạḍiroor onyeene ẹpe Eḍiiny ạJodan eenan awe Ịzirel eniin esi phọ ịdipho ẹpheri phọ amem mọ, ólhegheri mọ awe kọḍua ọman ozuom nyịno.

Josua 8:19

Kụ bụphe ạaghian bọ okem oḅerenu riisi phọ bịdi ọrologhu bọ mem mọ aJosua asele bọ ọsoph phọ, kụ oghiil ọghi oḍigh ẹmha phọ kụ ọsu nịan ẹmha phọ.

Josua 8:24

Awe phọ Ịzirel ụze tọrobo ọnyo ạmulogh-ḍien lọ ạrol ẹpe ẹdala phọ ẹpe ophorogh bọ bịdi, kụ oḅula Eai, kụ ọsighe ẹdume elhool ẹgham mọ ọziom bụphe ọrol bọ sịphe phọ.

Josua 8:3

Kụ aJosua aḅetenu rꞌoomo awe ẹgham mọ ọghi ozuom Eai. Kụ aJosua ạson ịraardi ọonir awe dị ọmoogh ịnyaam rꞌịyaar oḍighinom kụ arom mọ ọghi ḍughul.

Josua 8:7

Ikem ẹḍua sịphe nyina ạaghian bọ emite, ẹmooghom ẹmha phọ. Ọmoogh-we Ẹnaan phọ anyina kạḅogh ni ẹmha phọ ịngo inyina.

Josua 8:8

Kụ nyina rẹsighe ẹmha phọ, kụ ẹsu nịan. Ịphen ikpo ọnhu dị nyina kẹdaph.”

Josua 8:9

Kụ Josua arom bịdi mọ ọghi, kụ bịdi ọghi esi ịbooghian phọ ạbidi kụ ọrol sịphe kụ okori. Esi phọ ịrol ịbaay ạBetel rꞌEai ạga emeelom ẹmha phọ aEai. Kụ aJosua rꞌawe phọ ọdi ọmina ḍughul sịphe arugbogo phọ.

Josua 9:3

Kụ awe ẹmha ạGibion oḍighi bọ bụo aHivait ọnaghan ịpe Josua maḍighi bọ Jeriko rꞌEai,