Josua 8:1 - Ạḍinya Iigbia

¹ Ọmoogh-we phọ ạḅeni Josua mọ, “Aruugu nyịna kúsiph mun. Ologhi ạna kụ́konono mun. Nạ rꞌoomo awe ẹgham mọ, iḅetenu ẹghi Eai. Mị kaḍighi ni ịdi nyina kẹkpar epu ọdaam mọ Eai. Mị rịngo inyina we phọ ọdi rꞌẹmha phọ ọdi rꞌade phọ ọdi.

Josua 8:1 Iomraidhean Croise

Ạsuor 27:1

Ọmoogh-we phọ kụ ạḍiḅaal ạmi, rꞌỌpelia ạmi. Mị rákiilaan oye. Ọmoogh-we phọ kụ ruuko ghan ịmi esi oomo ịiḅaghami. Mị rákiil ghan ruugu.

Ạsuor 44:3

Awe phọ ạna ụ́sighe elhool ẹgham kụ ọmooghom bọ de phọ; ḅịle kẹn, ịnyaam ạbidi kụ bịdi ị́pel bọ; ạḍighaagh elhiom mọ ạna rꞌịnyaam mọ ạna kụ ịphel bọ bịdi ịdi eḍighi bọ bịdi ọḅeeraan nyịna.

Ạsuor 46:11

Ẹnaan Oomo Ịikpo phọ edianaan ni rꞌayira, Ẹnaan phọ ạJekob kụ esi ịbooghian ayira.

Azaya 12:2

Ẹnaan kụ ọpelia ạmi; mị kaḍuom ologhi nyọdi kụ káapuph. Ọmoogh-we phọ rụngo ghan ịmi ịikpo rꞌịnyaam; ọdi kụ ọpelia ạmi.

Azaya 43:2

Mem dị nyina rẹḅeeny mụum dị ạkel ude, mị kịrolan ni inyina; ịiḅaghami inyina kị́sighenom. Mem dị nyina eten esi ạnian, inyina kíkoph; ọgbagara ọdegh ophogh phọ katu bọ, inyina mạar káḍighi.

Jerimaya 46:27

“Weye ạmi, kẹ́moogh oghiilaan, we Ịzirel, képiigha. Mị kịtagharan ni inyina ẹpe ạḍiikela ade phọ, ẹpe nyina edi bọ dọl ikoli phọ. Nyina ketigheel li ẹmha anyina kụ ẹtol rꞌẹepho; nyina kẹ́moogh ookpereghian, kụ oye kíḍighi inyina ịlo oghiilaan.

Jerimaya 49:3

Weye aHesbon, imoghi eeleghaan mọ mophiemi Eai! Nmạriir aRaba, ịtol dọl okururu. Iinmenan iinmenan ọto kụ emoghi. Ikilighuan ịlo awe dị ọwalala. Eru phọ anyina Mọlek kọsighe ọkimom iiruen arikpisi, ḅịle rꞌariil ạrikia phọ ọdi rꞌịkpana ạnmuny phọ ọdi.

Dạniel 2:21

Ọdi kụ rạpam ghan mem mọ rꞌạrunwanyu phọ; ọdi kụ azu ạḅile azughuron eghoony rạalha; ọdi kụ rạngo olegheri-ịyaar rꞌọnaghan ạḍughum.

Dạniel 4:25

Kophorogh ni nyịna ọsighe eghoroghan awe kụ nạ atughan rꞌilhom ịnam. Esi oḍual ạsia nạ kạtaal ghan rọogho ịdipho ạnam, kụ ạmina ghan ephoghoghoony, esi dị ooto kasoorom ghan nyịna. Kụ nạ agbi omeeraam mọ Ọkaraghi Egbogh Ẹnaan phọ kụ repogh oomo ạramar awe, kụ mọ ọdi katue ni ạngo bịdi tọrobo oye lọ ọdi ạsaḅar.

Dạniel 4:35

Ọdi apogh weye ade phọ ọ́manami bịdi mạar; ạruukpaany kꞌạke ḅịle rꞌawe ịsien ade phọ odi eeḍian ọdi. Oye ólho dị kakikima ogbi ọdi ḅịle kapuru ḍipuru iiḍighi ọdi.

Matiu 8:26

Kụ ọdi ạḅeni bịdi mọ, “Sey, nyina awe dị omeeraam ụ́manam. Eeghe kụ iḍighi kụ nyina reepuph bọ ịduon phọ?” Kụ ọdi aḅetenu, kụ ạḅeni oghim mọ rꞌọphiiny phọ mọ ẹpho, kụ ẹpho bịn nam.

Dutoronomi 1:21

Ọmoogh-we Ẹnaan phọ anyina maseere de phọ risigh anyina. Ịki ẹmoogh de phọ Ọmoogh-we Ẹnaan ạburude phọ anyina iguanaan bọ inyina. Kékiilaan, ḅịle kẹn kéekpukian.’

Dutoronomi 31:8

Ọmoogh-we phọ kụ kaḍiemiom nyịna. Ọdi kạrolonaan ni nyịna. Ọdi nyịna kạ́wile, nyịna kámutonaan. Kákiilaan, ḅịle kạ́moogh eepuph.”

Dutoronomi 7:18

pọ kékiilaan bịdi, ịitughian ghan ịpe Ọmoogh-we Ẹnaan phọ anyina eḍighi bọ ọdaam eelhe phọ rꞌoomo awe phọ Ijipt:

Dutoronomi 7:21

Kẹ́tuan bịdi ekpereghaan, loor esi dị Ọmoogh-we Ẹnaan phọ anyina odi ni rꞌanyina. Ẹnaan phọ anyina ẹpughan, eḍigh ruugu.

Josua 1:9

Kụ mịna ḍịen nyịna ologh kọ̋lhogh ọngo ḍụghum? Kpạrami loor ạna, ạmoogh oḅiom, kákpereghaan, ologhi ạna kụ́konono, loor esi dị Ọmoogh-we Ẹnaan phọ ạna kạrolonaan ni nyịna tọrobo ekpisi lọ nạ ạghi.”

Josua 10:7

Kụ aJosua rꞌoomo awe ẹgham mọ ọdi oḅetenu ọḍua ẹpe Gịlgal rꞌoomo ikpolom awe phọ.

Josua 10:8

Kụ Ọmoogh-we phọ ạḅeni Josua mọ, “Kákiilaan bịdi, ịdi eḍighi bọ mị mạḅogh bịdi ạlogh ḍịghaagh ạna; oye ólho sịphe ogbo phọ ạbidi dị kạmeera egbodo ạna.”

Josua 2:24

Kụ ọḅem mọ, “Agey ni, Ọmoogh-we phọ mạḅogh ni oomo phọ ade phọ ạlogh ḍịghaagh ayira; ịdi etum pạ, loor ẹmhu ayira oomo phọ ạbuphe orugh bọ ẹpe ade phọ mọghooraan ominonom yogh omuneen.”

Josua 6:2

Kụ Ọmoogh-we phọ ạḅeni Josua mọ, “Mị mạḅogh Jeriko rạngo nyịna, rꞌọdaam ẹmha phọ ạbidi, rꞌoomo ikakara awe phọ ọdi. Nạghan ịphen nyina keḍighi bọ.

Josua 7:9

AKenanait phọ rꞌoomo ạbuphe orugh bọ ẹpe ade phọ kọnaghan ni ịphen phọ. Bịdi kuuko iyoor okitonom, kụ opiemi ḍien phọ ayoor sịen aḅirini phọ. Kụ oḍighi ika ḍiboom mọ aḍien phọ ạna?”