Josua 7:9 - Ạḍinya Iigbia

⁹ AKenanait phọ rꞌoomo ạbuphe orugh bọ ẹpe ade phọ kọnaghan ni ịphen phọ. Bịdi kuuko iyoor okitonom, kụ opiemi ḍien phọ ayoor sịen aḅirini phọ. Kụ oḍighi ika ḍiboom mọ aḍien phọ ạna?”

Josua 7:9 Iomraidhean Croise

Ạsuor 115:1

Esi ạna bịn, Ọmoogh-we, esi ạna bịn, káyoor, kụ ẹdi kọngo ghan eegu loor esi ẹphomoghian phọ ạna rémuneen ghan bọ ḅịle rꞌébi ghan oguan.

Ạsuor 48:10

Awe roboom ghan ni nyịna oomo arikpisi; kụ ọdu ạna aleeny eleeny oomo aḅirini phọ, kụ aruukuan edi ḍịghaagh elhiom mọ ạna.

Ạsuor 79:9

Ụphel iyoor, Ẹnaan, ạḅile ụtagharan iyoor ạsighe; ụnma iyoor ighirigiir loor esi eghuan phọ ạna.

Ạsuor 83:4

Bịdi ọḅem bọ, “Itu oḍighi ịdi yira kopiemi eelhe ạbidi, ọbo owula Ịzirel kꞌagee-pọ.”

Ạsuor 83:5

Bịdi mọḅoph ọnhu ọḅoph ologhi ozuan ạna:

Ẹḍua 32:12

Eeghe kụ awe phọ Ijipt kọḅem bọ mọ nạ aḍiemiom we phọ ạna ạḍuanam Ijipt ragbiighi ghan ọze ạbidi ẹpe aruugum mọ, rꞌophiemi ạbidi sịen aḅirini phọ? Nme ologhi ạna, kạ́kagham mun bịdi ologhi, bịlenaan we phọ ạna ịkaraph phọ ạbidi.

Izikiel 20:9

Kụ ọlo mị úḍighi, loor esi dị ịpe mituom roofola ḍien phọ ạmi, ịdi eḍighi bọ sịphe esomanan phọ igbo awe bụphe bịdi orughan bọ mị mạghaaph amitiom esi Ịzirel mọ mị katorori bịdi amitiom sịphe Ijipt.

Joel 2:17

Ạbupinyon rịkia phọ rokumu bọ Ọmoogh-we phọ ogbo enmeny phọ rꞌeḍighom Otu phọ, omoghi ni kụ ọoḅereghi: “Mọogh ọnma ighirigiir esi awe phọ ạna, Ọmoogh-we. Kámeera ịnon areelhe ụḅitonaan iyira kụ ụnmoghoghoom iyira esi ọḅem ghan mọ, ‘Ẹnaan phọ anyina edi ẹghen?’”

Maika 7:10

Pọ kụ amem dị ạbumulogh-ḍien ayoor kọmiin ịphen kụ umugholoor asiph — buniin phọ ạbumulogh-ḍien phọ ụgilaam bọ iyoor kụ ọḅem ghan mọ, “Odi ẹghen Ọmoogh-we Ẹnaan phọ anyina?” Yoor kọmiin ịdi bịdi momeel; kọozeghi bịdi ịdipho ọposo eten orelhe.

Igbiighi 14:13

Kụ aMozis ạḅeni Ọmoogh-we phọ mọ, “Kụ bụo Ijipt phọ ọnaghan ịphen phọ, mọ nạ ụsighe ịikpo rꞌịnyaam mọ ạna kụ ạsighenom we phọ ạbuen ạḍuanam ogbo ạbidi.

Elegh ạJon 12:28

Ọde, kueni ni ḍien phọ ạna.” Kụ ẹḍogh ẹḍua kꞌạke kụ ẹḅem mọ, “Mị maghueni ni ḍien phọ ạmi, kụ mị kạḅile kẹn ni akueni.”

Dutoronomi 9:28

ọbo bụo Ijipt phọ kọḅem ghan bọ mọ, “Ọmoogh-we phọ órue ọsighe bịdi ósiemi ẹpe ade phọ dị aguanaan bọ. Ọdi ạlogh bịdi ḍien, dị ạsighe bịdi ạḍuanam ọze ạbidi ẹpe ẹdala phọ.”

Josua 7:10

Kụ Ọmoogh-we phọ ạḅeni Josua mọ, “Ḅetenu. Uḍighi ika kụ nạ ạmina bọ ezuemi?

Josua 7:8

Ọmoogh-we, mịna kạkaaph ika kụ ạḅeni we phọ Ịzirel mem dị bịdi mọgumom ọman bụmulogh-ḍien phọ ạbidi rosumughu?

1 Sạmuel 12:22

Ọmoogh-we phọ maguanaan kụ ọdi inyina kị́wile, loor esi dị ọdi magbiighi amuneni ọsighe anyina oḍighi awe ọdi.