Josua 7:7 - Ạḍinya Iigbia

⁷ Kụ aJosua ạḅem mọ, “Seseeny, Ẹnaan Ọmoogh-we, esi ika kụ ịdi nạ ạtuan bọ ạsighe we phọ ạbuen ạḅeeny Jọdan aphune? Nạ ụtuan ọḅogh ayoor ọngo ạbuo Ạmorait phọ mọ ụze iyoor? Ịḅeeraan ghụn ni iyoor, ịphoonaan iyoor orugh ọphori phọ ọman phọ ạJodan.

Josua 7:7 Iomraidhean Croise

2 Ạbudaam 3:10

Kụ ọdaam mọ ọpo Ịzirel ạḅem mọ, “Sey ị́nighe, mọ Ọmoogh-we phọ mạmagh ịraar phọ ạbudaam mọ ạbuen aakpomoghi ọḅogh ạbidi ạlogh ḍịghaagh ạMoab.”

Ạsuor 116:11

ghạlamo amem dị mị aghiilaan kụ ạḅem mọ, “Oye ólho dị koḍuom ologhi.”

Ẹḍua 16:3

Ọḅeni bịdi mọ, “Mịḅeeraan ghụn iyoor lọ Ọmoogh-we phọ mụze iyoor ẹpe Ijipt; ẹpe phọ yoor mụtol li ude ạany ịnam ọḅile olhe eḍien ẹpher, kụ nạ ụsighe iyoor asiemi ẹphen ẹdala phọ, mọ ọkoony ạze oomo phọ ayoor?”

Ẹḍua 17:3

Kụ ọlo ẹephua ạmuum mọ ịphughan ni, kụ awe phọ ọḅile ghan ọgumom Mozis kụ ọḅem mọ, “Nạ ụtuan eeghe ụsighe bọ iyoor ẹpe Ijipt arumom ẹphen mọ ẹephua ạmuum ịze iyoor, rꞌạnmuny phọ ayoor rꞌịnam mọ ayoor?”

Igbiighi 14:16

Ọmoogh-we phọ órue mun ọsighe we phọ ạbuen osiemi mun ẹpe ade phọ ạḍiphe ọdi aghunya bọ ọngo ạbidi, kụ iḍighi kụ dị mạze bịdi ẹpe ẹdala phọ.

Igbiighi 14:3

Eeghe kụ iḍighi kụ Ọmoogh-we phọ ụsighe bọ iyoor rạkimom de phọ ạḍiphe? Kụze iyoor ẹgham kụ osiphi nmạriir phọ rꞌạnmuny phọ ayoor ọḍuanam. Ẹnighe ghụn dị yoor koḅula ẹpe Ijipt.

Matiu 17:17

Kụ ạJizos ạḅem mọ, “Sey, ọphon phọ, ọghen ọdo ọkaraph oghiil dị omeeraam ụ́moogh! Mịna rꞌanyina kọḅile ọtolan ika? Mị kạḅile ạkparam ika esi anyina? Ịsighe mọony phọ iruom.”

Matiu 17:20

Kụ ạJizos ạḅeni bịdi mọ, “Loor ẹmoogh omeeraam mọ anyina. Mị ạkar rịḅeni ghan inyina mọ eḍighi ịyaar dị nyina ẹmoogh omeeraam dị aghom ịdipho ekpo ạmustad kụ ẹḅeni ẹeḅaraph phọ ẹphen mọ, ‘Tuphuronu ạghi ẹnon esi,’ bịn kẹtuugh ni ịdipho eḍighi. Ịyaar dị kịkparanaan inyina ílho. [

Bụo aHibru 12:5

Nyina mewula oroma phọ Ẹnaan riroma ghan bọ inyina ịdipho ọde rꞌọony ḍụghum? Mọ, “Mọony ạmi, mem lọ Ọmoogh-we phọ rạliom nyịna, kạ́sighe ghan mụdi ịyaar ị́man. Ḅịle kẹn ologhi ạna kúdugh ghan, mem lọ ọdi ạḅaam nyịna,

Josua 7:6

Kụ aJosua rꞌikumoor awe phọ Ịzirel orunyian ibura ạbidi loor ọto kụ omeel ezuemi ozuan egbodo Igbe Ịyo phọ Ọmoogh-we phọ, kụ ọmina sịphe kꞌadulhe, rꞌọoru rụmhu ạbidi oḍeenaan okururu.

Josua 7:8

Ọmoogh-we, mịna kạkaaph ika kụ ạḅeni we phọ Ịzirel mem dị bịdi mọgumom ọman bụmulogh-ḍien phọ ạbidi rosumughu?

1 Sạmuel 4:3

Mem dị awe phọ ạbuphe osugha bọ ọghi osi ẹpe arugbogo phọ ạbidi, abuḍiemiom awe phọ Ịzirel ụḅem ni mọ, “Eeghe kụ iḍighi kụ Ọmoogh-we phọ ameera bọ mọ ạbuo aFilistia phọ ọkpar upu iyira? Ịgua ọghi ẹpe Sailo ọsighe Igbe Ịyo kꞌỌmoogh-we phọ oru pịdi ọdi ụdaph ghan iyira ạki, ạḅile ụphel ghan iyira ḍịghaagh ạbumulogh-ḍien phọ ayira.”