Josua 7:6 - Ạḍinya Iigbia

⁶ Kụ aJosua rꞌikumoor awe phọ Ịzirel orunyian ibura ạbidi loor ọto kụ omeel ezuemi ozuan egbodo Igbe Ịyo phọ Ọmoogh-we phọ, kụ ọmina sịphe kꞌadulhe, rꞌọoru rụmhu ạbidi oḍeenaan okururu.

Josua 7:6 Iomraidhean Croise

Emiighom 37:29

Mem dị aRuben ạghi bọ ẹpe ooni phọ kụ Jọsef ụ́miin, ọdi arunyian ni ibura odi loor ọto,

Emiighom 37:34

ẠJekob ạphanyi ibura ọdi loor ọto, amunughian rukpe-ọto, ạto mọony phọ ọdi ịminighan ariiḍio.

2 Sạmuel 1:11

ADevid ạphanyi ni ạsuoma phọ ọdi loor esi ọto, ḅịle oomo phọ awe phọ ọdi uḍighi aani kẹn iniin phọ.

2 Sạmuel 1:12

Kụ bịdi okururu yogh kụ ọrolom rꞌizin ọḅile ọkaagh ẹḍogh tụtu kꞌadulhe loor ẹmhu ạSol rꞌạJonatan rꞌỊzirel, awe Ọmoogh-we phọ, loor esi dị mọze ịbadi ẹpe ẹgham mọ.

2 Sạmuel 1:2

Aḍio dị etum pạ kụ oniin onyugheel ọony ạḍua ẹpe amarugh ẹgham mọ ạSol aru. Esi oḍeenaan ịpe rẹeḅaghami bọ nyọdi, ọdi mạphanyi rukpe phọ, ọdi ạḅile ạsighe ịikpelem agbula ẹmhu ọdi. Kụ ọdi ạghi ạteeny Devid kụ azuman asi ude ọngo arughuenian.

2 Sạmuel 12:16

ADevid ạaḅereghi ni Ẹnaan mọ ọony phọ aḍum. Ọdi ómeera olhe ịyaar, kụ tọrotoro aḍughul ọdi aḍigh osoph ọdi kụ ạmina ude.

2 Sạmuel 13:19

Ọnyani phọ ạsighe ọoru kụ agbula ẹmhu ọdi, ạphanyi ọodoony ạsuoma phọ dị ạkpologhian bọ, aroola rạghaagh ọdi ẹmhu, kụ amite amoghi rakeel.

2 Sạmuel 13:31

Kụ ọdaam mọ aḅetenu ạmeera, ạphanyi ạsuoma ọdi loor esi ọto, kụ aḅololo ude. Abutelhedom dị ọrol sịphe rꞌọdi ụphanyi aani kẹn ni rụsuoma ạbidi.

2 Ạbudaam 22:11

Mem dị ọdaam mọ ạnaghan bọ ịpe edi bọ sịphe ạḍinya Ologh phọ, bịn dị ạphanyi rukpe ọdi loor ọto.

2 Krọnikuls 34:19

Mem dị ọdaam mọ ạnaghan bọ ịpe edi bọ sịphe ạḍinya phọ, bịn ọdi ạphanyi rukpe ọdi loor ọto

Ẹzra 10:1

Ịdipho Ẹzra azuman bọ rạaḅereghi esomanan Otu Ịiḅereghi phọ ramoghi kụ raatuma ịkaraph phọ ịphen, aḍiboom aḍita ạbuo Ịzirel — lephiri, nmạriir rꞌịbam ạnmuny, uukpomoghan ni okitonom nyọdi romoghi yogh egey emoghi.

Nehemaya 9:1

Ḍio dị emuneniom ịyaldi rꞌinya sịphe ụnwanyu phọ ọpo phọ, awe phọ Ịzirel uukpomoghan ni ọrol ọkoony esi ịiḅereghi oḍeenaan ọto esi ịkaraph phọ ạbidi. Bịdi mọgbatan ni siloor ạbidi esi aruuruen kụ ọkpologhian rụsuoma ọto, ọḅile ophugha rụmhu ạbidi ọoru oḍeenaan ẹ́ḅaal ologhi, kụ ọmeregha kụ omiigh ootuma ịkaraph dị bịdi rꞌạburude ạburude ạbidi moḍighi.

Esta 4:1

Mem dị aModekai alegheri bọ oomo ịpe moḍighi bọ, ọdi ạphanyi ni rukpe ọdi loor amukum ologhi. Ịphen reten kụ ọdi ạkpologhian iinmenan ọto, aakpereghiom ẹmhu ọdi ọoru kụ arelhe ạḅeeny ẹmha phọ, amoghi ghan ạghiom ạnyu rꞌeghiḍim ologhi,

Esta 4:3

Sịphe oomo ạriikpigh areelhe phọ, tọrobo ekpisi dị mogananami ịge ọdaam mọ, oboom okururu ạrol li ogbo aweye aJu phọ. Bịdi ọrol dọl ọkoony, emoghi rꞌịlooghi, kụ ogbogh opol ạbidi ọkpologhian iinmenan ọto kụ ọmina esi ọoru.

Job 1:20

Ẹpe kụ esi dị aJob ạmeera kụ arunyian ibura ọdi loor ọto. Ọdi aghula ẹmhu ọdi, kụ ạmina azuan ude.

Job 2:12

Mem dị bịdi ọkelan ni ịminighan bịdi ọrol ọmiin Job, kụ ọlo bịdi ụ́logh nyọdi elegh. Mem dị bịdi ọlogh bọ nyọdi elegh, bịdi omiigh emoghi rꞌịlooghi, orunyian ibura ạbidi loor ọto, ḅịle kẹn okpoph ophugh kụ omophoghi rụmhu ạbidi.

Job 42:6

Loor ịduon phọ umugholoor rusiph ni ịmi esi oomo phọ ịpe mị ạḅemogh bọ kụ mị magbula ọoru rꞌophugh esi okiton.

Ịkunuma 2:10

Ikumoor awe aJeruselem ọtol ude oḅoorian, rꞌọoru dị odi rụmhu ạbidi rꞌạrusuoma ọto siloor. Arisina ạnmanyaan ozumeri rụmhu ạbidi ude.

Igbiighi 14:6

Kụ aJosua ọony phọ ạNon rꞌạKeleb ọony phọ aJefune, ịyal ạbuo iḅiligha phọ, ọphanyi rukpe ạbidi loor ọto,

Igbiighi 16:22

Kụ aMozis rꞌEeron okpuḍian ezuemi kụ ọḅem mọ, “Ẹnaan, nạ kụ azin oomo aghuḍum, kạ́tuan ịkaraph dị oniin oye aḍighi bịn ạghagham ologhi oomo ookpomoghan phọ ayoor.”

Igbiighi 16:45

“Mẹera ạkelan ogbo aḍita phọ ạbidi. Mị kapiemi bịdi mọony ẹnum amem.” Kụ ịyal phọ ạbidi omeleghu ezuemi.

Iiḍighi 14:14

Kụ mem dị ạPol rꞌạBanabas ọnaghan bọ ịphen phọ, urunyian ni ibura ạbidi loor ophin ologhi, kụ oḍigh ogbo aḍita awe phọ ọlooghi mọ,

Josua 7:7

Kụ aJosua ạḅem mọ, “Seseeny, Ẹnaan Ọmoogh-we, esi ika kụ ịdi nạ ạtuan bọ ạsighe we phọ ạbuen ạḅeeny Jọdan aphune? Nạ ụtuan ọḅogh ayoor ọngo ạbuo Ạmorait phọ mọ ụze iyoor? Ịḅeeraan ghụn ni iyoor, ịphoonaan iyoor orugh ọphori phọ ọman phọ ạJodan.

Ogonanami Phọ 18:19

Bịdi umophoghian ni ophugh rụmhu ạbidi, omoghi yogh ọto ghan kụ ọlooghi ọghiom ạnyu mọ, “Oloo, oloo, eboom mọ ẹmha phọ remeel. Ẹdi kụ ẹmha phọ ẹeḍiom mọ ọdi eḍume bọ oomo ạbulo ọmoogh rughuugh dị rọzoghiom sịphe ạriphiiny phọ. Kụ esi oniin ạwa bịn mephe emuneen.”

Bụo Ịiruen 11:35

Mem dị aJefta ạmiin bọ ọnyani phọ ọdi bịn ọdi ạphanyi rukpe ọdi loor ọto, kụ ạḅem mọ, “Sey, nyạni ạmi, nạ muphiemi ịmi ạmadan; nạ museenaan ịmi iboom ịiḅaghami loor esi dị mị mạsighe ọnhu ạmi aguanaan Ọmoogh-we phọ kụ mị kạ́bile ịpe mị maguanaan bọ.”

Bụo Ịiruen 20:26

Kụ oomo awe phọ Ịzirel rꞌoomo awe ẹgham mọ ọghi Bẹtel kụ ọrol rꞌọto risigh Ọmoogh-we phọ kụ ọkaagh rọḍogh ạbidi ḍio phọ ạḍiphe tụtu kꞌadulhe. Bịdi ụphinyon ni rịkia oguom ạnian rꞌạrikia ẹboroph sịphe risigh Ọmoogh-we phọ.

Bụo Ịiruen 21:2

Kụ iḍighi kụ awe phọ Ịzirel ọghi ẹpe Bẹtel kụ ọrol sịphe risigh Ẹnaan tụtu kꞌadulhe. Rꞌokururu rꞌọto dị aganana kụ ẹdi ọrolom romoghi yogh mọ,

1 Sạmuel 4:12

Oniin oye ọlo eghun ạBenjamin aghiil kꞌẹpe erugh ẹgham mọ ạghi asi Sailo. Esi oḍeenaan ẹ́ḅaal ologhi phọ ọdi, ọdi ạphanyi ni rụsuoma phọ ọdi kụ ọdi ạsighe ịikpelem azua ẹmhu ọdi.