Josua 7:5 - Ạḍinya Iigbia

⁵ Awe phọ aEai uphorogh bịdi omitiom sịphe ọnhu-aḍibuo ẹmha phọ osiom esi dị roogbo ghan sighiigh, kụ ọze we dị ọman ịraardi rꞌodiiny awe, ekpisi dị eegbolom mọ ekpululu. Kụ iḅiom awe Ịzirel ẹpheeph; iloghi ạbidi ẹrol ịdipho ạmuum.

Josua 7:5 Iomraidhean Croise

Ạsuor 22:14

Ịnyaam ịmi ílho mun, memoopha ịdipho ạmuum lọ ozu ude; oomo ịḅarara ạmi megboronu ẹḍuaghu sịphe asimatul phọ ạbidi, ologhi ạmi makelele.

Ạsuor 58:7

Ḍighi ịdi bịdi kọḍuaghu ịdipho ạmuum dị ramoopha kạḍuaghu. Ḍighi ịdi kọogbighi mụdi ạroogho lọ odi eten lọ rotelhe ghan.

Azaya 13:7

Ạraghaagh ạtorobo oye kẹkporoghaan ni, kụ ạkpo ologhi ạtorobo oye ạḍua.

Izikiel 21:7

Mem dị bịdi opuru nyịna mọ eeghe kụ nạ rạkuph bọ, ḅẹni bịdi mọ aloor esi ọghaaph phọ ọpo ratu bọ. Mem dị ọdi aru, iloghi ạbidi kemuza rꞌoghiilaan, ạraghaagh ạbidi kedugh ni, ạkpo ologhi ạbidi kạmoogh mabi, kụ aruukum ạbidi eekpeka. Amem mọ mẹteeny, mesi ni sịen.” Ọmoogh-we dị ạmoogh oomo ịikpo mạḅem.

Lịvitikos 26:36

“Kụ ịyal-ikpo anyina ạbuphe osugha bọ, mị kạsighe mukum ologhi ạlogh iloghi ạbidi ẹpe areelhe ạbumulogh-ḍien phọ bịdi orugh bọ kụ rominonom; kụ ẹḍogh ạḍinya oreeny dị ookuugh rapula keḍighi ịdi bịdi kokiil osumughu dịadi awe lọ roporoghom elhool ẹgham, kụ omeleghu mem dị ạmulogh-ḍien inyina útuman kụ ạri oye kụ ráporogh bịdi.

Nẹhum 2:10

Mophiemi Nineve! Mọḍuaghu, oye ólho mun! Iloghi mekururu esi oghiilaan; aruukum epiigha, ịnyaam ílho mun; asighisigh ekelele.

Dutoronomi 1:44

Kụ bụo Ạmorait phọ bụphe orugh bọ ẹpe aroogbolom mọ aIdom oru izuom inyina ẹgham kụ iphorogh inyina ịdipho aḍiowo, kụ iphiemi inyina ọghi osi kꞌẹpe Homa.

Josua 2:11

Kụ mem dị yoor ọnaghan bọ ịphen phọ bịn iloghi ayoor ẹkonono yogh, oye lọ ạmoogh oḅiom ọ́rol, loor ẹmhu anyina, loor esi dị Ọmoogh-we Ẹnaan phọ anyina, ọdi kụ Ẹnaan phọ edi bọ ẹpe kꞌạke rꞌịsien aḅirini phọ.

Josua 2:9

“Mị alegheri ni mọ Ọmoogh-we phọ mịngo inyina de phọ ạḍien kụ aruugu anyina rusiph ghan ni iyoor, kụ oomo awe phọ orugh bọ sịen ade phọ mọghooraan ominonom egbodo anyina,

Josua 5:1

Mem dị ạbudaam mọ Ạmorait bụphe orugh bọ ẹḅeenyom ạJodan ẹpe erumuḍio phọ remeel ghan bọ rꞌoomo ạbudaam mọ aKenanait bụphe orugh bọ sịphe ọgbal Ọphiiny aMeditarenian ọnaghan bọ mọ Ọmoogh-we phọ mạgharagharami mụum ạJodan esomanan awe phọ Ịzirel ạsighe tụtu yira ọḅeeny ophun, bịn iloghi ạbidi ẹkonono yogh bịn uwaloor ạbidi ạḍua loor ạbidi loor ẹmhu awe phọ Ịzirel.