Josua 7:13 - Ạḍinya Iigbia

¹³ Ḅetenu aselemi we phọ ạmi kụ ạḅeni mọ, Iselemian siloor anyina, kụ egbi ọteeny iḍue. Ọmoogh-we Ẹnaan phọ Ịzirel ạḅem mọ, ‘Weye Ịzirel, ạraraar phọ ạmi ịpe ọnyagharanaan bọ ọngo ạmi edi ogbo anyina. Nyina kétue ẹmerenyan bụmulogh-ḍien phọ anyina tụtu nyina ẹsighe rạraar phọ ịpe ọnyagharanaan bọ ọngo ạmi edi bọ sịphe ogbo phọ anyina eroḅologhi.’

Josua 7:13 Iomraidhean Croise

Josua 3:5

AJosua ạḅeni we phọ mọ, “Iselemian siloor anyina, ịdi eḍighi bọ iḍue Ọmoogh-we phọ kaḍighi ni ịiḍaany sịen ogbo phọ anyina.”

Matiu 7:5

Nạ olegheri-ịlo-ọnon, ịlo-ạna-úlegheri. Pụr ạsighenaan ḍiboom ạḍupo phọ eḍigh bọ ekpeḍien phọ ạna, pịdi nạ ạmaar ạsighe ọpherepe ạḍipe phọ ọpo odi bọ ologhi ekpeḍien umor phọ ạna.

Josua 7:11

Awe phọ Ịzirel mọḅile kẹn ụpioman ịmi, ọka ịyo phọ ạmi ịpe mị ạlogh bọ ologh ạngo bịdi. Bịdi momiighi iniin ạraraar phọ ịpe ọnyagharanaan bọ ọngo ạmi. Bịdi mọḅile kẹn roḍighi iipheeny ọsighe ịpe ạmi ọḅaram ịlo ạbidi.

Josua 6:18

Ọnyo anyina kụ́ḅogh rạraar phọ ịpe oruule bọ osu ọkaraph ọghor amuphe phọ, loor esi dị mem lọ nyina ẹsighe tọrobo ịyaar phọ ẹpe moruule bọ, pọ nyina meḍighi ịdi moruule rugbogo phọ Ịzirel ẹngo ịiḅaghami.

2 Krọnikuls 28:10

Kụ nyịidipho nyina rẹwa oḍighi alephiri rꞌạnmariir aJeruselem rꞌaJuda rẹbene anyina. Nyina ílegheri mọ nyina kẹn mẹpioman ni esi Ọmoogh-we Ẹnaan phọ anyina ḍụghum?

Emiighom 34:27

Mem dị mọze we ẹmha phọ, bụeri phọ ạnmuny phọ ạJekob owum ruphua ẹmha phọ oḅulemian aroofola phọ bịdi ọngo bọ umarani phọ ạbidi.

Dutoronomi 13:6

“Eru mạar dị umor ạna mꞌọony onhiin ạna, mꞌọony ạna mꞌọnyani ạna, mꞌoophineen ạnir ạna mꞌọyaghiri ạna dị rꞌạna ẹḅoph ologhi, kụ aru raakeleghi mọ tue ọghi ọoḅereghi ịnon ạrumugh ịpe nạ rꞌạburude phọ anyina úlegheri bọ,