Josua 7:12 - Ạḍinya Iigbia

¹² Kụ iḍighi kụ awe phọ Ịzirel kótue bọ ọmerenyan rꞌạbumulogh-ḍien phọ ạbidi. Bịdi kọgumom ni ọman bụmulogh-ḍien phọ ạbidi, ịdi eḍighi bọ bịdi rꞌaloor moruule loor ạbidi ọngo muphe. Mị nyịna kạ́rolonaan mun, omuton dị nạ maphiemi bụphe moruule bọ sịphe ogbo phọ anyina.

Josua 7:12 Iomraidhean Croise

Ạsuor 44:10

Nạ maḍighi ịdi yoor rokiilaan bụmulogh-ḍien phọ ayoor, kụ ạbumulogh-ḍien phọ ayoor mowum rạraar ayoor.

Ạsuor 60:10

Nạ mạkar ri ughel iyoor? Nạ we ẹgham mọ ayoor kátelhiom ámitenom?

Asidogh 28:1

Abuḍighinom ịkaraph rokiil ghan mem dị oye bịdi ráporogh, kụ oye dị iguegue ekia ạkpo oḅio ịdipho ạnam-dịka.

Azaya 59:2

Loor esi ịkaraph anyina kụ ẹdi ọdi inyina rị́naghanan ghan bọ. Ịkaraph anyina kụ ịlogh ọku igbo anyina rꞌẸnaan mem lọ nyina ẹwa ooseeny ọdi.

Jerimaya 23:33

Ọmoogh-we phọ ụḅeni ịmi, “Jerimaya, mem lọ oniin oye phọ ạmi, mụghumo oyil, mụghumo oyil ạrikia kụ apuru nyịna mọ, ‘Eeghia kụ adom Ọmoogh-we phọ?’ nạ kạḅeni nyọdi, ‘Nạ aḍighi ni dool esi Ọmoogh-we phọ, kụ ọdi kamutonaan ni nyịna.’

Jerimaya 6:8

Nyina aweye aJeruselem, ịiḅaghami phọ ịphen phọ ẹphur aḅeri anyina, ịduon kụ ílho pọ mị kịḅitonaan inyina; mị kakiton ẹmha phọ anyina atene de ophugh, esi dị oye kátugh mun.”

Hosia 9:12

Kụ ghạlamo bịdi uukonom ni nmụny, mị kạsighe ni bịdi ạḍuanam kụ rꞌoniin kạ́tol dị kámugh. Mem dị mị ạḅitonaan we phọ ạbuen, imananaany kụ kemitenaan bịdi.”

Hạbakuk 1:13

Kụ ika kụ ịdi nạ katue ạmerenyan weye dị eeph ịduon rꞌareekeleghian? Ariḍien ạna eḍighi ịlo aruukuan ẹpughan ọmiin ịkaraph kụ nạ kátue ạmerenyan we dị roḍighi ịkaraph. Kụ eeghe kụ nạ aḅoorian bọ kụ bịdi ropiemi weye dị odi dọl aruukuan opu bịdi?

Igbiighi 14:39

AMozis ạghaaph oomo phọ ịdi ạḅeni ḍita awe phọ Ịzirel kụ bịdi omeelom oboom ọto.

Igbiighi 14:42

Ị́ki ghan, ịdi eḍighi bọ Ọmoogh-we phọ inyina kị́daph, ọbo ạbumulogh-ḍien phọ anyina kịze ghan bọ inyina.

Igbiighi 14:43

Bụo Ạmalekait phọ rꞌạbuo aKenanait phọ odi ni ẹpe risigh anyina. Nyina kemeel eḍighanaan elhool ẹgham, ịdi eḍighi bọ nyina mẹwile ọdaph Ọmoogh-we phọ. Ọmoogh-we phọ kị́rolonaan inyina.”

Igbiighi 14:45

Kụ bụo Ạmalekait phọ rꞌạbuo aKenanait phọ orughogh bọ ẹpe aroogbom mọ osoroghu ude okuphogh bịdi, ophorogh bịdi osiemi ẹpe Homa.

Dutoronomi 7:26

Kẹ́pam ghan ḅạphanya erighelom kꞌanyina, ọbo nyina kẹghigh ịyaar dị moruule. Ikel ḅạphanya, ẹmaghami ịyaar dị mẹphuph, ịyaar dị moruule.

Josua 6:18

Ọnyo anyina kụ́ḅogh rạraar phọ ịpe oruule bọ osu ọkaraph ọghor amuphe phọ, loor esi dị mem lọ nyina ẹsighe tọrobo ịyaar phọ ẹpe moruule bọ, pọ nyina meḍighi ịdi moruule rugbogo phọ Ịzirel ẹngo ịiḅaghami.

Bụo Ịiruen 16:20

Kụ aDelaila ạlho mọ, “Sạmsin, bụo aFilistia moru ozuom ạna.” Kụ ọdi ạsuma kụ agbi mọ ọno kạḅile ni aḅetenu rꞌẹereegh ịdipho ẹnon amem. Kụ ọdi aaguna, ólhegheri mọ Ọmoogh-we phọ mạwile nyọdi.

Bụo Ịiruen 2:14

Kụ Ọmoogh-we phọ ạghagham ologhi we Ịzirel iboom, kụ ạḅogh bịdi ạngo bụo ịpueghiom, kụ bịdi ozirion ghan rạraar ạbidi ọsighiogh. Kụ ạsighe bịdi aalha bụo ạmulogh-ḍien phọ ạbidi orugh bọ okoom bịdi, tụtu eḍighi ịdi bịdi útue mun ụ́merenyan bụo ạmulogh-ḍien ạbidi.

Bụo Ịiruen 2:4

Ọokpaany phọ kꞌỌmoogh-we phọ rọghaaph bọ oomo phọ ịphen rọḅeni bịdi kụ awe phọ Ịzirel owagharan emoghi.

1 Sạmuel 14:38

Kụ ạSol ạḅeni buḍiemiom awe phọ mọ, “Itu ẹwa emitiom ọdo ịkaraph lọ oḍighi bọ rodon.