Josua 7:11 - Ạḍinya Iigbia

¹¹ Awe phọ Ịzirel mọḅile kẹn ụpioman ịmi, ọka ịyo phọ ạmi ịpe mị ạlogh bọ ologh ạngo bịdi. Bịdi momiighi iniin ạraraar phọ ịpe ọnyagharanaan bọ ọngo ạmi. Bịdi mọḅile kẹn roḍighi iipheeny ọsighe ịpe ạmi ọḅaram ịlo ạbidi.

Josua 7:11 Iomraidhean Croise

2 Ạbudaam 18:12

Ịphen phọ imiteghunaan weye phọ Ịzirel ịdi eḍighi bọ bịdi ụ́naghanan ghan ẹḍogh Ọmoogh-we Ẹnaan phọ ạbidi, ọḅile ọḅitonaan ịyo phọ ọdi rꞌoomo iilogh phọ ịpe aMozis otelhedom Ọmoogh-we phọ ạlogh bọ ạngo bịdi. Bịdi ụ́naghan; bịdi ụ́tuugh ịpe phọ kụ oḍighi ghan.

2 Ạbudaam 5:24

Bịdi ọghi osi sịphe eegbolom phọ kụ ọdi ạar bịdi rạraar phọ ạghi ạlogh ologhi otu. Kụ ọdi ạḅeni we phọ mọ ịki, kụ awe phọ ogheel.

Azaya 24:5

Awe phọ mọopu de phọ loor ọkaaghi iilogh phọ Ẹnaan, mꞌoghonyonaan ịyo phọ ọdi aghiran bọ mọ ẹrol kꞌagee-pọ phọ.

Jerimaya 31:32

Kẹ́kigh ịpe mị aghiran bọ rꞌạbugbogh ạburude phọ ạbidi, ḍio phọ mị ạpham bọ bịdi ḍịghaagh phọ ạbidi oḍiemiom ạbidi ọḍua eelhe phọ Ijipt. Ghạlamo ịduon mị aḍighi bọ ịdipho olhom ạbidi, bịdi ụ́daph ịyo phọ.

Hosia 6:7

“Kụ bịdi roḍigh eelhe phọ Ạdam, bịn bịdi ọopu ịyo phọ mị rꞌạbidi oghiran bọ.

Lịvitikos 5:15

“Eru mạar dị oye ạpioman kụ ósogh iisogh iigbia Ọmoogh-we phọ, pọ ọdi ạghi ghan ạsighe odughuna mꞌạtu-ọga lọ kọ̋opuan loor aru ạngo Ọmoogh-we phọ. Ọtomaam ọga ọdaph ọkaraghi aḍiigbu ipoḍi asilva ịsiphe Ạdol Iigbia phọ. Ẹphen phọ ẹkia ọkpe-oḅulemi.

Hạbakuk 2:6

Awe phọ ạbuphe ụkpar bọ kọgilaam ghan bụphe ọkpar bọ kụ oḍeenaan ghan ophogh ọḅitonaan. Bịdi kọḅem mọ, “Nyina ẹsighe ịdi ítu bọ ịlo anyina, kụ nyina kẹmiin ni! Kꞌaḍighen aḍio kụ ẹdi nyina kẹtol ghan ọkpaariom awe lọ ọpham ikpoki anyina mọ ọkpe ẹrol dị nyina eḍighi rạalha ikpoki?”

Zẹkaraya 5:4

Ọmoogh-we Oomo Ịikpo phọ ạḅem mọ ọno kanyu ni itonyonaan phọ ịphen phọ amitiom kụ ẹki eḍigh otu ạtorotoro ọḅa rꞌotu ạtorotoro oye lọ rạgba ghan ọkpe mem dị maghunya ni. Itonyonaan phọ kẹtol li sịphe aruutu phọ ạbidi tụtu aruutu phọ eegulaan.”

Matiu 22:21

Kụ bịdi mọ, “ASiza.” Kụ ọdi ạḅeni bịdi mọ, “Isogh ịlo aSiza ẹngo Siza, esogh ịlo Ẹnaan ẹngo Ẹnaan.”

Iiḍighi 5:9

Kụ aPita apuru nyọdi mọ, “Iḍighi ika kụ nyina ẹḅoph bọ ọnhu ịlo obi Uwaloor Ọmoogh-we phọ? Pogh! Ạrada ạbuphe oḍi bọ olhom mọ ạna ẹmeregha ni pạ ọnhu-aḍibuo phọ, kụ bịdi kọgban aani ni nyịna omitenom.”

Dutoronomi 17:2

“Eru mạar dị oniin oye, mꞌolephiri mꞌạnir, sịphe ogbo phọ anyina rꞌịsiphe oomo ạramha phọ ịpe Ọmoogh-we Ẹnaan phọ anyina ịngo bọ inyina raḍighi ghan ịpe ekia bọ Ọmoogh-we Ẹnaan phọ anyina, pọ ọdi mạapu ịyo phọ Ẹnaan.

Bụo aHibru 4:13

Ịyaar dị kọbooghinaan Ẹnaan ílho ghan. Ozu ni ạwaay oomo ạraraar phọ ọlhem bọ, mọ ọdi ạmiin ghan. Kụ ọdi kụ ẹdi oomo phọ ayira kọkaaph bọ ịlo yira moḍighi oḍighi phọ ọḅeni.

Josua 23:16

Eru mạar dị nyina ẹphioman kụ ẹepu ịyo phọ ịpe Ọmoogh-we Ẹnaan phọ anyina eghiran bọ kụ ạlogh ologh ịngo inyina, kụ nyina ẹghi kụ reeseeny ịnon ạrumugh ekpuḍian ẹeḅereghi ịnon ạrumugh, pọ Ọmoogh-we phọ kịghagham ni inyina ọghagh ologhi dị kạbugh ni iboom bịn iigulemi inyina apiemi sịphe aḍiiḅi ade phọ dị ịngo bọ inyina.”

Josua 7:1

Ologh phọ Ọmoogh-we phọ ạlogh bọ ạngo we Ịzirel mọ ịyaar kụ́sighe úmitenom ẹpe Jeriko ụ́daphan. Oye dị oghol mọ Akan ạsighe iniin ạraraar phọ ịpe ọnyagharanaan bọ ọngo Ọmoogh-we phọ, kụ Ọmoogh-we phọ ạghagham ologhi we phọ Ịzirel. (Akan aḍighi mọony aKami, ọony ọony aZabdi, ọlo ọto aZera, ọlo eghun aJuda.)

Josua 7:10

Kụ Ọmoogh-we phọ ạḅeni Josua mọ, “Ḅetenu. Uḍighi ika kụ nạ ạmina bọ ezuemi?

Bụo Ịiruen 2:20

Pọ kụ amem dị Ọmoogh-we phọ ạghagham we Ịzirel ologhi, kụ ạḅem ghan mọ, “Awe phọ ạbuen mọka ịyo phọ mị aghire bọ bụrude phọ ạbidi, kụ ụ́naghanan ẹḍogh phọ ạmi.

1 Sạmuel 14:38

Kụ ạSol ạḅeni buḍiemiom awe phọ mọ, “Itu ẹwa emitiom ọdo ịkaraph lọ oḍighi bọ rodon.