Josua 7:1 - Ạḍinya Iigbia

¹ Ologh phọ Ọmoogh-we phọ ạlogh bọ ạngo we Ịzirel mọ ịyaar kụ́sighe úmitenom ẹpe Jeriko ụ́daphan. Oye dị oghol mọ Akan ạsighe iniin ạraraar phọ ịpe ọnyagharanaan bọ ọngo Ọmoogh-we phọ, kụ Ọmoogh-we phọ ạghagham ologhi we phọ Ịzirel. (Akan aḍighi mọony aKami, ọony ọony aZabdi, ọlo ọto aZera, ọlo eghun aJuda.)

Josua 7:1 Iomraidhean Croise

Emiighom 34:27

Mem dị mọze we ẹmha phọ, bụeri phọ ạnmuny phọ ạJekob owum ruphua ẹmha phọ oḅulemian aroofola phọ bịdi ọngo bọ umarani phọ ạbidi.

2 Sạmuel 24:1

Ọmoogh-we phọ ạḅile ni ạghagham ologhi weye phọ Ịzirel, kụ ọdi aḍighi ịdi aDevid ạsighe ịiḅaghami ạngo bịdi. Ọmoogh-we phọ ạḅeni nyọdi, “Kịa agbi weye phọ Ịzirel rꞌaJuda.”

2 Ạbudaam 5:24

Bịdi ọghi osi sịphe eegbolom phọ kụ ọdi ạar bịdi rạraar phọ ạghi ạlogh ologhi otu. Kụ ọdi ạḅeni we phọ mọ ịki, kụ awe phọ ogheel.

1 Krọnikuls 21:7

Ịpe oḍighi bọ ị́ḅeeraan Ẹnaan, kụ ọdi ạliom Ịzirel.

2 Krọnikuls 24:18

Bịn awe phọ osophe ooseeny ghan ịsiphe Otu Ịiḅereghi Ọmoogh-we Ẹnaan ạburude ạburude phọ ạbidi, ọḅile kụ ooseeny ghan ịkaaneen ạrumugh rꞌigbudu um-ạke Asera. Apum ạbidi esi ịkaraph phọ ịphen kụ ịsighe ophin-ologhi Ọmoogh-we phọ eruomaan Juda rꞌaJeruselem.

Ẹzra 9:6

Mị ạḅem: “Sey Ẹnaan, umugholoor ạmi ạpughan ophoophe ẹmhu ạmi sịphe esomanan ạna. Ịkaraph ayoor meekpomoghan eḍighi egu epel rụmhu ayoor; mephoph esi ẹpe ạsike phọ.

Job 35:8

Ạbunon awe ịduon ạna kụ rọmiinom ghan esi ịkaraph phọ ạna, ḅịle igey lọ nạ aḍighi rẹloghonaan ghan ḍịghaagh bịdi.

Ọtughemia Phọ 9:18

Olegheri ịyaar kụ aḍighi igey ạraraar apu reenema, kụ oniin oḍighinom ịkaraph kạpue ni ịbadi igey ạraraar.

Dạniel 9:7

Nạ, Ọmoogh-we, raḍighi ghan ịdi ẹnighe oomo amem, kụ yoor romuton ghan eephoogh siloor ayoor. Ịphen phọ kụ edianaan oomo phọ ayoor ạbuphe odi ghan bọ Juda rꞌẹpe Jeruselem rꞌoomo awe phọ Ịzirel bụphe nạ ạwalalami bọ ạghiom rạmha lọ etuman ḅịle rꞌịlo ẹkelan, loor esi dị bịdi nyịna úmeeraam.

Lịvitikos 10:6

Kụ aMozis ạḅeni Eeron rꞌạnmuny phọ ọdi, Ẹliazar rꞌItamar mọ, “Kẹ́bile ạsilaal anyina eḍu-ẹfununu dị nyina ị́zaranaan, ḅịle kẹn kẹ́panyi rukpe anyina loor ọto, ọbo nyina kemugh ghan bọ, ọbo ạghelhe kasoorom ghan bọ oomo awe phọ; kụ ọlo omeera ni mọ aḍita ookpomoghan phọ Ịzirel, abumor phọ anyina okururu ni esi aḍuugh ạnian phọ ạḍien Ọmoogh-we phọ kụ arom bọ.

Jona 1:7

Kụ ạbuzoghiom mọ oopuruan mọ, “Ọsa ẹlhel olegheri oye phọ rụngo bọ iyira ịiḅaghami phọ ịphen.” Kụ rọsa, kụ emeghenom ḍien aJona.

Josua 22:16

“Ịphen kụ ịdi aḍita ookpomoghan phọ Ọmoogh-we phọ ụḅeni iyoor mọ ipuru inyina mọ, ‘Ịphen phọ nyina eḍighi bọ ịghen? Ipeel phọ ịphen nyina eḍighi bọ ẹpioman esi Ẹnaan phọ Ịzirel. Nyina mẹwile ọdaph Ọmoogh-we phọ rodon, ẹkan enmeny ạrikia ẹlo anyina, ẹmoogh oḅom ẹmhu dị aleeny ịduon esi Ọmoogh-we phọ rodon.

Josua 22:18

bịn rodon nyina mẹgbatanaan ẹbile ọdaph Ọmoogh-we phọ? Kụ eru dị nyina ẹpioman Ọmoogh-we phọ rodon, tụ pọ iḍue dị kạliom ghẹlhe phọ ọdi oomo ookpomoghan phọ Ịzirel.

Josua 22:20

Akan ọony phọ aZera, ạphue ḍịen omeeraam mọ ọdi loor ạraraar phọ ịpe ọgbatan bọ ọngo Ẹnaan, kụ ạghelhe phọ asoorom bọ oomo ookpomoghan phọ Ịzirel? Ọdi bịn kụ óguul bọ loor ạsipioghom mọ ọdi?’”