Josua 6:5 - Ạḍinya Iigbia

⁵ Kụ bịdi opula mem ọdoonye. Nyina mẹnaghan ẹḍogh ạrukuodu phọ, bịn oomo phọ awe kọyughuron rꞌeboom ẹḍogh ọkiom ạnyu. Iikpe ẹmha phọ ạbidi kemeleghu ude, bịn nyina kenyeene ẹki eḍigh ologhi ẹmha phọ.”

Josua 6:5 Iomraidhean Croise

Ẹḍua 19:19

Kụ ẹḅaam ọkuodu phọ ẹghi ghan ạnyu ạnyu. AMozis ạḅa kụ Ẹnaan ạaran rꞌọomaany.

Azaya 25:12

Ọdi kapiemi ni riisi ẹkpar phọ ạMoab rꞌiiphopha iikpe phọ ạbidi, kụ ọkororo omeleghu osuma ọoru.

Azaya 30:25

Ḍio phọ kọsighiogh bọ riisi ẹkpar ạbumulogh-ḍien phọ kụ ọze we ạbidi, ạmuum kakil li amite sikol ạtorobo eegum rꞌẹeḅaraph.

Jerimaya 50:15

Ịki ekitonom ẹmha phọ ẹḅeni we ịlo ẹgham mọ! Nyịidipho ạBabilon maphoophe rạghaagh. Iikpe phọ ọdi molhereghi osiemi ude. Mị raḅulemian we ạBabilon. Ịduon kụ iḍighi kụ iḅulemian aani bịdi kụ ẹmiine bịdi ịdipho bịdi ọmiine bọ bụnon.

Bụo aHibru 11:30

Omeeraam kụ aḍighi bọ ịyaar phọ iikpe phọ oghoonyom bọ Jeriko emeleghu bọ, mem dị awe phọ orelhe okitonom ḍio etum ḍio tụtu ẹman oḍual aḍughul-otu.

Josua 6:16

Ooghironom oḍual amem mọ, mem dị ariil ạrikia phọ rọwa ophula yogh ạrukuodu phọ kụ aJosua ạto ạḅeni we phọ mọ ọyughuron kụ ạḅem mọ, “Ọmoogh-we phọ mịngo inyina ẹmha phọ!

Josua 6:20

Mem dị awe phọ ọnaghan bọ rọḍogh ạrukuodu phọ ariil ạrikia phọ ropula yogh bọ, bịdi ụyughuron ni rꞌeboom ẹḍogh ọghiom ạnyu bịn iikpe ooghoony ẹmha phọ emeleghu, bịn awe phọ ọghi oḍigh sịphe ẹmha phọ. Tọrobo oye anyeene ni ạghi aḍigh ologhi ẹmha phọ, bịn bịdi ọsighe ẹmha phọ.

Josua 6:4

Oḍual ariil ạrikia oye ye ạpam ọkuodu ọphaal odughuna, bịdi kụ kọtol ghisigh Igbe Ịyo phọ. Ḍio dị kemuneniom oḍual, nạ rꞌawe ẹgham mọ ạna kegiriph eeghironom ẹmha phọ oḍual amem, kụ ariil ạrikia phọ opula ghan rụkuodu phọ.

Josua 6:6

AJosua ọony phọ ạNon ạmagh bụpinyon rịkia phọ kụ ạḅeni bịdi mọ, “Ịsighe Igbe Ịyo phọ erool. Oḍual anyina, ịsighe oḍual ạrukuodu ạraphaal idughuna phọ kụ ẹghi ẹpe ghisigh Igbe Ịyo phọ Ọmoogh-we phọ.”

Bụo Ịiruen 20:37

Awe phọ ạbuphe ạaghian yogh bọ uugborion bịn oghiil ọghi ozuom we aGibia. Awe phọ ạaghian yogh bọ ọwalala ẹmha phọ kụ ọsighe ḍịmaam elhool ẹgham ọziom oomo awe phọ.

1 Sạmuel 17:20

ADevid aḅon aḅetenu ḍịeri phọ ạḍiroor phọ, ạwilenaan iyool-ịga phọ ọnon oye, kụ ạsighe eḍien phọ ạghi ịdipho ạJesi mạḅeni bọ nyọdi. Ọdi ạghi asi ẹpe arugbogo phọ mem dị awe phọ Ịzirel moḅetenu rọki ẹpe erugh ẹgham mọ kụ rọmoor ghan sụor ẹgham.

1 Sạmuel 17:52

Kụ awe phọ Ịzirel rꞌaJuda ọyughuron, kụ omiigh ophorogh ạbidi tụtu ọghi osi Gạt, ḅịle kẹn rꞌeḍighom Ẹkron. Kụ awe aFilistia dị moḍighi yogh rạraar umeleghu ni oomo eten phọ rẹki bọ Saaraim tụtu ẹghi esi Gạt rꞌẸkron.

1 Sạmuel 4:5

Kụ mem dị Igbe Ịyo kꞌỌmoogh-we phọ eru bọ esi, awe phọ Ịzirel ụyughuron ni iboom ọyugh iboh dị ade phọ ephiigha.