Josua 6:4 - Ạḍinya Iigbia

⁴ Oḍual ariil ạrikia oye ye ạpam ọkuodu ọphaal odughuna, bịdi kụ kọtol ghisigh Igbe Ịyo phọ. Ḍio dị kemuneniom oḍual, nạ rꞌawe ẹgham mọ ạna kegiriph eeghironom ẹmha phọ oḍual amem, kụ ariil ạrikia phọ opula ghan rụkuodu phọ.

Josua 6:4 Iomraidhean Croise

Emiighom 2:3

Ẹnaan ịseph ni ḍio phọ ạḍiphe kụ ẹsaḅar eseere mọ aḍio iigbia, ịdi eḍighi bọ aḍio phọ ạḍiphe kụ ẹdi odi akureri bọ ọlhem mọ.

1 Ạbudaam 18:43

Kụ Ilaija ạḅeni otelhedom mọ ọdi mọ, “Kịa nyịidipho aphogh ọphiiny phọ.” Kụ ọdi ạghi aphogh, kụ ạḅeni mọ, “Ịyaar ílho.” Kụ ọdi ạḅeni nyọdi mọ, “Kịa amuneni oḍual amem.”

2 Ạbudaam 5:10

Ilaisa arom otelhedom ọdi mọ, “Ḅẹni nyọdi mọ, ‘Kịa aḍiiny oḍual amem sịphe Ọphiiny ạJodan bịn aḍizu phọ ạna keḅula ni ẹtol ịdipho ẹrol ghan bọ bịn nạ ạkua aseleman.’”

2 Ạbudaam 5:14

Kụ ọdi ạghi aḍiiny mụum mọ sịphe Jọdan oḍual amem, ạdaph ịpe oye phọ kꞌẸnaan ạḅeni bọ nyọdi; bịn aḍizu phọ ọdi eḅula, ẹrol ịdipho aḍizu ọbumoony, bịn dị aḍum.

2 Krọnikuls 13:12

Ẹnaan rꞌaloor kụ oḍiemiom ayoor kụ ariil ạrikia ọdi odi sịen rꞌaruuḍue, ọnya ophula ọmagham ayoor eenom anyina. Weye Ịzirel, kébeenan Ọmoogh-we Ẹnaan ạburude ạburude ayoor. Nyina kẹ́kpar epu!”

2 Krọnikuls 20:17

Nyina kébe ẹgham mọ ẹphen. Ịmeregha riisi anyina bịn kụ ekori; nyina kẹmiin ni dị Ọmoogh-we phọ kịngo inyina ọkpar opu. Weye aJuda rꞌaJeruselem, kéekpukian ḅịle kékiilaan. Ịki ẹgham mọ, kụ Ọmoogh-we phọ kạtolan ni rꞌanyina!”

2 Krọnikuls 20:19

Ạbuo aropolo aKohat rꞌaKora bụo eghun phọ aLivai ọmeregha kụ ọlo ọghiom ạnyu ọseph Ọmoogh-we Ẹnaan phọ Ịzirel.

2 Krọnikuls 20:21

Mem dị ọdi maapuruan ruupuruan rꞌawe phọ ạmadan, ọdaam mọ ạto ni mọ buniin ạroko-ạsuor ọkpologhian igbogh ạrusuoma ạbidi ịpe bịdi roonmenan ghan bọ ḍio ẹyaal kụ ogiriph erelhe oḍiemiom we ẹgham mọ, ọmoogh ghan: “Iboom Ọmoogh-we phọ! Ẹphomoghian ọdi rẹ́gbo ghan!”

Job 42:8

Nyịidipho sịghe oḍual ilephiri ạsinam rꞌoḍual idughuna ạghiomonaan Job ạsighe ạphighironaan ẹkia loor phọ anyina. AJob kịiḅereghinaan inyina kụ mị kạnaghanan ni ịiḅereghi phọ ọdi bịn mị ạbile oofolomi anyina ịdipho nyina ẹkpe bọ oofolomi phọ. Nyina ị́kaaph ịne ịlo ạmi ịdipho ọdi ạghaaph bọ.”

Azaya 27:13

Mem dị ẹteeny ḍio phọ ạḍiphe, kopula ni ọkuodu ọmagham mọ origheel oomo ạbuo Ịzirel phọ odi bọ dọl iiruen kꞌẹpe Asiria rꞌIjipt. Bịdi kotu ni ooseeny Ọmoogh-we phọ sịphe Jeruselem ạnyu ẹeḅaraph iigbia phọ ọdi.

Lịvitikos 14:16

Ạsighe ghụnugh ạḍighaagh elhiom ọdi atiom mụnum mọ odi bọ ẹda ạḍighaagh ekeeny phọ ọdi, kụ ạsaraghi mụnum mọ oḍual amem egbodo Ọmoogh-we phọ.

Lịvitikos 4:6

Kụ oyil ạrikia phọ ạsighe ghụnugh ọdi atiom ghan ạsaraghi oḍual amem egbodo Ọmoogh-we phọ rꞌịsiphe ukpe phọ ọkpo bọ esomanan Ạdol Iigbia phọ.

Zẹkaraya 4:2

Kụ ọdi apuru mọ, “Ẹphen nạ rạmiin bọ eeghe?” Kụ mị ạphagharanaan mọ, “Ọmeremiom ọtozi dị oḍighinom gol. Ẹpe ạnyu phọ oseere ẹkpa ọlogh ghan ạmunum mọ. Sịphe ạnyu ọmeremiom mọ ọḅam oḍual ịtozi kụ tọrotoro ọtozi ạmoogh oḍual ariisi ọlogh iḍigh ọtozi.

Zẹkaraya 4:6

Ọokpaany phọ ụḅeni ni ịmi mọ ọḅeni ạZerubabel dom Ọmoogh-we phọ ạḍien: “Ọkpar opu dị nạ kạmoogh kạ́ḍua esi ịikpo awe ẹgham mꞌesi ịnyaam ạna kụ ọlo kạḍua esi uwaloor ạmi kụ atu.

Igbiighi 23:1

Kụ ạBelam ạḅeni Bẹlak mọ, “Ụkaanaan ịmi sịen oḍual arenmeny ạrikia, kụ ạsighe oḍual ugheel ilephiri ạsinam rꞌoḍual idughuna uruom ịmi.”

Josua 6:3

Nạ rꞌoomo awe ẹgham mọ ạna kegiriph eeghironom ẹmha mem ḍio. Ịtuugh ịdipho eḍighi odiiny aḍughul-otu.

Josua 6:5

Kụ bịdi opula mem ọdoonye. Nyina mẹnaghan ẹḍogh ạrukuodu phọ, bịn oomo phọ awe kọyughuron rꞌeboom ẹḍogh ọkiom ạnyu. Iikpe ẹmha phọ ạbidi kemeleghu ude, bịn nyina kenyeene ẹki eḍigh ologhi ẹmha phọ.”

Ogonanami Phọ 1:20

Mogananami ẹmhu oḍual ạraanaan phọ nạ ạmiin bọ ḍịghaagh elhiom mọ ạmi, ḅịle rꞌẹmhu oḍual ịtozi phọ ọkaaghiom bọ gol phọ ịduon: oḍual ạraanaan phọ, pọ ạruukpaany phọ Ẹnaan repogh bọ oḍual ạsiosi phọ, ḅịle oḍual ịtozi phọ, pọ oḍual ạsiosi phọ.”

Ogonanami Phọ 1:4

Mị ạJon kụ ụge ratuomaan bụo oḍual ạsiosi phọ Esia. Ạḍiseph rꞌẹepho kꞌỌpo odi bọ kụ ạrol bọ kụ katu bọ, ḅịle kꞌoḍual aruwaloor phọ edi bọ ghisigh ạgada ọdaam ẹmha phọ, ḅịle kꞌạJizos Kraist phọ ụ́gba ghan bọ ụloghom kụoom mọ, Ọkpana sịphe ạbuphe oḅerion bọ esi aḍuugh phọ, Ọdaam ạbudaam aḅirini phọ, ịrolonaan inyina! Ọdi ụphomoghian ghan iyira kụ mạsighe ịḅaal phọ ọdi ụtagharanam iyira esi ịkaraph phọ ayira,

Ogonanami Phọ 10:3

kụ ạlooghi ạghiom ạnyu ịdipho ạnam-dịka dị remoghi. Ọdi rọlooghi rosophe kụ oḍual ạraghaagh ọomaany ẹraph emegheron.

Ogonanami Phọ 15:1

Kụ mị ụḅile ni ạmiin ẹnon eboom eḍeenaan ẹpe kꞌạke, dị eḍigh ịikia ruugu: oḍual ạruukpaany ụrol li dị ọpham oḍual imananaany. Ịphen kụ ịlo ekureriom ạghelhe phọ Ẹnaan.

Ogonanami Phọ 15:7

Kụ oniin sịphe inya ạraraar phọ ẹmoogh bọ ḍiphooghu phọ ạngo oḍual phọ ạruukpaany phọ oḍual iḍukuru ạsigbagba agol, dị ạghelhe phọ Ẹnaan edi ghan bọ kꞌagee-pọ kꞌagee-pọ phọ amuza.

Ogonanami Phọ 16:1

Kụ mị ụḅile ni ạnaghan ḍịolho dị ẹḍua sịphe otu ịiḅereghi phọ ẹḅeni ghan oḍual ạruukpaany phọ mọ, “Ịki ezuughiom de phọ ghẹlhe phọ Ẹnaan odi bọ ologhi oḍual iḍukuru ạsigbagba phọ.”

Ogonanami Phọ 5:1

Mị ụmiin ni dị ọpo ạrolom bọ ạgada ọdaam ẹmha phọ ạpham ḍikpooghineen ạḍinya ḍịghaagh elhiom mọ ọdi. Ịgeeghi phọ imuza ni ịyal phọ ọman ạḍinya phọ. Ụsighe ni oba ọḅirighiom oḍual ariisi.

Ogonanami Phọ 5:6

-Kụ mị ạmiin Mọony Oyool-ọga dị ạmeera sịphe ogbo ạgada ọdaam ẹmha phọ, dị inya ạraraar phọ ẹmoogh bọ ḍiphooghu phọ rꞌikumoor awe phọ oko okitonom. Ọony Oyool-ọga phọ ạrol mụdi moghiigh ni. Ạmoogh oḍual ạraphaal rꞌoḍual ariḍien, dị eḍighi oḍual aruwaloor phọ Ẹnaan erom bọ kụ eru bọ oomo aḅirini phọ.

Ogonanami Phọ 8:2

Kụ mị ạmiin oḍual ạruukpaany phọ ọmeregha bọ ghisigh phọ Ẹnaan. Ụngo ni bịdi oḍual ạrukuodu.

Ogonanami Phọ 8:6

Kụ oḍual ạruukpaany phọ ẹmoogh bọ oḍual ạrukuodu phọ ookolobian ophula.