Josua 6:3 - Ạḍinya Iigbia

³ Nạ rꞌoomo awe ẹgham mọ ạna kegiriph eeghironom ẹmha mem ḍio. Ịtuugh ịdipho eḍighi odiiny aḍughul-otu.

Josua 6:3 Iomraidhean Croise

2 Krọnikuls 4:3

Ooghironom aruukuna oghuugh phọ usereghi ịyal ạsikool ibura, ḍiniin ẹrol ạnyu aḍiniin. Ibura phọ ịghigh ịya ạsinam dị mọḅaraghi eniin esi rꞌịpheri phọ oghuugh phọ.

Igbiighi 14:9

Ịdi idianaan iyira; yira kụ́moogh ịgbagharan esi Ọmoogh-we phọ. Kẹn, yira kúkiilaan bụo ade phọ, ịdi eḍighi bọ bịdi phọ eḍien ayira. Ẹloghonaan bịdi ílhoonaan mun; mạar bịdi ẹloghonaan phọ ạbidi. Ọmoogh-we phọ odi ni rꞌayira, kékiilaan bịdi.”

2 Bụo ạKorint 4:7

Kụ ọlo yoor phọ ọmoogh bọ ẹeḍiom mọ ẹphen ọkigh ighiil aroko, ọbo olegheriom mọ oomo ịikpo phọ kị́lo ayoor, ịlo Ẹnaan.

Josua 6:11

Kụ ọdi ạḅeni ḍita awe phọ ạbuen mọ ọsighe Igbe Ịyo phọ Ọmoogh-we phọ ooghironom ẹmha phọ mem kụ bịdi oḅula sịphe arugbogo phọ kụ ọmina ẹḅaal.

Josua 6:14

Ḍio phọ ạḍien emuneniom bọ ịyal phọ, bịdi ọḅile kẹn ogiriph ooghironom ẹmha phọ mem bịn, kụ bịdi oḅula ẹpe arugbogo phọ ạbidi. Bịdi uḍighi ịduon phọ odiiny aḍughul-otu.

Josua 6:2

Kụ Ọmoogh-we phọ ạḅeni Josua mọ, “Mị mạḅogh Jeriko rạngo nyịna, rꞌọdaam ẹmha phọ ạbidi, rꞌoomo ikakara awe phọ ọdi. Nạghan ịphen nyina keḍighi bọ.

Josua 6:4

Oḍual ariil ạrikia oye ye ạpam ọkuodu ọphaal odughuna, bịdi kụ kọtol ghisigh Igbe Ịyo phọ. Ḍio dị kemuneniom oḍual, nạ rꞌawe ẹgham mọ ạna kegiriph eeghironom ẹmha phọ oḍual amem, kụ ariil ạrikia phọ opula ghan rụkuodu phọ.

Josua 6:7

Kụ aJosua ạḅeni we phọ Ịzirel kụ omiigh ogiriph ooghironom ẹmha phọ, rꞌaḍita awe dị ọnyaaghian ịlo ẹgham dị oḍia risigh Igbe Ịyo phọ Ọmoogh-we phọ.