Josua 5:9 - Ạḍinya Iigbia

⁹ Kụ Ọmoogh-we phọ ạḅeni Josua mọ, “Rodon phọ ạḍien mị magbuurogh umugholoor phọ nyọpo Ijipt ạsighe loor anyina.” Ụtuan ịphen kụ oghol bọ sịphe phọ mọ ạGilgal kꞌarodon.

Josua 5:9 Iomraidhean Croise

Emiighom 34:14

Bịdi ọḅeni bịdi mọ, “Yoor kómeera umor ạnir-ephoph ayoor ạghi ilhom kꞌoye dị úḍuna. Ịpe keḍighi roofola esi ayoor.

2 Sạmuel 19:15

Ọdi aten ratigheel kụ ọdaam mọ azuan weye aJuda sịphe ọphiiny phọ ạJodan, dị moru osi Gịlgal ororori ọdi ọḅeenye ọphiiny phọ.

Nehemaya 12:29

rꞌẹpe Bẹt Gịlgal, Geba rꞌAzmavet.

Ạsuor 119:39

Ụphel ịmi esi ịḅenian phọ mị rakiilaan bọ; ịiruen phọ ạna eḍighi ḍiigu!

Jerimaya 9:25

Ọmoogh-we phọ ạḅem mọ, “Amem retu ni dị mị kạliom weye phọ Ijipt, Juda, Idom, Amon, Mọab bịle kẹn rꞌaweye ẹpe ẹdala phọ, bụphe oghula yogh bọ rụmhu phọ ạbidi. Oomo phọ ạbuen phọ oḍuna yogh ni, kụ ọlo ụ́pamanam ịyo phọ ịpe oḍuna phọ aḍeenaan bọ. Rꞌoniin ọnyo ạbuen phọ ḅịle kẹn rꞌoniin oye ọlo Ịzirel ólho dị ạphamanam ịyo phọ ạmi.”

Izikiel 23:3

Mem mọ bịdi oḍighi bọ risina kụ orugh sịphe Ijipt, bịdi uroph ni ẹnighe ạbidi kụ oḍighi bulhiom ẹmha.

Izikiel 23:8

Ọdi aḍighi ạghiom risigh ịpe ọdi mamiigh bọ ịlo oliom ẹmha sịphe Ijipt, ẹpe ọdi aroph bọ ẹnighe phọ ọdi. Emiigh kꞌamem mọ ọdi aḍighi bọ ọnyani, alephiri ụmina ghan rꞌọdi kụ oḍighi nyọdi oliom ẹmha.

Hosia 4:15

“Ghạlamo nyina awe Ịzirel ịmi ị́meeraam, aJuda kụ́tol aani ịduon anyina. Kéeseeny ghan ẹpe Gịlgal mꞌẹpe Bẹt Aven. Ḅịle kẹn, kékunyian ghan ẹpe phọ esi aḍien Ẹnaan phọ edi ghan bọ bịn.

Lịvitikos 24:14

“Sịghe nyọdi sịphe ologhi arugbogo phọ amitiom, kụ oomo ạbuphe ọnaghan bọ ịpe oye phọ arunyon bọ ọsighe rạghaagh ạbidi ọḅamaghi ẹmhu ọdi ịlo ọgba omitiom mọ epum ni nyọdi, kụ reten oomo aḍita ookpomoghan phọ kotoḅol nyọdi ikpo.

Ẹmos 5:5

Kẹ́ki mun ẹpe Beersheba kụ ịiḅereghi. Kẹ́kparagha ghan ọwa ạmi ẹpe Bẹtel — ạBetel kape ni. Kẹ́ki mun ẹpe Gịlgal — awe ọdi, pọ awe dị mookolobian ọghi ẹnon eelhe dọl iiruen.”

Maika 6:5

Weye ạmi, ịitughian ịpe ạBelak ọdaam mọ ạMoab ạnya bọ oḍighi anyina rꞌịpe ạBelam ọony phọ aBior ạphagharanaan bọ nyọdi. Ịitughian ịpe emite bọ ẹpe eten phọ emiigh sịphe arugbogo phọ ẹpe Akasia kụ esi Gịlgal. Ịitughian rạraar phọ ịphen bịn nyina kelegheri ni mọ mị uḍighi ịlo ọphelom anyina.”

Zẹfanaya 2:8

Ọmoogh-we Oomo Ịikpo phọ ạḅem mọ, “Mị mạnaghan ni ịdi aweye phọ ạMoab rꞌAmon rọḅeni yogh kọnmoghoghoom weye phọ ạmi, kụ robaga mọ bụno kọsighe de ạbidi rꞌẹekpara ekpeḍien.

Josua 24:14

“Kụ nyịidipho, ikueni Ọmoogh-we phọ eeseeny ghan nyọdi rꞌoomo ologhi anyina rꞌomeeraam. Ịbile rụmugh phọ ịpe ạburude phọ anyina ooseeny ghan bọ ẹpe Mesopotamia rꞌẹpe Ijipt. Iiseeny ghan Ọmoogh-we phọ bịn.

Josua 4:19

Awe phọ ụḍua sịphe Jọdan ḍioph aḍughul-otu ọḅel ụnwanyu phọ, kụ odoghoḍi rugbogo sịphe Gịlgal, sịphe ọku ạga emitenom aJeriko.

Josua 5:8

Mem mọ oḍunogh bọ we phọ, oomo eelhe phọ ịrol sịphe arugbogo phọ tụtu ạrelem oḍu phọ egheleghu.

1 Sạmuel 14:6

ẠJonatan ạḅeni mạtuan phọ mọ, “Ọḅeeny ọghi ẹpe arugbogo ẹgham ạbuo aFilistia awe aruru phọ. Iini Ọmoogh-we phọ kụloghonaan ni iyira ḍịghaagh; eḍighi ịyaar dị ọdi ạlogh ḍịghaagh, pọ ọdi kụngo ni iyira ọkpar opu; ghạlamo ịduon yira oghom bọ ni.”

1 Sạmuel 17:26

ADevid apuru ni we phọ ạbuphe otuman bọ nyọdi mọ, “Kọngo eeghia oye lọ aghiigh oye ọlo aFilistia phọ ọphon phọ kụ aḍighi ịdi Ịzirel okpetenaan ituunyan phọ ịphen? Ạnhian ọnyo ịdeni ọlo aFilistia phọ ọphon phọ kụ atu bọ raafolomi weye ẹgham kꞌẸnaan phọ rémugh ghan bọ?”

1 Sạmuel 17:36

Mị mạze ni ạnam-dịka rꞌạrebeny, kụ mị kạtuugh ni ịduon phọ aḍighi ọnyo aruru ọlo aFilistia phọ ọphon phọ maafolomi bọ we ẹgham Ẹnaan phọ ẹpe rémugh ghan bọ.

1 Sạmuel 7:16

Tọrotoro ạlha ọdi kạḍua ni Bẹtel ạki Gịlgal, ạḍua sịphe ạki Mizpa, kụ tọro ẹmha lọ ọdi asi ọdi ạghaaph ghan ni sighiton lọ edi.