Josua 5:3 - Ạḍinya Iigbia

³ Kụ aJosua ạlhem sịleke dị eroph kụ ạsighe aḍunoghom ẹphen ạnyu oodu phọ awe phọ Ịzirel sịphe Eegbolom aGibet-hạralot.

Josua 5:3 Iomraidhean Croise

Ẹḍua 4:25

Kụ aZipora ạsighe opoḍi ẹna dị eroph aḍunom mọony phọ ọdi, oodu phọ atebenaan ruwol aMozis kụ ạḅem mọ, “Nạ olhom ịḅaal esi ạmi.”

Matiu 16:24

Kụ ạJizos ạḅeni bụmatuan phọ ọdi mọ, “Oye lọ rạwa ọdaph ạmi asooromi loor ameeraam ḍuugh kụ aḅeton osuom arusu phọ ọdi arool kụ ụdapham ịmi!

Josua 5:2

Mem mọ ạmuphe Ọmoogh-we phọ ạḅeni Josua mọ, “Lẹm sịleke dị eroph, ạsighe ạḅile aḍunoghom we phọ Ịzirel amuneni ịyal amem.”

Josua 5:4

Ịphen kụ iḍighi bọ ịyaar phọ aJosua ạtuan bọ kụ aḍunogh bọ oomo alephiri phọ awe phọ: mem mọ awe phọ Ịzirel ọḍua bọ ẹpe Ijipt omite, oomo alephiri phọ moḍuna yogh ni. Kụ ọlo, mem inyadi ạsia phọ awe phọ Ịzirel orelhe bọ sịphe ẹdala phọ, rꞌoniin olephiri ọony dị oḍun ọ́rol. Ḅịle kẹn, eekuna amem mọ ạmuphe oomo alephiri dị mọman ọki ee ẹgham mem mọ bịdi rọḍua bọ ẹpe Ijipt momugh, loor esi dị bịdi ụ́naghanan ghan Ọmoogh-we phọ. Ịdipho ọdi maghunya bọ, ọdi ómeera bịdi ọmiin de ẹereegh rꞌọninom mọ ạḍiphe ọdi aguanaan bọ bụrude ạburude ạbidi.