Josua 5:1 - Ạḍinya Iigbia

¹ Mem dị ạbudaam mọ Ạmorait bụphe orugh bọ ẹḅeenyom ạJodan ẹpe erumuḍio phọ remeel ghan bọ rꞌoomo ạbudaam mọ aKenanait bụphe orugh bọ sịphe ọgbal Ọphiiny aMeditarenian ọnaghan bọ mọ Ọmoogh-we phọ mạgharagharami mụum ạJodan esomanan awe phọ Ịzirel ạsighe tụtu yira ọḅeeny ophun, bịn iloghi ạbidi ẹkonono yogh bịn uwaloor ạbidi ạḍua loor ạbidi loor ẹmhu awe phọ Ịzirel.

Josua 5:1 Iomraidhean Croise

Emiighom 12:6

Rosi Kenan kụ Ebram arelhe yogh oomo ade phọ tụtu ọdi asi ạteeny oreeny iigbia phọ aMore esi iigbia ẹmha phọ ạSekem. (Mem mọ ọpo phọ awe aKenan otugh ni sịphe ade phọ.)

Emiighom 48:22

Ịdi etum pạ, nạ kábumor phọ ạna kụ ẹdi mị rạngo Sẹkem, ịma phọ ade ẹnuum mọ, ḍịphe mị ạar bọ Ạmorait rꞌelhool rꞌạkumugh ạmi.”

2 Sạmuel 21:2

(Awe phọ ạGibion úḍighi weye Ịzirel; bịdi uḍighi eniin ẹbam ẹkpigh Ạmorait dị awe phọ Ịzirel oguanaan ọmaar ooko, kụ ọlo ạSol eenan ophiemi ạbidi loor esi dị ọdi ọ́wa mọ oye ạaḅaghami Ịzirel rꞌaJuda.)

1 Ạbudaam 10:5

rꞌeḍien phọ edi bọ sịphe ạnyu ịdaabili phọ ọdi, rꞌạdol awe iiḍighi phọ ọdi rꞌeḍighinom ạraraar abutelhedom mọ ọdi, rꞌibura phọ ạbidi ạbumeleghiom mọ ọdi, rꞌạrikia oguom ạnian phọ ịpe ọdi ạphighironaan bọ sịphe Otu Ịiḅereghi phọ, bịn ạnir phọ amaghagha.

Ẹzra 9:1

Mem dị moḍighi oomo phọ ịphen, abuniin abuḍiemiom awe phọ Ịzirel oru kụ ụḅeni ịmi mọ awe phọ, ariil ạrikia phọ rꞌạbuo aLivai phọ úseere siloor ạbidi ọgbatanaan esi awe areelhe phọ etuman bọ: bụphe Amon rꞌạMoab rꞌIjipt, Kenan, Hịtait, Pẹrezait, Jebusait rꞌẠmorait. Bịdi uḍighi ghan igina phọ ịkaraph ạraraar phọ ịpe awe phọ ạbuphe phọ oḍighi bọ.

Ạsuor 135:11

Sihon, ọdaam Ạmorait; Ọg, ọdaam ạBasan; rꞌoomo ạraalha ẹpe Kenan.

Ẹḍua 23:28

Mị kaakperemi ni ẹpomoghian phọ anyina; mị kaporogh ni ạkele Hivait phọ rꞌaKenanait phọ rꞌạHitait phọ ịduon nyina rẹki bọ.

Azaya 41:5

“Awe ạreekela arere mọmiin ni ịdi mị maḍighi; Bịdi rokiilaan ni kophiigha rꞌoḅio dị rakaph. Kụ bịdi ookpomoghan kụ oru.

Izikiel 16:3

Ḅẹni Jeruselem ịpe Ọmoogh-we dị ạmoogh oomo ịikpo rạḅeni bọ nyọdi: “Nyịna ụmar sịphe ade phọ aKenan. Ọde ạna ọlo Ạmorait, kụ onhiin ạna ọlo ạHitait.

Izikiel 21:7

Mem dị bịdi opuru nyịna mọ eeghe kụ nạ rạkuph bọ, ḅẹni bịdi mọ aloor esi ọghaaph phọ ọpo ratu bọ. Mem dị ọdi aru, iloghi ạbidi kemuza rꞌoghiilaan, ạraghaagh ạbidi kedugh ni, ạkpo ologhi ạbidi kạmoogh mabi, kụ aruukum ạbidi eekpeka. Amem mọ mẹteeny, mesi ni sịen.” Ọmoogh-we dị ạmoogh oomo ịikpo mạḅem.

Dạniel 5:6

Ọdi akpaghagha ḅịle aruugu asiph nyọdi tụtu aruukum ọdi emiigh ophiigha.

Ẹmos 2:9

“Ilegheri, weye ạmi, mọ loor ẹmhu anyina kụ ẹdi mị ạtuan kụ aphiemi we phọ Ạmorait, we dị ophoph ịdipho ọsaga kụ ọkpar ịikpo ịdipho ạsiogh.

Igbiighi 13:29

Bụo Ạmalekait otughogh ni ẹpe ade phọ aNegeb. Bụo ạHitait, bụo aJebusait rꞌạbuo Ạmorait otughogh ẹpe aroogbolom mọ. Kụ aKenanait phọ otughogh ọgbal Ọphiiny aMeditarenian rꞌoogbom Ọphiiny ạJodan.”

Josua 17:12

Kụ awe phọ ạManase útue úporogh bụphe orugh bọ ẹpe ạramha phọ ịpe phọ; bụo aKenanait phọ ọkanan ni otugh sịphe ade phọ.

Josua 17:18

Kụ iḍighi, ịḅaram roogbolom mọ eḍighi ịlo anyina. Ghạlamo eḍighi ni ẹekpua, ịki ẹsam ẹboorogh eselemi de, ẹmoogh ẹsighe esiemi ẹpe eekuna ọku phọ. Ghạlamo awe aKenanait phọ ọmoogh ịikpo rꞌarughuugh-ude dị oḍighinom rukuron, nyina keporogh ni bịdi, bịdi ọḍuaghu.”

Josua 24:15

Mụghumo eḍighi ni ịkaraph esi anyina ooseeny ghan Ọmoogh-we phọ, pọ rodon ịma nyọpo nyina keeseeny ghan bọ, mụghumo ạrumugh phọ ịpe ạburude phọ anyina ọoḅereghi ghan bọ ẹpe Mesopotamia, mụghumo ạrumugh awe Ạmorait phọ sịen ade phọ ạḍien nyina erugh bọ, kụ mị rꞌọto ạmi kooseeny ghan Ọmoogh-we phọ.”

Josua 3:16

ạmuum mọ asophe okil bịn akpolan eḅum kꞌẹpe ogbo ọphiiny sịphe Ạdam, ẹmha dị edi ọogaany aZaretan; kụ ekiilom ạmuphe rasoor bọ kaḍigh Ọphiiny-Ạla phọ ẹkar bịn esophaan: kụ awe phọ oru ọḅeeny ophun esi dị etuman Jeriko.

Josua 3:17

Ịdipho awe phọ orelhe bọ rọḅeeny ḍịgharaghar ade, ariil ạrikia phọ ạbuphe orool bọ Igbe Ịyo phọ Ọmoogh-we phọ ụmeera ḍịgharaghar ade ogbo ạJodan, tụtu oomo awe phọ oten.

Ogonanami Phọ 18:10

Loor aruugu ịminimiin phọ ọdi, bịdi kọmeera ni egher kụ ọlooghi ghan mọ, “Oloo, oloo, eboom ẹkutu-kụtu phọ ẹmha phọ ạBabilon memeel. Esi oniin ạwa bịn mọlhiom ghụn ni nyịna!”

Bụo Ịiruen 1:1

AJosua romugh bọ kụ awe Ịzirel opuru Ọmoogh-we phọ mọ, “Ẹghen sịphe arughunughun phọ ayoor kụ kuḍiemiom iyoor azuom we phọ aKenan?”

Bụo Ịiruen 11:23

Ịdipho phọ kụ ẹdi Ọmoogh-we Ẹnaan phọ Ịzirel aphorogh bọ we Ạmorait phọ ạsighe de phọ ạbidi ạngo Ịzirel.

Bụo Ịiruen 3:3

Ịphen kụ areelhe phọ: oogh ạramha phọ ạbuo aFilistia, rꞌoomo awe ạbuo aKenan rꞌaSaidon, rꞌạbuo aHivait phọ orugh bọ ẹpe ạraaḅaraph phọ ạLebanon, emiigh sịphe Eegum aBaal Hẹrmon ẹsighe ẹghi esi ẹpe eḍighom ạHamat.

Bụo Ịiruen 4:2

Kụ Ọmoogh-we phọ ạsighe bịdi aalha Jabin ọnyo aKenan dị ạda ẹmha Hazor. Uw-ẹmhu awe ẹgham mọ ọdi ughol mọ aSisera dị arugh ẹpe Haroset Ha Goyim.

1 Sạmuel 25:37

Kụ mem dị amiim mọ mạḍuaghu, ạnir phọ ạḅeni nyọdi oomo phọ ịpe emite bọ, bịn ẹzegh eḍighi rꞌaloor phọ emuughu ẹmadan.