Josua 4:7 - Ạḍinya Iigbia

⁷ Kụ ẹphagharanaan ghan ẹḅeni bịdi mọ ạmuum mọ ạJodan asophaan ni egbodo Igbe Ịyo phọ Ọmoogh-we phọ, mem dị Igbe Ịyo phọ ẹḅeeny Jọdan ephun. Kụ ọsighe ghan sighiigh phọ ịphen ọotughianam ghan kꞌagee-pọ ịpe emitenaan bọ we phọ Ịzirel sịphe phọ.”

Josua 4:7 Iomraidhean Croise

Ạsuor 111:4

Ọmoogh-we phọ ómeera yira owula iiḍighi ịiḍaany phọ ọdi; ọdi oye iiḅi rꞌọnma ighirigiir.

Ẹḍua 12:14

Ịitughian ghan ịphen mị Ọmoogh-we phọ maḍighi bọ, eeko ghan ḍio phọ ạḍien eḍighi ẹyaal ọotughianam oghiil atum oghiil kꞌagee-pọ.’”

Ẹḍua 28:12

Ọdaphari ạnyu ọpha ạsuoma iikpera ạraghaagh ẹmeera enye aḍioph rꞌịyal arughunughun phọ Ịzirel. Ịduon phọ pọ Eeron katool siḍien phọ ạbidi ạnyu ọpha ạsuoma iikpera ạraghaagh ọdi, pịdi mị Ọmoogh-we phọ ạatughian ghan weye phọ ạmi.

Ẹḍua 30:16

Bọnyi ikpoki phọ ịphen weye phọ Ịzirel ạsighe aphoghom ghan Ogbogo Ạdol phọ ạmi. Osogh phọ ọphon ọlo ọphelom asighuḍum ạbidi, ḅịle mị kạatughian ni aako ghan bịdi.”

Azaya 66:3

“Awe phọ uḍighi ghan ịlo ẹḅeeraan bịdi. Esi ạbidi ọgbaranaan ólho; mụghumo bịdi ughiigh ḍilephiri ạnam ḅịle mꞌoye, kụ ọphighironom ẹkia; mụghumo bịdi ughiigh mọony oyool-ọga ḅịle mꞌosoph orum aghoogh, kụ ọphighironom ẹkia; mụghumo bịdi umitiom ẹkia ịbiakpa ḅịle mꞌịḅaal arophoropo; mụghumo bịdi ụsuughi ịnsens ḅịle mꞌọoḅereghi ịyaar lọ ọka. Ạḍiḅeeraan phọ ạbidi ooseenyom ghan ịdipho phọ, ạḅaphanya.

Igbiighi 16:40

Ịphen phọ eḍighi ọphur ạruru we phọ Ịzirel mọ oye lọ útu oyil ạrikia dị ạḍua ọkuruḅaka Eeron kụ amite kụ́ki ghan ụubeeph egbodo Ọmoogh-we phọ ọsuughi ịnsens, ọbo ọdi kape ghan bọ ịdipho aKora rꞌotul phọ ọdi ophe bọ. Oomo ịphen phọ uḍighi ẹdaphan ịpe Ọmoogh-we phọ arom bọ Mozis mọ ạḅeni Ẹliazar.

Igbiighi 17:5

Ịkpara oye phọ ọpo mị kạsaḅar bọ kesi ọmiigh. Ịduon kụ ẹdi mị kasophe oomo ịgum mọ awe phọ Ịzirel rọgumom ghan bọ nyịna.”

1 Bụo ạKorint 11:24

rọngo ḍịseph Ẹnaan, kụ ạparion, kụ ạḅem mọ, “Ọphon kụ aḍizu phọ ạmi rọngo bọ ọphelom anyina. Iḍighi ghan ịphen phọ ịitughianam ịmi.”

Dutoronomi 16:3

Ị́ḅaram ghan ạbred lọ awila kụ ele, ile ghan ạbred lọ úbilha oḍual aḍughul-otu, ạbred ịminimiin, ịdi eḍighi bọ nyina ịḍua ẹpe ade phọ Ijipt rꞌephirighan. Kụ iḍighi, ịitughian ghan ḍio phọ nyina ẹḍua bọ ẹpe ade phọ Ijipt oomo asuḍughul-otu aghuḍum mọ anyina.

Josua 4:6

Ịphen phọ ekori eḍighi rạraar dị kọsighe ghan ọotughianam esi anyina, mem lọ ạnmuny phọ anyina opuru bụrude phọ ạbidi, ḍio-pọ, mọ, ‘Ẹmhu asighiigh phọ ịphen phọ, pọ ika?’