Josua 4:6 - Ạḍinya Iigbia

⁶ Ịphen phọ ekori eḍighi rạraar dị kọsighe ghan ọotughianam esi anyina, mem lọ ạnmuny phọ anyina opuru bụrude phọ ạbidi, ḍio-pọ, mọ, ‘Ẹmhu asighiigh phọ ịphen phọ, pọ ika?’

Josua 4:6 Iomraidhean Croise

Ạsuor 44:1

Ẹnaan, yoor mọsighe ni reḅeri ayoor ạnaghanam — ạburude phọ ayoor mọghaaph ni ụḅeni iyoor — ịlo igbogh ạraraar phọ nạ aḍighi yogh bọ ḍiodiidi phọ mem mọ ạbidi,

Ạsuor 71:18

Kụ ghạlamo mị mạkpo ni asi sụol, kụ́ḅitonaan ịmi, Ẹnaan. Tọlan rꞌạmi mem lọ mị agbeelom ịikpo rꞌigbogh phọ ạna ạḅeni bụo oghiil dị ratu.

Ẹḍua 12:14

Ịitughian ghan ịphen mị Ọmoogh-we phọ maḍighi bọ, eeko ghan ḍio phọ ạḍien eḍighi ẹyaal ọotughianam oghiil atum oghiil kꞌagee-pọ.’”

Ẹḍua 13:14

Ḍio dị ọony ạna apuru nyịna mọ, ‘Ẹmhu ịphen phọ pọ ika?’ ḅẹni nyọdi mọ, ‘Esi ạḍighaagh iphelegbe phọ ọdi kụ ẹdi Ọmoogh-we phọ ụsighe bọ iyira amitiom ẹpe Ijipt, ẹpe ạdol ạrebene.

Ẹḍua 13:9

Ịphen phọ eḍighi dịadi ịyaar lọ ọkagh ḍịghaagh mꞌelhor anyina, dị kịghiom ghan inyina ologhi ọgbaam ghan rꞌọtuughaam ghan Ologh Ọmoogh-we phọ, ịdi eḍighi bọ rꞌạḍiikpara ạḍighaagh kụ ẹdi Ọmoogh-we phọ ịsighe bọ inyina ạḍuanam ẹpe Ijipt.

Ẹḍua 31:13

mọ ạḅeni weye phọ Ịzirel mọ, “Iiko ghan ḍio ophooghian phọ ạmi, loor esi dị ẹpe kụ elegh igbo anyina rꞌạmi kꞌagee-pọ oḍeenaan ghan mọ mị Ọmoogh-we phọ miḍighi inyina weye ạmi.

Azaya 38:19

Bụphe odi bọ kụ rooseeny nyịna ịduon mị raaseeny bọ nyịna. Ạburude rọḅeni ghan nmụny ạbidi ịdi nạ aḍighi oye aghuḍuul.

Azaya 55:13

Ireeny ạḍiipioph kụ kesi riisi dị nyịidipho iiḅurom kụ esiighi; aramamaam kꞌạke kụ kesi riisi dị iitoor kụ edi. Ẹphen keḍighi eḍeenaan dị kẹtol kꞌagee-pọ, ịyaar ọotughianam ghan ịdi mị Ọmoogh-we phọ maḍighi.”

Izikiel 20:12

Mị aḍighi ooko aḍio ophooghian phọ eḍeenaan ẹlo ọḅoph-ọnhu ogbo ayoor, ịlo ọghiom ạbidi ologhi mọ mị Ọmoogh-we phọ maḍighi bịdi we iigbia.

Izikiel 20:20

Ịsighe ḍio ophooghian phọ eḍighi ḍio iigbia, ọbo eḍighi eḍeenaan ịyo phọ yira oghiran bọ, ẹḅile ịghiom inyina ologhi mọ mị kụ Ọmoogh-we Ẹnaan phọ anyina.

Igbiighi 16:38

Mọpham bọ ịkeeghi phọ otumom risigh ạmi mọ eḍighi iigbia. Kụ iḍighi, ịsighe ịkeeghi awe ạsipioghom mọ ạbuen ọze bọ, ẹgurogh ẹpaḅarami ịyaar okpereghiom enmeny ạrikia phọ. Ịkeeghi phọ ịphen keḍighi ni eḍeenaan esi awe phọ Ịzirel.”

Iiḍighi 2:39

Oguan phọ Ẹnaan eguan bọ ọlo anyina rꞌạnmuny anyina, rꞌoomo ạbudi odi egher, rꞌạtorobo ọlo Ọmoogh-we phọ Ẹnaan phọ ayira kẹmagh ẹloghoma.”

Dutoronomi 11:19

Kụ ẹsighe ghan ịphen phọ ẹtughemi nmụny anyina, ẹghaaph ghan ịphen phọ mem lọ nyina ẹrol ude sịphe aruutu phọ anyina, rꞌamem lọ nyina retelhe eten, rꞌamem lọ nyina ẹmina, rꞌamem lọ nyina eḅetenu.

Josua 22:27

Eḍighi ịyaar dị kẹgba ghan emitiom ịlo anyina rꞌayoor, rꞌoghiil phọ ayira ọpo ratu bọ, mọ yoor uḍighi ghan ni oḍighi phọ Ọmoogh-we phọ sịphe Ogbogo ọphinyon aani ghan ni rịkia oguom ạnian rꞌịngooghineen rꞌạrikia ẹboroph phọ ayoor, ọbo ạnmuny anyina kẹ́ḅeniom ghan bọ nmụny ayoor, ḍio-pọ, mọ yoor ụ́moogh bin esi Ọmoogh-we phọ.

Josua 4:21

Kụ ọdi ạghaaph ạḅeni we phọ Ịzirel mọ, “Mem lọ ạnmuny anyina opuru bụrude phọ ạbidi, ḍio-pọ, mọ, ‘Ẹmhu asighiigh phọ ịphen phọ rẹḅem ghan mọ eeghe?’

Josua 4:5

kụ ạḅeni bịdi mọ, “Itenom Igbe Ịyo phọ Ọmoogh-we Ẹnaan phọ anyina, ẹghi sịphe ogbo ạJodan, kụ tọrobo ọnyo anyina ạsighe ghan ḍiniin niin aḍighiigh arool ọpha, ẹdaph rughunughun phọ awe phọ Ịzirel.