Josua 3:8 - Ạḍinya Iigbia

⁸ Tọ ạḅeni bụpinyon rịkia phọ, bụphe orool bọ Igbe Ịyo phọ, mọ mem dị bịdi ọghi osi ẹpe oogbom ọnuronu Ọphiiny ạJodan bịn ọguph oḍigh kụ ọmeera sịphe.”

Josua 3:8 Iomraidhean Croise

2 Ạbudaam 2:6

Kụ Ilaija ạḅeni Ilaisa mọ, “Seseeny, tọl sịen. Ọmoogh-we phọ ụḅeni ịmi mọ mị ụki Ọphiiny ạJodan.” Kụ ọdi ạḅem mọ, “Ịdipho Ọmoogh-we phọ odi bọ ni, kụ uwaloor phọ ạna odi bọ ni, mị nyịna rạ́wile.” Kụ ịyal phọ ạbidi oten ọghi.

2 Krọnikuls 29:15

Awe phọ ạbuen uukpomoghi bụeri ạbuo aLivai phọ, kụ oomo ạbidi oselemian siloor ạbidi. Pọ kụ amem dị, ịdipho ọdaam mọ mạto bọ bịdi oḍighi, bịdi omiigh ọosa Otu Ịiḅereghi phọ, ọdaphan Ologh Ọmoogh-we phọ.

2 Krọnikuls 29:27

ẠHezekaya ạto ạḅeni mọ ọsighe ẹkia oguom ạnian phọ oru ọḅamaghi; kụ ịdipho iiḍighi aḍio phọ emiigh bọ, awe phọ ọmoor sụor oboomiom Ọmoogh-we phọ kụ ạbuo iitia phọ omiigh ophula ạrukuodu rꞌịpheri phọ ạraraar iitia phọ.

2 Krọnikuls 29:30

Ọdaam mọ rꞌabuḍiemiom areelhe phọ ọḅeni bụo aLivai phọ ọmooraan sụor Ọmoogh-we phọ, sụor phọ ịpe aDevid rꞌAsaf oyil phọ ọgeeghi bọ. Kụ tọrobo oye ạmoor rꞌọḅaal ologhi mem dị okpuḍian kụ ooseeny Ẹnaan.

2 Krọnikuls 30:12

Ẹnaan ịrol li oḍighi ẹpe Juda kụ ạḅophoghi we phọ esi igbiighi ạbidi ọdaph ịtooghi ọdi ọdaphan ịto ọdaam mọ rꞌawe iiḍighi phọ ọdi.

Nehemaya 13:22

Mị ụto ni ạḅeni bụo aLivai mọ ọkia siloor ạbidi kụ ọghi okori rụnhu-aḍibuo phọ ọmiin mọ ooko ni ḍio ophooghian phọ oseere iigbia. Ụutughian ịmi, Ẹnaan esi ịphen phọ, kụ ạḅile ụwilenaan ịmi loor ẹmhu egbogh ẹphomoghian phọ ạna.

Nehemaya 13:28

AJoyada kụ ọony Eliasib ogbogh oyil ạrikia phọ, kụ oniin ọony aJoyada aphin ọnyani ạSanbalat ọlo ẹmha Bẹt Horon. Esi ịduon phọ, mị uḍighi ni ịdi aJoyada ạḍua Jeruselem.

Ẹḍua 14:13

AMozis ạḅeni we Ịzirel mọ, “Kékiilaan, ịpama riḅiom anyina, kụ ẹrol ẹmiin pẹleeny Ọmoogh-we phọ, ịdi ọdi kiḍighinaan inyina rodon. Awe Ijipt phọ ạbuen nyina rẹmiin bọ rodon, nyina bịdi kẹ́miin mun kꞌagee-pọ.

Ịkunuma 3:26

kụ ẹkar ẹnighe dị yira kokori rꞌọkparam — okori ọdi kụphel iyira —

Josua 3:17

Ịdipho awe phọ orelhe bọ rọḅeeny ḍịgharaghar ade, ariil ạrikia phọ ạbuphe orool bọ Igbe Ịyo phọ Ọmoogh-we phọ ụmeera ḍịgharaghar ade ogbo ạJodan, tụtu oomo awe phọ oten.

Josua 3:3

kụ ọḅeni we phọ mọ, “Mem dị nyina ẹmiin Igbe Ịyo phọ Ọmoogh-we Ẹnaan phọ anyina dị ariil ạrikia phọ aLivai orool, pọ iikoroghian eḅetenu ẹdaph bịdi.

Josua 3:7

Kụ Ọmoogh-we phọ ạḅeni Josua mọ, “Arodon kụ ẹdi mị kamiigh bọ ophophe ạna ọbughe esi oomo awe phọ Ịzirel, ọbo bịdi olegheri mọ ịdipho mị ạrolom bọ Mozis kụ ịdi mị kạtuugh ạrolom nyịna.

Josua 3:9

Kụ aJosua ạḅeni we phọ mọ, “Iḍuraan ẹebeeph ẹnaghan ịphen Ọmoogh-we Ẹnaan phọ anyina rạkaaph bọ.

Josua 4:11

Kụ oomo awe phọ roten romuneen, kụ Igbe Ịyo phọ Ọmoogh-we phọ rꞌariil ạrikia phọ oten ophun oḍiemiom ghisigh awe phọ.