Josua 3:7 - Ạḍinya Iigbia

⁷ Kụ Ọmoogh-we phọ ạḅeni Josua mọ, “Arodon kụ ẹdi mị kamiigh bọ ophophe ạna ọbughe esi oomo awe phọ Ịzirel, ọbo bịdi olegheri mọ ịdipho mị ạrolom bọ Mozis kụ ịdi mị kạtuugh ạrolom nyịna.

Josua 3:7 Iomraidhean Croise

1 Krọnikuls 29:25

Ọmoogh-we phọ aḍighi ịdi oomo eelhe phọ ọlogh eegu Sọlomon, kụ ọdi ạngo nyọdi rughuenian apuemi oomo ạbueri phọ mạda ghan bọ Ịzirel.

2 Krọnikuls 1:1

ẠSolomon, ọony phọ aDevid ọdaam mọ, ạpham ạkparami eelhe phọ Ịzirel, kụ Ọmoogh-we Ẹnaan ọdi ạseph nyọdi kụ aḍighi nyọdi oye dị ạkar ạmoogh ịikpo.

Job 7:17

Eeghia kụ iḍighi kụ oye ạman bọ ịduon ịyaar esi ạna? Eeghia kụ iḍighi kụ nạ rapogh ghan bọ ịlo ọdi aḍighi?

Ạsuor 18:35

Ọmoogh-we, nạ muuko ịmi ụphel ịmi, ḅịle ạḍighaagh elhiom mọ ạna mịpham ịmi epoophe. Ẹphamam mọ nạ rụpham ghan bọ ịmi miḍighi ịmi ogbogh.

Elegh ạJon 17:1

ẠJizos rọghaaph ịphen phọ kụ aphoophe ghisigh phọ ọdi aphogh kꞌạke kụ ạḅem mọ, “Ọde, amem mọ mẹteeny. Gananami eghuan Ọony phọ ạna, ọbo Ọony phọ ạna agananami aani eghuan phọ ạna,

Bụo aFilipai 1:20

Ịdi mị rạwa kạkpaariom rꞌoḍuom ologhi ạmi ịduon, mọ mị rꞌamem kụ́bile ghan oḍighi phọ ạmi, oomo amem rꞌọkaraghi ạnyiidipho phọ mị ụmoogh ạkpo ologhi dị ạmanam, ọbo mꞌesi aḍuugh mꞌaghuḍum oomo ologhi ạmi aaphughemi Kraist.

Josua 1:17

Ịdipho yoor ọnaghanan bọ Mozis oomo ạraraar, ịdipho kụ ịdi yoor kọtuugh ọnaghanan ghan nyịna, ịnon kẹ́tol. Ịdipho Ọmoogh-we Ẹnaan phọ ạna ạrolonaan bọ Mozis, ọdi kạtuugh ni ịdipho ạrolonaan nyịna.

Josua 1:5

Oye ólho ẹpe phọ dị katue ạkpar apu nyịna oomo asiḍughul-otu aghuḍum mọ ạna. Ịdipho mị ạrolonaan bọ Mozis, ịdipho kụ ịdi mị kạtuugh ạrolonaan nyịna. Mị nyịna kạ́wile; kẹn, mị nyịna kághel.

Josua 1:9

Kụ mịna ḍịen nyịna ologh kọ̋lhogh ọngo ḍụghum? Kpạrami loor ạna, ạmoogh oḅiom, kákpereghaan, ologhi ạna kụ́konono, loor esi dị Ọmoogh-we Ẹnaan phọ ạna kạrolonaan ni nyịna tọrobo ekpisi lọ nạ ạghi.”

Josua 3:6

AJosua ạḅeni bụpinyon rịkia phọ mọ, “Ịsighe Igbe Ịyo phọ erool eḍiemiom we phọ.” Kụ bịdi ọsighe Igbe Ịyo phọ orool oḍiemiom we phọ.

Josua 3:8

Tọ ạḅeni bụpinyon rịkia phọ, bụphe orool bọ Igbe Ịyo phọ, mọ mem dị bịdi ọghi osi ẹpe oogbom ọnuronu Ọphiiny ạJodan bịn ọguph oḍigh kụ ọmeera sịphe.”

Josua 4:14

Ḍio phọ ạḍiphe Ọmoogh-we phọ aphophe Josua ạbughe risigh oomo awe phọ Ịzirel, kụ bịdi oghiilaan ghan nyọdi ịdipho bịdi oghiilaan ghan bọ Mozis, oomo asiḍughul-otu aghuḍum mọ ọdi.