Josua 3:6 - Ạḍinya Iigbia

⁶ AJosua ạḅeni bụpinyon rịkia phọ mọ, “Ịsighe Igbe Ịyo phọ erool eḍiemiom we phọ.” Kụ bịdi ọsighe Igbe Ịyo phọ orool oḍiemiom we phọ.

Josua 3:6 Iomraidhean Croise

1 Ạbudaam 8:3

Kụ oomo ikumoor awe phọ Ịzirel ookpomoghan eniin esi, kụ ariil ạrikia phọ ọsighe Igbe Ịyo phọ ọghi ọlogh ẹpe ologhi Otu Ịiḅereghi phọ. Kụ ariil ạrikia rꞌạbuo aLivai ụḅaram ni Ogbogo Ạdol Ọmoogh-we phọ rꞌoomo ạraraar arukumuan iigbia phọ ẹrol bọ sịphe phọ.

2 Krọnikuls 5:4

Mem dị oomo abuḍiemiom mọ mookpomoghan, kụ ạbuo aLivai ophoophe oroolom Igbe Ịyo

Maika 2:13

Ẹnaan kekughuron eten ẹngo bịdi kụ eḍiemiom bịdi omite esi ạdol iiruen. Bịdi kọka rughuugh ẹmha phọ omite ọtol dọl ẹereegh. Ọdaam ạbidi Ọmoogh-we phọ rꞌaloor kaḍiemiom bịdi amitenom.

Igbiighi 10:33

Kụ bịdi ọḍua sịphe Sainai eegum Ọmoogh-we phọ kụ orelhe ịraar aḍughul-otu. Igbe Ịyo phọ Ọmoogh-we phọ kụ iḍiemiom bịdi erelhe ịraar aḍughul-otu phọ, ọwa esi lọ bịdi kọtol kụ opooghian.

Igbiighi 14:15

Kụ eru mạar dị nyịidipho nạ ạze ḍita awe phọ ạbuen, oomo phọ ạbidi dịadi oniin oye, pọ bụphe mọnaghan bọ ịlo ạna kọkaaph ghan mọ

Bụo aHibru 6:20

ẠJizos maghol rụmhu ayira ạpur ạki ẹpe phọ. Ọdi maḍighi uwo ẹmhu oyil ạrikia kꞌagee-pọ sịphe ạbaay ariil ạrikia phọ kꞌạMelkizedek.

Josua 3:3

kụ ọḅeni we phọ mọ, “Mem dị nyina ẹmiin Igbe Ịyo phọ Ọmoogh-we Ẹnaan phọ anyina dị ariil ạrikia phọ aLivai orool, pọ iikoroghian eḅetenu ẹdaph bịdi.

Josua 3:5

AJosua ạḅeni we phọ mọ, “Iselemian siloor anyina, ịdi eḍighi bọ iḍue Ọmoogh-we phọ kaḍighi ni ịiḍaany sịen ogbo phọ anyina.”

Josua 3:7

Kụ Ọmoogh-we phọ ạḅeni Josua mọ, “Arodon kụ ẹdi mị kamiigh bọ ophophe ạna ọbughe esi oomo awe phọ Ịzirel, ọbo bịdi olegheri mọ ịdipho mị ạrolom bọ Mozis kụ ịdi mị kạtuugh ạrolom nyịna.

Josua 6:6

AJosua ọony phọ ạNon ạmagh bụpinyon rịkia phọ kụ ạḅeni bịdi mọ, “Ịsighe Igbe Ịyo phọ erool. Oḍual anyina, ịsighe oḍual ạrukuodu ạraphaal idughuna phọ kụ ẹghi ẹpe ghisigh Igbe Ịyo phọ Ọmoogh-we phọ.”