Josua 3:5 - Ạḍinya Iigbia

⁵ AJosua ạḅeni we phọ mọ, “Iselemian siloor anyina, ịdi eḍighi bọ iḍue Ọmoogh-we phọ kaḍighi ni ịiḍaany sịen ogbo phọ anyina.”

Josua 3:5 Iomraidhean Croise

Job 1:5

Tọro amem lọ molhe ẹyaal phọ ọman, rẹḅaal kụ aJob aḅon ghan asuma ạphighironaan ẹkia tọrotoro ọony ọdi esi owoph ạbidi. Ọdi aḍighi ghan ịduon phọ loor esi dị ọdi agbiighi ni mọ iini sịen oniin ọnyo ạbidi maḍighi ịkaraph ạḅa ẹkaraph ekpo ọnhu esi Ẹnaan ekperenom.

Ạsuor 77:15

Ịikpo phọ ạna kụ ẹdi nạ ạphelom we phọ ạna, nmụny ạnmuny ạJekob rꞌạJosef.

Ạsuor 86:10

Nạ ọkar ogbogh kụ raḍighi yogh ghan rạraar ịiḍaany; nạ bịn kụ Ẹnaan.

Joel 2:16

Kpookpoomoghi we phọ eniin esi; kookolobian bịdi ookpomoghan iigbia; pạm ikumoor awe phọ arumom; kookpomoghi nmụny phọ rꞌạnmuny asipugh phọ kẹn. Ghạlamo olhom rꞌạnir dị pụruku ạalan ọwile ni osoph ạbidi oru aani!

Lịvitikos 10:3

Kụ aMozis agbi ọḅeni Eeron mọ, “Ịphen kụ ịdi Ọmoogh-we phọ ạghaaph bọ, mọ ọno kaḍeenaan ni bụphe otuman bọ nyịno iigbia phọ ọno, kụ oomo awe phọ ogbi ọlogh ạmi eegu.” Kụ Eeron ạrol li bịn aḅoorian.

Lịvitikos 20:7

Ịpama siloor anyina eselemian ẹrol dọl aghuḍuul. Mị kụ Ọmoogh-we Ẹnaan phọ anyina.

Igbiighi 11:8

Mem adulhe lọ ooto rasoor sịphe arugbogo phọ bịn ạmana phọ mạdaph rameleghu. Ḍịroor kụ awe phọ ọghi ghan ookoroghi, ọgbe mꞌoghum otene aflaur kụ ọsa oḍighi yogh ịpeḅere iiḅoghoḍi dị ẹdugh ịdipho ạbred lọ oḍighinom mụnum-ọliv.)

Elegh ạJon 17:19

Mị ughol ẹmhu ạbidi kụ aselemian bọ loor phọ ạmi, ọbo bịdi ọsighe aani ịpe eru bọ ịne phọ oselemianam loor phọ ạbidi.

Josua 3:13

Kụ mem dị ariil ạrikia phọ, bụphe orool bọ Igbe Ịyo phọ Ọmoogh-we phọ Ẹnaan phọ ẹmoogh bọ oomo aḅirini phọ, mọtophori rạda aruwol sịphe ạmuum mọ ạJodan, ạJodan kasophe okil, kụ ạmuum mọ ạḍua bọ ẹpe ạnyu phọ kụ rasoor kaakpomoghan eniin esi akpolan aḍighi eḅum.”

Josua 3:4

Nyina sịen kẹ̋rol ghan kꞌekulha kụ bịdi kiḍeenaan inyina eten ọghi. Kétuman igbe phọ. Ịtol esi dị ẹman oniin otobi ọḍua sịphe Igbe Ịyo phọ kụ oḅula ọman.”

Josua 3:6

AJosua ạḅeni bụpinyon rịkia phọ mọ, “Ịsighe Igbe Ịyo phọ erool eḍiemiom we phọ.” Kụ bịdi ọsighe Igbe Ịyo phọ orool oḍiemiom we phọ.

Josua 7:13

Ḅetenu aselemi we phọ ạmi kụ ạḅeni mọ, Iselemian siloor anyina, kụ egbi ọteeny iḍue. Ọmoogh-we Ẹnaan phọ Ịzirel ạḅem mọ, ‘Weye Ịzirel, ạraraar phọ ạmi ịpe ọnyagharanaan bọ ọngo ạmi edi ogbo anyina. Nyina kétue ẹmerenyan bụmulogh-ḍien phọ anyina tụtu nyina ẹsighe rạraar phọ ịpe ọnyagharanaan bọ ọngo ạmi edi bọ sịphe ogbo phọ anyina eroḅologhi.’

1 Sạmuel 16:5

Kụ ọdi ạphagharanaan mọ, “Ii, mị uru ọphighiron ẹkia ọngo Ọmoogh-we phọ. Iselemian yogh siloor anyina ịdaph ịmi eru.” Kụ ọdi ạḅeniom ni Jẹsi rꞌạnmuny phọ ọdi mọ ọghi aani ọphighiron ẹkia phọ.