Josua 3:3 - Ạḍinya Iigbia

³ kụ ọḅeni we phọ mọ, “Mem dị nyina ẹmiin Igbe Ịyo phọ Ọmoogh-we Ẹnaan phọ anyina dị ariil ạrikia phọ aLivai orool, pọ iikoroghian eḅetenu ẹdaph bịdi.

Josua 3:3 Iomraidhean Croise

2 Sạmuel 6:13

Mem lọ awe phọ ạbuphe ọpham bọ Igbe Ịyo phọ ọgbatan odiiny ạrada, aDevid ạmeremi, kụ ọdi ạsighe ḍilephiri ạnam rꞌoophoony ọony ạnam ạphighironom ẹkia ạngo Ọmoogh-we phọ.

2 Sạmuel 6:3

Bịdi ụsighe ni igbe phọ ẹpe otu phọ Ạbinadab ạnyu eegbolom mọ kụ ọsighe ọsaany omoom oghuugh-ude. Uza ḅịle rꞌAhio, ạnmuny Ạbinadab kụ uulhemi ghan oghuugh phọ.

1 Ạbudaam 8:3

Kụ oomo ikumoor awe phọ Ịzirel ookpomoghan eniin esi, kụ ariil ạrikia phọ ọsighe Igbe Ịyo phọ ọghi ọlogh ẹpe ologhi Otu Ịiḅereghi phọ. Kụ ariil ạrikia rꞌạbuo aLivai ụḅaram ni Ogbogo Ạdol Ọmoogh-we phọ rꞌoomo ạraraar arukumuan iigbia phọ ẹrol bọ sịphe phọ.

Jerimaya 33:18

ḅịle mọ oomo amem ariil ạrikia kọtol li dị komite sịphe eghun phọ aLivai kụ kukumu ịmi. Ọdi kụ kạpinyon rịkia oguom ạnian rꞌạrikia ịbiakpa rꞌịnon ọdo ạrikia.”

Igbiighi 10:33

Kụ bịdi ọḍua sịphe Sainai eegum Ọmoogh-we phọ kụ orelhe ịraar aḍughul-otu. Igbe Ịyo phọ Ọmoogh-we phọ kụ iḍiemiom bịdi erelhe ịraar aḍughul-otu phọ, ọwa esi lọ bịdi kọtol kụ opooghian.

Igbiighi 4:15

Tọro amem lọ rotuph rugbogo phọ dị kọḍua, mem dị Eeron rꞌạnmuny phọ ọdi mookpereghi dọl iigbia phọ rꞌoomo ạraraar ọrologhom mọ edi bọ sịphe Ạdol Iigbia phọ ọmadan, pọ mẹteeny dị bụo ọto aKohat kotool ịphen phọ. Kụ bịdi kụ́ḅogh rạraar iigbia phọ, ọbo bịdi komugh ghan bọ. “Ịphen kụ iiḍighi phọ ọto phọ aKohat koḍighi ghan bọ mem lọ awe ọḍua sịphe arugbogo Ogbogo phọ omiigh erelhe.

Matiu 16:24

Kụ ạJizos ạḅeni bụmatuan phọ ọdi mọ, “Oye lọ rạwa ọdaph ạmi asooromi loor ameeraam ḍuugh kụ aḅeton osuom arusu phọ ọdi arool kụ ụdapham ịmi!

Matiu 8:19

Kụ oniin ọtughemia iilogh phọ aru kụ ạḅeni nyọdi mọ, “Oye phọ, mị kạdaph aani ghan nyịna tọrobo ekpisi lọ nạ rạki.”

Dutoronomi 31:25

kụ ạlogh ologh ạngo riil ạbuo aLivait phọ, bụphe ọpham bọ Igbe Ịyo phọ Ọmoogh-we phọ mọ,

Dutoronomi 31:9

Kụ aMozis ạge ologh phọ ọphon ạngo riil ạbuo aLivait, bụphe ọpham bọ Igbe Ịyo phọ Ọmoogh-we phọ, rꞌoomo ikumoor awe phọ Ịzirel.

Josua 3:4

Nyina sịen kẹ̋rol ghan kꞌekulha kụ bịdi kiḍeenaan inyina eten ọghi. Kétuman igbe phọ. Ịtol esi dị ẹman oniin otobi ọḍua sịphe Igbe Ịyo phọ kụ oḅula ọman.”

Josua 3:6

AJosua ạḅeni bụpinyon rịkia phọ mọ, “Ịsighe Igbe Ịyo phọ erool eḍiemiom we phọ.” Kụ bịdi ọsighe Igbe Ịyo phọ orool oḍiemiom we phọ.

Josua 3:8

Tọ ạḅeni bụpinyon rịkia phọ, bụphe orool bọ Igbe Ịyo phọ, mọ mem dị bịdi ọghi osi ẹpe oogbom ọnuronu Ọphiiny ạJodan bịn ọguph oḍigh kụ ọmeera sịphe.”

Josua 4:10

Ạbupinyon rịkia phọ ạbuphe orool bọ Igbe Ịyo phọ ụmeera ogbo ạJodan tụtu oomo ạraraar phọ ịpe Ọmoogh-we phọ ạto bọ ạḅeni Josua mọ ạḅeni we phọ mọ oḍighi yogh phọ emuneen. Bịdi ọdaph oomo iilogh phọ ịpe aMozis ạlogh bọ ạngo Josua. Awe phọ oogborion ọḅeeny oten ophun.

Josua 6:6

AJosua ọony phọ ạNon ạmagh bụpinyon rịkia phọ kụ ạḅeni bịdi mọ, “Ịsighe Igbe Ịyo phọ erool. Oḍual anyina, ịsighe oḍual ạrukuodu ạraphaal idughuna phọ kụ ẹghi ẹpe ghisigh Igbe Ịyo phọ Ọmoogh-we phọ.”

Ogonanami Phọ 14:4

Bịdi kụ awe phọ ruwaloor phọ ạbidi ụ́puenaan bọ, ịdipho ạregelenya dị kọ̋rolan ghan esi rꞌạnmariir. Bịdi rọdaph ghan ni Mọony Oyool-ọga phọ tọrobo ekpisi lọ ọdi rạki. Mọtagharan bịdi ọsighe rạghaagh ạbueri phọ awe aḅirini phọ, mọ oḍighi iimuma phọ ogbiom bọ ạya phọ ọngo Ẹnaan rꞌỌony Oyool-ọga phọ.

1 Sạmuel 6:15

Ọto kꞌaLivai ophoophe Igbe Ịyo kꞌỌmoogh-we phọ rꞌigbe phọ ịpe ọlogh bọ rạraar phọ ịpe ọlhemom bọ gol phọ, kụ ọsighe ọḅam ạnyu aḍiboom aḍighiigh phọ. Pọ kụ esi dị awe phọ ạBet Semes ọphinyon rịkia ọngo Ọmoogh-we phọ.