Josua 3:16 - Ạḍinya Iigbia

¹⁶ ạmuum mọ asophe okil bịn akpolan eḅum kꞌẹpe ogbo ọphiiny sịphe Ạdam, ẹmha dị edi ọogaany aZaretan; kụ ekiilom ạmuphe rasoor bọ kaḍigh Ọphiiny-Ạla phọ ẹkar bịn esophaan: kụ awe phọ oru ọḅeeny ophun esi dị etuman Jeriko.

Josua 3:16 Iomraidhean Croise

Emiighom 14:3

Oogh ạbudaam mọ ạbuen phọ ọḅoph ọnhu ẹpe Eḍiiny aSidim, ẹpe Ọphiiny-Ạla phọ.

1 Ạbudaam 4:12

Bạana ọony Ahilud: rạmha Taanak, Megido, rꞌoomo phọ ẹpe Bẹt Sạn ẹpe etuman bọ Zaretan ẹkuan bọ Jẹzreel, ẹḍua Bẹt Sạn ẹghi esiemi ẹpe Ebel Mahola ọtol rophogh Jokmiam

1 Ạbudaam 7:46

Kụ ọdaam mọ ạmiin ni mọ ọlem oomo ạraraar phọ ịphen sịphe rosu ghan bọ ịka ọozaghami arukuron phọ igbo aSukot rꞌaZaretan, ẹpe Eḍiiny phọ ạJodan.

Ạsuor 114:3

Ọphiiny Igbilha phọ aphogh kụ aghiil ạḍua; Ọphiiny ạJodan asophe okil.

Ạsuor 114:5

Nạ Ọphiiny phọ, eeghe kụ imite kụ nạ aghiil bọ ạḍua? Ḅịle nạ ạJodan phọ, eeghe kụ nạ asophe bọ okil phọ.

Ạsuor 29:10

Ọmoogh-we phọ ạtol ạnyu ạmuum-aḍigho phọ; Ọmoogh-we phọ ạtolom ạgada ạbudaam kꞌagee-pọ.

Ạsuor 33:7

Ọdi aakpomoghi oomo ạrumuum ọphiiny phọ aseere egina esi, kụ asighele phọ eḍiku yogh ruutu aruphua.

Ạsuor 66:6

Ọdi akiton ọphiiny atene ḍịgharaghar ade; ạburude ạburude ayoor ụḅeeny ọphiiny phọ owol ade. Sịphe kụ ẹdi yoor ọmoogh iboh esi ịpe ọdi aḍighi bọ.

Ạsuor 74:15

Nạ aḍighi ịdi ạruunu adir rꞌebaraph ạmuum ekilogh; nạ aḍighi ịdi igbogh ạriphiiny emoopha yogh.

Ạsuor 77:19

Nạ arelhe ạnyu ooloogh phọ; nạ ạḅeeny ọphiiny phọ ạkel bọ, kụ rạda aruwol ạna ụ́miin.

Ạsuor 78:13

Ọdi adi ọphiiny phọ kụ aḍighi ịdi ekeeny rꞌelhiom ẹmeera mụdi iikpe tụtu bịdi ọḅeeny ophun.

Ẹḍua 14:21

AMozis ạgbuton ḍịghaagh phọ ọdi aphoghomiom ạmuum ọphiiny phọ, kụ Ọmoogh-we phọ aḍighi ịdi ọphiiny phọ adia sịphe ogbo phọ, loor oghim dị ạḍua ẹpe erumuḍio phọ remite ghan bọ kụ aghim oomo aḍughul phọ. Kụ ọphiiny phọ adia, kụ aḍighi ịdi ọphiiny phọ ạgharaghar aḍighi de.

Ẹḍua 14:22

Kụ awe phọ Ịzirel orelhe ọḅeeny ọphiiny phọ ạnyu ạḍigharaghar ade dị ạmuum mọ ạmeera ịdipho iikpe ḍịghaagh elhiom rꞌạḍighaagh ekeeny ạbidi.

Ẹḍua 14:29

Kụ awe phọ Ịzirel orelhe ạnyu ạḍigharaghar ade kụ ọḅeeny ọphiiny phọ. Ạmuum mọ ạmeera ịdipho iikpe ḍịghaagh elhiom rꞌạḍighaagh ekeeny ạbidi.

Ẹḍua 15:8

Ạḍizia ạna resoor bịn ạmuum mọ aakpomoghan egina esi, ạmuum mọ akpolan rugu, bịn aḍigher phọ eḅologhan sịphe ude ọphiiny phọ.

Azaya 50:2

“Eeghe kụ awe phọ ạmi ụ́naghanan bọ mem mọ mị ạghi bọ ọphel ạbidi? Eeghe kụ úmegheron bọ mem mọ mị ạmagh bọ? Mị adugh ni iboom ọphel ạbidi ḍụghum? Mị atue ni ạkaragharami mụum ọphiiny rꞌịto ạmi, ạḅile akiton rịphiiny atene de ịisaar pịdi ina phọ ẹrol bọ sịphe phọ emuughu loor ẹkuom ạmuum.

Izikiel 47:8

Ọdi ụḅeni ịmi mọ, “Ạmuum mọ ạmuen akil rạḅeeny de phọ kụ asi emitenom erumuḍio phọ kụ asoor Eḍiiny ạJodan kụ asoor Ọphiiny-Ạla. Ọdi anmiom mụum ạla Ọphiiny-Ạla phọ mụbo ạmuum.

Nẹhum 1:4

Ọdi ạto, kụ ạbazi phọ ạkaraghar! Ọdi aḍighi ịdi ạriphiiny phọ, ạmuum amineen. Ireeny eḍum ạBasan ekeel ọnam, Eegum ạKarmel ekiton ekelele, kụ ạsifalaway ạLebanon enme ḍizu.

Hạbakuk 3:8

Ạriphiiny phọ kụ iḍighi ịdi ephin ologhi ạna ḍụghum, Ọmoogh-we? Ọphiiny ạbazi kụ aḍighi nyịna ịlo ophin ologhi ḍụghum? Nạ ụzoghi ạnyu ọotu; ọotu oghim mọ kụ oghuugh, ịdipho nạ aruomaan bọ ọkpar opu weye ạna.

Igbiighi 34:3

amarugh ạḍighaagh esoorom mọ anyina kamiigh sịphe Ẹdala Ịisaar aZin ạki asiemi ẹpe ọku Idom; kụ ọku anyina ẹpe ạḍighaagh esoorom mọ, oomo ẹpe oogbom Ọphiiny-Ạla ẹpe erumuḍio phọ remite ghan bọ.

Dutoronomi 1:1

Ịphen kụ ịdi aMozis ạghaaph bọ ạḅeni oomo Ịzirel sịphe ẹdala phọ ạga emitenom Ọphiiny ạJodan. Bịdi ụrol sịphe Eḍiiny ạJodan dị etuman Suf, igbo ẹmha ạParan dị edi ḍiniin ạḍighaagh, rꞌạramha aTofel, Lẹban, Hazerot rꞌaDizahab ḍịeri phọ ạḍighaagh.

Dutoronomi 3:17

Mị ụngo kẹn ni bịdi ạga emitenom Ọphiiny ạJodan, emiigh Ọphiiny aGalili ẹghi esi Ọphiiny-Ạla phọ, kụ ẹteeny zin Eegum aPisga ạga emitenom erumuḍio phọ.

Josua 12:3

Ọdi kụ ạda Eḍiiny ạJodan emiigh ẹpe Ọphiiny aGalili ẹpe erumuḍio phọ remite ghan bọ, eten phọ ẹpe rẹki bọ Bẹt Jesimot, ẹghi esiemi Ọphiiny-Ạla phọ, ẹḍua ẹpe esoorom mọ ọghi osi Eegum aPisga.

Josua 15:2

Ọku ạbidi ẹpe ḍịghaagh esoorom mọ ạḍua ẹpe ọphu nyọpo odi bọ ḍịghaagh esoorom Ọphiiny-Ạla phọ

Josua 16:7

ạḍua ẹpe Janoa ạki asi ẹpe Atarot, ạsighe ạki asi Naara, ạki asi ẹpe Jeriko, ạḍua ẹpe Jọdan.

Josua 3:13

Kụ mem dị ariil ạrikia phọ, bụphe orool bọ Igbe Ịyo phọ Ọmoogh-we phọ Ẹnaan phọ ẹmoogh bọ oomo aḅirini phọ, mọtophori rạda aruwol sịphe ạmuum mọ ạJodan, ạJodan kasophe okil, kụ ạmuum mọ ạḍua bọ ẹpe ạnyu phọ kụ rasoor kaakpomoghan eniin esi akpolan aḍighi eḅum.”

Josua 4:22

nyina kẹḅeni ịpe amem mọ awe phọ Ịzirel ọḅeeny bọ Jọdan ḍịgharaghar ade.

Josua 5:1

Mem dị ạbudaam mọ Ạmorait bụphe orugh bọ ẹḅeenyom ạJodan ẹpe erumuḍio phọ remeel ghan bọ rꞌoomo ạbudaam mọ aKenanait bụphe orugh bọ sịphe ọgbal Ọphiiny aMeditarenian ọnaghan bọ mọ Ọmoogh-we phọ mạgharagharami mụum ạJodan esomanan awe phọ Ịzirel ạsighe tụtu yira ọḅeeny ophun, bịn iloghi ạbidi ẹkonono yogh bịn uwaloor ạbidi ạḍua loor ạbidi loor ẹmhu awe phọ Ịzirel.

Bụo Ịiruen 7:22

Mem mọ awe phọ ạGidion ropula bọ rụkuodu phọ, Ọmoogh-we phọ aḍighi ghan ịdi awe ẹgham ẹpomoghian phọ ụsighe ni rolhool ẹgham mọ ạbidi ọziom siloor. Awe ẹgham mọ osumughu ọkel okeel kꞌẹpe Bẹt Sita rọki ẹpe Zaretan, ọkel ọki osi ẹpe ọku Ebel Mahola etuman bọ Tabat.