Josua 3:11 - Ạḍinya Iigbia

¹¹ Ipogh, Igbe Ịyo phọ Ẹnaan phọ ẹmoogh bọ oomo aḅirini phọ kụ kẹpur ịḅeeny inyina Jọdan epun.

Josua 3:11 Iomraidhean Croise

1 Krọnikuls 29:11

Nạ ạbugh ni kụ ạmoogh ịikpo, eegu, ẹnighe rꞌigbogh. Oomo ạraraar kꞌạke kꞌade ịlo ạna, kụ nạ ọdaam, ogbogh ọdi ạda oomo ạraraar.

Job 41:11

Ạnhian kụ katue ạdegh nyọdi kụ ạtol ẹereegh? Oye ólho sịen oomo aḅirini phọ dị katue aḍighi ịdipho?

Ạsuor 24:1

Ade phọ rꞌoomo ạraraar phọ edi bọ ịlo Ọmoogh-we phọ; aḅirini phọ rꞌoomo awe phọ orugh bọ sịphe phọ ạbuo ọdi,

Ạsuor 97:5

Aroogbolom phọ ẹgbo mụdi uba risigh Ọmoogh-we phọ, ghisigh Ọdaam Oomo Ade phọ.

Azaya 3:12

Abuteniom ịimugh ikpoki rọgbiphoghom we ạmi, kụ ạbuphe rọboole ghan bọ roogbegheḍiom ghan bịdi. We ạmi, abuḍiemiom mọ anyina rirelhiom inyina ẹkaraph eten; esi ịduon nyina ílegheri ịlo ọmighaan.

Azaya 54:5

Ọlemia phọ ạna kaḍighi ịdipho olhom esi ạna — Ọmoogh-we oomo ịikpo phọ kụ aḍien ọdi. Ẹnaan Iigbia phọ Ịzirel kẹphel li nyịna — ọdi kụ ạda bọ oomo aḅirini phọ.

Jerimaya 10:7

Ạnhian kụ ẹdi nyịna kákueni bọ, ọdaam oomo areelhe phọ? Nạ ạkpe ni oghueni. Oye dị kọtomaam nyịna ólho esi oomo awe olegheri-ịyaar areelhe phọ mụghumo ạbudaam mọ ạbidi.

Maika 4:13

Ọmoogh-we phọ ạḅem mọ, “Weye aJeruselem, ịki ẹlhiom bụmulogh-ḍien anyina! Mị kịngo inyina ịnyaam mụdi aḍilephiri ạnam dị ạmoogh rạphaal okuron rꞌạrada dị eḍighi enaba. Nyina kẹezeghiom ịbadi areelhe, kụ ẹelha phọ bịdi ozironaan bọ kụ ọmoogh, nyina kiruomaan ịmi Ọmoogh-we oomo aḅirini phọ.”

Zẹfanaya 2:11

Ọmoogh-we phọ ạdegh ni bịdi ịlo aḍiigu. Ọdi kapiemi ni ịkaaneen ạrumugh ịsien ade phọ, kụ tọrobo eelhe keeseeny ni nyọdi sịphe ade phọ ạbidi.

Zẹkaraya 14:9

Kụ Ọmoogh-we phọ agbi ọda oomo phọ ade phọ; tọrotoro oye kạaḅereghi ni nyọdi ịdipho Ẹnaan ạḅile alegheri ḍien phọ ọdi eniin phọ elegheriom mọ.

Zẹkaraya 4:14

Pọ kụ amem dị ọdi ạḅem mọ, “Bụen kụ ịyal awe phọ Ẹnaan mẹsaḅar bọ ẹḅile ẹsagharan elo mọ okumu nyịno Ọmoogh-we oomo aḅirini phọ.”

Zẹkaraya 6:5

Kụ ọdi ạphagharanaan mọ, “Ịphen phọ, pọ inya ọdo ookuugh; pụruku bịdi ọḍua ni egbodo Ọmoogh-we oomo ade phọ kụ oru.”

Dutoronomi 9:3

Ilegheri ḍio phọ arodon mọ ọpo riḍiemiom bọ inyina ịdipho ạnian ọnuza, ọdi kụ Ọmoogh-we Ẹnaan phọ anyina. Ọdi kapiemi ni bịdi asooromi, bịdi ọtol eeḍian anyina; kụ nyina eporogh bịdi ọḍuaghu, kụ nyina eegborion epiemi bịdi, ịdipho Ọmoogh-we phọ iguanaan bọ inyina.

Josua 3:13

Kụ mem dị ariil ạrikia phọ, bụphe orool bọ Igbe Ịyo phọ Ọmoogh-we phọ Ẹnaan phọ ẹmoogh bọ oomo aḅirini phọ, mọtophori rạda aruwol sịphe ạmuum mọ ạJodan, ạJodan kasophe okil, kụ ạmuum mọ ạḍua bọ ẹpe ạnyu phọ kụ rasoor kaakpomoghan eniin esi akpolan aḍighi eḅum.”