Josua 3:10 - Ạḍinya Iigbia

¹⁰ Ịsien kụ esi dị nyina kẹsighe kụ elegheri mọ Ẹnaan phọ rémugh ghan bọ edianaan ni rꞌanyina kụ ọdi kạ́bile ophorogh ạbuo aKenanait phọ rꞌạHitait phọ rꞌaHivait phọ rꞌạPerezait phọ rꞌaGirgasait phọ rꞌẠmorait phọ rꞌaJebusait phọ.

Josua 3:10 Iomraidhean Croise

Emiighom 15:21

rꞌade Ạmorait, rꞌade aKenanait, rꞌade aGirgasait, rꞌade aJebusait.”

1 Ạbudaam 22:28

Kụ aMikaya ạḅem mọ, “Eru mạar dị nạ ạpham ẹboroph kụ arighelom, pọ Ọmoogh-we phọ kụ rạ́kaaph bọ ịphen ẹḍua bọ ọnhu ạmi emite.” Kụ ọdi ạḅile ạḅem mọ, “Ịnaghan ọghaaph phọ ạmi, oomo aḍita anyina.”

2 Ạbudaam 19:4

Ogbogh ọdaam Asiria phọ marom okumoor ọnyo oḍighi ọdi mọ ạgilaam Ẹnaan phọ edi ghan bọ. Eḍighi ni ịdi Ọmoogh-we Ẹnaan phọ ạna kạnaghan rịgilaam mọ ịphen kụ ạliom bụphe uutuuny bọ Ọmoogh-we phọ. Loor ịphen phọ, ḅẹeḅereghi ạngo bụphe osugha bọ sịphe aḍita awe phọ ayoor.”

1 Krọnikuls 1:14

AKenan kụ ọde ọde awe aJebusait phọ, awe Ạmorait phọ, awe phọ aGirgasait,

Ạsuor 42:2

Ẹephua ạna rẹpu ghan uwaloor ạmi, nạ kụ Ẹnaan phọ ẹpe rémugh ghan bọ. Ạpur amem kụ ẹdi mị katu bọ aganana egbodo ạna?

Ạsuor 9:16

Ọmoogh-we phọ maḍighi ịdi molhegheri nyọdi loor iiḅi ịiruen phọ ọdi asoph bọ. Bụo ạsipioghom mọ momeleghu siphil phọ ịpe bịdi ọkpamaghi bọ.

Ẹḍua 17:7

AMozis aghol ḍien esi phọ mọ aMasa rꞌaMeriba loor esi dị bịdi ugum ni ophogh ịpe Ọmoogh-we phọ kaḍighi bọ dị bịdi opuru mọ, “Ọmoogh-we phọ odi ni rꞌayira ḍụghum kụ ólho?”

Ẹḍua 3:8

kụ mị maru ọtagharan ạbidi ḍịghaagh ạbuo Ijipt phọ, rꞌọsighe ạbidi ọḍuanam sịphe ade phọ ạḍiphe, rꞌọsighe ạbidi ọghi ḍiiḅi ade dị ẹetool rꞌọninom, de dị ạmamaam ạnam, rꞌẹnuum aḍiowo kụ rekilogh, ẹpe aKenanait rꞌạHitait rꞌẠmorait rꞌạPerezait rꞌaHivait rꞌaJebusait phọ odi ghan bọ nyịidipho.

Ẹḍua 33:2

Mị katom ni oniin ọokpaany ạmi kụ ịiḅaki inyina kụ mị kaporogh ni weye aKenanait rꞌẠmorait phọ rꞌạHitait phọ rꞌạPerezait phọ rꞌaHivait rꞌaJebusait phọ ạsighiogh.

Azaya 7:14

Ọmoogh-we phọ rꞌaloor kạngo nyịna eḍeenaan: esina ọnyani dị odi rꞌeghun kạmar olephiri kụ kokol nyọdi mọ Emanuel.

Jerimaya 10:10

Kụ ọlo nạ Ọmoogh-we phọ kụ ọkar Ẹnaan, nạ kụ Ẹnaan phọ ẹpe edi ghan bọ bịn, ḅịle kẹn rꞌọdaam kꞌagee-pọ. Mem lọ nạ ạghagh ologhi, aḅirini phọ rapiigha ghan ni; areelhe phọ kótue ọmerenyan ọghagh ologhi phọ ạna.

Hosia 1:10

Awe phọ Ịzirel koḍiza ịdipho ịisaar ọgbal ọphiiny, dị kótue ogbi ḅịle rꞌọtooghi. Nyịidipho Ẹnaan rẹḅeni ghan bịdi mọ, “Nyina káwe ạmi,” kụ amem retu ni dị ọdi kạḅeni bịdi mọ, “Nyina ạnmuny Ẹnaan phọ edi ghan bọ!”

Igbiighi 13:29

Bụo Ạmalekait otughogh ni ẹpe ade phọ aNegeb. Bụo ạHitait, bụo aJebusait rꞌạbuo Ạmorait otughogh ẹpe aroogbolom mọ. Kụ aKenanait phọ otughogh ọgbal Ọphiiny aMeditarenian rꞌoogbom Ọphiiny ạJodan.”

Matiu 16:16

Kụ aSaimon Pita mọ, “Nạ kụ aMesaya phọ, Ọony Ẹnaan phọ edi ghan bọ kꞌagee-pọ.”

Elegh ạJon 6:69

Kụ yoor momeeraam ni ọḅile kẹn olegheri mọ nạ kụ Oye Aghuḍuul phọ Ẹnaan eseere bọ.”

Dutoronomi 31:17

kụ mị ạkagham bịdi ologhi ḍio phọ ạḍiphe, kụ mị akel bịdi, kụ mị ạbooghi risigh ạmi esi ạbidi, kụ ọminogh bịdi. Kụ ọdo kịrokiro ịminimiin rꞌịkaraph esoroghuom bịdi, kụ bịdi ọḅem ghan ḍio phọ ạḍiphe mọ ịkaraph phọ ịphen ịtu ika kụ risoroghuom bọ iyira, ịdi eḍighi bọ Ọmoogh-we phọ ólhoonaan mun rꞌayira.

Dutoronomi 5:26

Ạnhian oye kụ mạnaghan aani ghan ẹḍogh Ẹnaan phọ sịphe ologhi ạnian phọ rạkaaph ghan ịduon ayira kụ ạrol?

Dutoronomi 7:1

“Mem mọ Ọmoogh-we Ẹnaan phọ anyina kịsighe bọ inyina asiemi ịlo nyina kẹmoogh bọ de phọ, kụ kạboor bọ ịminighan areelhe ạsighiogh egbodo anyina, bụo ạHitait rꞌaGirgasait rꞌẠmorait rꞌaKenanait rꞌạPerezait rꞌaHivait rꞌaJebusait, oḍual areelhe dị ẹbugh ẹmoogh ịikpo ipu inyina;

Dutoronomi 7:21

Kẹ́tuan bịdi ekpereghaan, loor esi dị Ọmoogh-we Ẹnaan phọ anyina odi ni rꞌanyina. Ẹnaan phọ anyina ẹpughan, eḍigh ruugu.

1 Bụo ạTesalonika 1:9

ịdi eḍighi bọ bịdi rꞌaloor kụ rọgba ịlo amem mọ yoor ịrolan bọ inyina, ịdi nyina mẹwile ruru, kụ ekiton esoman reḍighi oḍighi kẹngo ọkaraghi Ẹnaan phọ edi ghan bọ kꞌagee-pọ,

Bụo aHibru 10:31

Eḍighi ni ruugu omeel oḍigh ạraghaagh Ẹnaan phọ edi ghan bọ ni.

Josua 11:3

Arom ạghiom bụo aKenanait bụo ẹpe erumuḍio phọ remite ghan bọ rꞌẹpe erumuḍio phọ remeel ghan bọ, bụo Ạmorait rꞌạbuo ạHitait rꞌạbuo ạPerezait rꞌạbuo aJebusait ẹpe aroogbolom mọ. Arom ạghiom bụo aHivait ẹpe esoorom bọ ẹpe Eegum ạHermon ẹpe de aMizpa.

Josua 12:8

roogbolom mọ rꞌịpe ekpululu bọ rꞌasikol phọ rꞌEḍiiny ạJodan rꞌịpe ekpululu bọ rꞌạḍigharaghar ade esoorom mọ, de phọ ạbuo ạHitait rꞌẠmorait rꞌaKenanait rꞌạPerezait rꞌaHivait rꞌaJebusait orugh bọ.

Josua 21:45

Kụ oomo igey aruguan phọ ịpe Ọmoogh-we phọ aguanaan bọ we phọ Ịzirel, ẹlo ẹpiom ị́tol; ịtuugh ni oomo ịpe ọdi aguanaan bọ kụ emite.

Josua 22:31

Kụ ạFinehas ọony phọ Ẹliazar oyil ạrikia phọ ạḅeni eghun aRuben, eghun ạGad rꞌọphori phọ opol eghun ạManase mọ, “Rodon yoor olegheri mọ Ọmoogh-we phọ odi ni ogbo ayira, ịdi eḍighi bọ nyina ị́pioman Ọmoogh-we phọ ịphen nyina eḍighi bọ. Nyịidipho nyina mẹphel we phọ Ịzirel ẹsighe ḍịghaagh Ọmoogh-we phọ.”

Josua 24:11

Kụ nyina ẹḅeeny Jọdan ephun ẹghi esi Jeriko, kụ awe aJeriko izuom inyina ẹgham, ọḅaram kẹn bụo Ạmorait, bụo ạPerezait, bụo aKenanait, bụo ạHitait, bụo aGirgasait, bụo aHivait rꞌạbuo aJebusait, kụ mị ạsighe bịdi ạlogh ḍịghaagh anyina.

Josua 3:9

Kụ aJosua ạḅeni we phọ mọ, “Iḍuraan ẹebeeph ẹnaghan ịphen Ọmoogh-we Ẹnaan phọ anyina rạkaaph bọ.

Josua 9:1

Ọdu ọkpar opu phọ Ịzirel aaleghaan ni ạteeny oomo ạbudaam-ẹmha phọ bụphe orugh bọ ạga emeelom erumuḍio phọ ạJodan, kꞌẹpe aroogbolom mọ rꞌẹpe aruugum mọ, rꞌẹpe ọgbal Ọphiiny aMeditarenian phọ ẹteeny eelhe dị etuman Lẹbanon: bụen kụ ạraalha ạHitait phọ rꞌẠmorait phọ rꞌaKenanait phọ rꞌạPerezait phọ rꞌaHivait phọ rꞌaJebusait phọ.

1 Sạmuel 17:26

ADevid apuru ni we phọ ạbuphe otuman bọ nyọdi mọ, “Kọngo eeghia oye lọ aghiigh oye ọlo aFilistia phọ ọphon phọ kụ aḍighi ịdi Ịzirel okpetenaan ituunyan phọ ịphen? Ạnhian ọnyo ịdeni ọlo aFilistia phọ ọphon phọ kụ atu bọ raafolomi weye ẹgham kꞌẸnaan phọ rémugh ghan bọ?”

1 Sạmuel 26:6

Kụ aDevid apuru Ạhimelek oye ọlo ạHitait phọ, rꞌAbisai umor phọ aJoab, (onhiin phọ ạbidi ughol mọ aZeruya), mọ, “Sịphe ịyal phọ anyina, ạnhian kụ kụdaph aani ịmi ạki ẹpe arugbogo phọ ạSol?” Kụ Abisai ạḅem mọ, “Mị kạki ni.”