Josua 24:2 - Ạḍinya Iigbia

² Kụ aJosua ạḅeni oomo awe phọ mọ, “Ọmoogh-we Ẹnaan phọ Ịzirel ạḅem ịduon mọ, ‘Geediidi ạburude phọ anyina urugh ghan ẹpe ḍịeri phọ ạḍighaagh Ọphiiny aYufratis kụ ooseeny ghan ịnon ạrumugh. Oniin ọnyo ạbidi ughol mọ aTera, ọde phọ Ebraham rꞌaNahor.

Josua 24:2 Iomraidhean Croise

Emiighom 11:22

Mem dị aSerug ạman ịraardi ạsia, ọdi ạmar olephiri ọony, Nahor;

Emiighom 11:24

Mem dị aNahor ạman ịyaldi rꞌesugha ạsia, ọdi ạmar olephiri ọony, Tera;

Emiighom 11:26

ATera rọman oḍualdi ạsia, kụ ọdi aḍighi ọde Ebram rꞌaNahor rꞌạHaran.

Emiighom 11:27

Bụen kụ ẹemara ẹemara phọ aTera. ATera aḍighi ọde Ebram rꞌaNahor rꞌạHaran. ẠHaran aḍighi ọde ạLot.

Emiighom 31:19

ẠLeban maten ọsam asuphuugh iyool-ịga phọ ọdi, kụ mem dị ọdi ụ́tol aRechel amiighi rạraar aghuḍum otu phọ eḍighi bọ ịpe ọde phọ ọdi.

Emiighom 31:30

Mị alegheri mọ nạ rakeel ịdi eḍighi bọ inyaam ọto kꞌạna resiph nyịna, kụ ịlo eeghe nạ ami bọ rạraar aghuḍum otu phọ ạmi ịlo eeghe?”

Emiighom 31:32

Kụ nạ ạmiin mọ oniin odi sịen dị ạpham rạraar aghuḍum mọ ạna, kokiigh ni nyọdi. Sịen ogbo aḍita abumor ayira, tue ạmaaghi sịen ạraraar phọ ịphen ạmi ịlo eru ịlo ạna, ạsighe.” ẠJekob ólhegheri mọ aRechel kụ mamiighi bọ rạraar phọ.

Emiighom 31:53

Ẹnaan phọ Ebraham rꞌaNahor kụ kesoph ọoruen ịyal ayira.” ẠJekob aghol ḍien Oghiilaan Ạizik ọde phọ ọdi kụ aghunya.

Emiighom 35:4

Kụ bịdi ọsighiogh oomo iiruen ạrumugh phọ ạbidi rꞌareḅeri-sụa phọ ạbidi ọngo Jẹkob. Kụ ạJekob ạsighe ạghi ạaghi loor azin ạḍiogh dị etuman Sẹkem.

1 Krọnikuls 1:27

ḅịle rꞌEbram (ọpo ọḅile bọ oghol mọ Ebraham).

Azaya 51:2

Ịitughian Ebraham ọde ạburude phọ anyina rꞌaSera, ọophi phọ nyina ẹḍua bọ emite. Mem dị mị ạmagh Ebraham, ọdi mọony ọ́moogh, kụ mị ạngo nyọdi ḍịseph ạngo nyọdi nmụny. Mị aḍighi ịdi ạnmuny ọdi oḍiza.

Izikiel 16:3

Ḅẹni Jeruselem ịpe Ọmoogh-we dị ạmoogh oomo ịikpo rạḅeni bọ nyọdi: “Nyịna ụmar sịphe ade phọ aKenan. Ọde ạna ọlo Ạmorait, kụ onhiin ạna ọlo ạHitait.

Elegh aLuk 3:34

AJuda phọ ọony ạJekob. ẠJekob phọ ọony Ạizik. Ạizik phọ ọony Ebraham. Ebraham phọ ọony aTera. ATera phọ ọony aNahor.

Dutoronomi 26:5

Kạaph ạḅeni Ọmoogh-we Ẹnaan phọ ạna mọ, ‘Ọde phọ ạmi ọlo ạSiria dị ịlo ọrol úlegheri kụ asuma agheel Ijipt kụ arugh ẹpe, ịyal-ikpo ạbidi kụ ugheel bọ ẹpe phọ, kụ ọdi aḍighi eboom eelhe oḍiza ọbugh omitiom ḍien.

Josua 24:15

Mụghumo eḍighi ni ịkaraph esi anyina ooseeny ghan Ọmoogh-we phọ, pọ rodon ịma nyọpo nyina keeseeny ghan bọ, mụghumo ạrumugh phọ ịpe ạburude phọ anyina ọoḅereghi ghan bọ ẹpe Mesopotamia, mụghumo ạrumugh awe Ạmorait phọ sịen ade phọ ạḍien nyina erugh bọ, kụ mị rꞌọto ạmi kooseeny ghan Ọmoogh-we phọ.”