Josua 23:2 - Ạḍinya Iigbia

² kụ aJosua aakpomoghi oomo awe phọ Ịzirel, ikumoor awe phọ rꞌạbuo ạrumhu phọ rꞌạbuo ịiruen phọ rꞌạbuo iiḍighi phọ ạbidi, kụ ạḅeni bịdi mọ, “Nyina rẹmiin bọ ịduon mị mạkpo bọ, asiḍughul-otu aghuḍum mọ ạmi memunughan,

Josua 23:2 Iomraidhean Croise

1 Ạbudaam 1:1

Mem dị aDevid ọdaam mọ mạkpo, ariiḍio aghuḍum mọ ọdi remunughan, aloor phọ ọdi ítue mun ịinyuum ghạlamo uzu ni ukpe ẹghologhol.

1 Ạbudaam 8:1

Kụ ạSolomon aakpomoghi oomo ikumoor awe phọ Ịzirel, oomo ikumoor awe arughunughun phọ rꞌiipolo phọ ạbidi; kụ awe phọ Ịzirel ookpomoghan kꞌạSolomon ọdaam mọ Ịzirel ẹpe Jeruselem, ịlo kọsighe Igbe Ịyo Ọmoogh-we phọ ẹpe Zạyon ẹmha phọ aDevid ọlogh ologhi Otu Ịiḅereghi phọ.

1 Krọnikuls 23:2

ADevid ọdaam mọ aakpomoghi ni oomo abuḍiemiom mọ Ịzirel rꞌoomo ariil ạrikia phọ rꞌạbuo aLivai phọ.

1 Krọnikuls 28:1

ADevid ọdaam mọ ạto ni ạngo oomo ạbuo iiḍighi Ịzirel mọ ookpomoghan ẹpe Jeruselem. Kụ oomo awe iiḍighi arughunughun, ạbuo iiḍighi phọ ophogh ghan bọ oḍighi ọmar phọ, abuḍiemiom aropolo phọ, ạbuo ophogh aruphua rꞌịnam mọ ọdaam mọ rꞌạnmuny ọdi ọmoogh bọ — ọkar oomo awe iiḍighi otu ọdaam mọ, abugbogh awe ẹgham rꞌikpolom awe — ookpomoghan ẹpe Jeruselem.

Dutoronomi 31:28

Iikpomoghinaan ịmi ikumoor awe phọ anyina rꞌạbuo ịtooghi phọ, mị ụkaaph oomo phọ ịphen phọ adoghoḍi sụruru ạbidi. Kụ mị kạmagh kẹ phọ rꞌade phọ ọge oseenaan bịdi.

Josua 13:1

AJosua mạkpo asiḍughul-otu phọ ọdi mesiom, kụ Ọmoogh-we phọ ạḅeni nyọdi mọ, “Nạ mạkpo, asiḍughul-otu ạna remuneen, kụ ade dị esugha bọ dị kọsighe ẹbugh ni.

Josua 23:3

kụ nyina mẹmiin ni oomo ịpe Ọmoogh-we Ẹnaan phọ anyina eḍighi bọ oomo areelhe phọ loor ẹmhu phọ anyina, ịpe Ọmoogh-we phọ Ẹnaan phọ anyina eenaan bọ inyina.

Josua 24:1

AJosua aakpomoghi oomo arughunughun phọ awe phọ Ịzirel ẹpe Sẹkem, ikumoor awe phọ rꞌạbuo ạrumhu phọ rꞌạbuo ịiruen phọ ạbidi rꞌạbuphe olegheri bọ ọghaaph ịyaar, kụ bịdi oḍeenaan loor ạbidi ghisigh Ẹnaan.

1 Sạmuel 12:2

Nyịidipho ọdi kụ kiḍiemiom ghan inyina. Ẹlo ạmi ạmi, mị mạkpo asi sụol, kụ ạnmuny phọ ạmi odi ni rꞌanyina. Mị maḍighi ni oḍiemiom anyina kꞌẹghoroghor ạmi tụtu kꞌarodon.