Josua 23:1 - Ạḍinya Iigbia

¹ Kụ ịphen phọ reru bọ reten, ibia ni mem mọ Ọmoogh-we phọ aḍighi bọ ịdi awe phọ Ịzirel oḍigh ạdol ophooghian esi ạbumulogh-ḍien phọ odi bọ ogbo ạbidi; mem mọ ạmuen phọ aJosua mạkpo, ariiḍio asiḍughul-otu phọ aJosua remunughan,

Josua 23:1 Iomraidhean Croise

1 Ạbudaam 1:1

Mem dị aDevid ọdaam mọ mạkpo, ariiḍio aghuḍum mọ ọdi remunughan, aloor phọ ọdi ítue mun ịinyuum ghạlamo uzu ni ukpe ẹghologhol.

1 Krọnikuls 23:25

ADevid ạḅem ịduon: “Ọmoogh-we Ẹnaan phọ Ịzirel mạngo ẹepho we ọdi, kụ ọdi rꞌaloor kạtol ghan ẹpe Jeruselem kꞌagee-pọ.

1 Krọnikuls 27:1

Ịphen kụ asiḍien aruwo ẹmhu arughunotu phọ Ịzirel, abuḍiemiom aropolo phọ, rꞌạbuo iiḍighi phọ ạbidi dị ọpham ghan iiḍighi ọmar phọ. Tọrobo ụnwanyu ạlha phọ, kịro aḍita dị ọman ịyaldi rꞌinya ọonir awe, kụ ụrol ghan oḍighi eeḍian oye ịtooghi ụnwanyu phọ.

2 Krọnikuls 14:1

Abaija ọdaam mọ amugh kụ oḍi sịphe ariiḍi ạbudaam mọ ẹpe Egbogh Ẹmha aDevid. Ạsa ọony ọdi ale erua ạgada ọdaam mọ kụ mem dị Ạsa ạda, ade phọ ẹmiin ẹepho ḍioph ạsia.

2 Krọnikuls 14:5

Loor esi dị ọdi aphiemi riisi ooseeny aruru phọ rꞌarenmeny ọsu ịnsens ẹpe oomo ạramha phọ aJuda, eelhe phọ ịmiin ẹepho mem mọ ọdi ạda bọ.

2 Krọnikuls 20:30

Kụ iḍighi kụ ạJehosafat ạda rꞌẹepho kụ Ẹnaan ekpeki nyọdi oomo ịigaany.

Ạsuor 46:9

Ọdi akunughi rạagham oomo ịsien aḅirini phọ; abunughi sịkumugh, ạḅile ạpueghi ịsoph phọ ạbidi, kụ ạsighe ịsuaram ikpo phọ ạbidi ạkpooniom nịan.

Azaya 63:14

Ịdipho abupoghom rọkimom ghan bọ sịnam eḍiiny dị ẹnuum, ịduon kụ ịdi Ọmoogh-we phọ ạngo we phọ ọdi ophooghian. Ọdi aḍiemiom ni we phọ ọdi kụ aghueniom ḍien phọ ọdi.

Dutoronomi 31:2

“Rꞌarodon mị mạman bọ oniin okuron rꞌịyaldi ạsia, kụ mị kátue mun akiraan, kẹn, Ọmoogh-we phọ mụḅeni ịmi mọ mị kạ́ḅeeny Jọdan apun.

Josua 11:23

Kụ aJosua ạsighe oomo ade phọ ạbidi, ạdaph oomo ịpe Ọmoogh-we phọ ạghaaph bọ ạḅeni Mozis. Kụ aJosua ạsighe de phọ adiemi we Ịzirel eḍighi ẹlo ạbidi; ọdaph bin mụo eghun rꞌeghun. Kụ ạraagham emuneen, ade phọ ẹpho esi ạraagham.

Josua 13:1

AJosua mạkpo asiḍughul-otu phọ ọdi mesiom, kụ Ọmoogh-we phọ ạḅeni nyọdi mọ, “Nạ mạkpo, asiḍughul-otu ạna remuneen, kụ ade dị esugha bọ dị kọsighe ẹbugh ni.

Josua 21:44

Ọmoogh-we phọ ạngo bịdi ẹepho rꞌophooghian oomo eelhe phọ, ịdipho dị aghunya bọ ạngo bụrude phọ ạbidi. Ạbumulogh-ḍien phọ ạbidi útue ụ́merenyan bịdi, ịdi eḍighi bọ Ọmoogh-we phọ arorori oomo ạbumulogh-ḍien phọ ạbidi ạngo bịdi.

Josua 22:4

Kụ nyịidipho Ọmoogh-we Ẹnaan phọ anyina mạngo bumor phọ anyina ophooghian ịdipho dị aguanaan bọ bịdi; esi ịphen phọ kụ iḍighi, iḅula egheel ẹpe arugbogo phọ anyina ẹpe ade abin ẹmoogh phọ anyina, ḍịphe aMozis otelhedom Ọmoogh-we phọ ịngo bọ inyina ạga emitenom erumuḍio phọ ạJodan.

1 Sạmuel 12:2

Nyịidipho ọdi kụ kiḍiemiom ghan inyina. Ẹlo ạmi ạmi, mị mạkpo asi sụol, kụ ạnmuny phọ ạmi odi ni rꞌanyina. Mị maḍighi ni oḍiemiom anyina kꞌẹghoroghor ạmi tụtu kꞌarodon.