Josua 22:9 - Ạḍinya Iigbia

⁹ Eghun aRuben, eghun ạGad rꞌọphori phọ opol eghun ạManase ọgbatanaan we phọ Ịzirel sịphe Sailo ọḍua ẹpe ade phọ aKenan, ogheel ẹpe ẹmha ạGiliad bin ade ẹmoogh nyẹpe ạbidi, ọdaph ikpo ọnhu phọ ịpe Ọmoogh-we phọ ạḅeni bọ Mozis.

Josua 22:9 Iomraidhean Croise

Igbiighi 32:29

Kụ aMozis ạḅeni bịdi mọ, “Eru mạar dị awe eghun phọ ạGad rꞌawe eghun phọ aRuben, tọrobo oye lọ mạnyaaghian ịlo ẹgham mọ, egbodo Ọmoogh-we phọ, kịdaph ni inyina ẹḅeeny ọphiiny phọ opun ẹpe Jọdan tụtu ade phọ eḍigh ḍịghaagh anyina, pụruku kọngo bịdi de phọ ạGiliad eḍighi bin ẹmoogh mụo ạbidi.

Igbiighi 32:26

Ịbam ạnmuny phọ ayoor rꞌạnmariir phọ ayoor, iyool-ịga phọ rꞌạsinam mọ ayoor ẹrol sịphe ạramha phọ ạGiliad.

Igbiighi 32:1

Awe eghun phọ aRuben rꞌawe eghun phọ ạGad, bịdi kụ ụmoogh ḍita ịnam. Kụ bịdi ọmiin mọ ade phọ aJazer rꞌade phọ ạGiliad ẹnighe ḍịo ịnam-otu.

Ạsuor 60:7

ẠGiliad ọlo ạmi rꞌạManase kẹn; Ifraim eghoony ạmi kụ aJuda ịkpara ạraalha ạmi.

Josua 13:31

rꞌạpakiri ạGiliad rꞌAstarot rꞌEdrei, ạramha rꞌareelhe ạOg ẹpe Bạsan. Nyẹen ụngo oolemi-odi ọophi kꞌaMakir ọony phọ ạManase, bụo ọto rꞌopolo.

Josua 13:25

Ọku ạbidi aJazer rꞌoomo ạramha phọ ạGiliad rꞌạpakiri ade phọ ạbuo Amon ạghi asiemi Aroer oten kụ ọteeny Raba;

Josua 13:11

RꞌạGiliad ẹghi esiemi ẹpe ọku ade ạbuo aGesurait rꞌạbuo aMaakatait, rꞌoomo ẹpe Eegum ạHermon, rꞌoomo ạBasan ẹghi esi ẹpe Saleka.

Josua 22:10

Mem dị bịdi ọghi osi Gelilot ẹpe oogbom ạJodan, ẹpe ade phọ aKenan, eghun aRuben, eghun ạGad rꞌọphori phọ opol eghun ạManase ọkan sịphe phọ eboom enmeny ạrikia dị ẹphughan ophogh, otumeriom Jọdan.

Bụo Ịiruen 5:17

ẠGad atugh ẹpe ẹḅeenyom ạJodan; Kụ esi ika kụ ẹdi ạDan odi bọ ologhi arughuugh phọ? Ạser odi ghan ẹpe esiḍia ogbogh ọphiiny phọ, kụ atugh riisi dị enamian ọgbal ọphiiny phọ.

2 Sạmuel 2:9

Ẹpe phọ Ạbner ạsighe Isboset aḍighi ọdaam areelhe phọ ạGiliad, Ạsa, Jẹzreel, Ifraim, Bẹnjamin ḅịle rꞌoomo Ịzirel.

1 Krọnikuls 5:9

Bịdi ụmoogh igbogh asita ạsinam sịphe ade phọ ạGiliad, kụ bịdi ọmooghom de phọ kꞌẹpe erumuḍio phọ remite ghan bọ ọosaar phọ ẹdalala bọ rẹki ẹpe Ọphiiny aYufratis.

Igbiighi 32:20

Kụ aMozis ạḅeni bịdi mọ, “Eru mạar dị nyina keḍighi ni ịphen nyina rẹkaaph bọ, pọ ịnyaaghian ni egbodo Ọmoogh-we phọ ẹghi ẹgham mọ.

Igbiighi 32:22

kụ ade phọ eḍigh ḍịghaagh anyina. Kụ reten kụ nyina eḅula, bịn erugh inyina íphum mun esi Ọmoogh-we phọ rꞌarisigh awe Ịzirel. Pụruku ade phọ ạḍien ạga emitenom erumuḍio phọ ạJodan keḍighi bin ẹmoogh mụo anyina egbodo Ọmoogh-we phọ.

Dutoronomi 3:18

“Eniin amem mọ mị ụḅeni ni bịdi ịtooghi phọ ịphen: ‘Ọmoogh-we phọ Ẹnaan phọ anyina mịngo inyina de phọ ạḍien ạga emitenom ạJodan mọ ịtol. Nyịidipho ịnyaaghian ịlo ẹgham ẹḅeeny ephun ḍịeri phọ ạḍighaagh phọ kụ ekori ghan ịpheri phọ arughunughun phọ Ịzirel ọloghonaan ạḍighaagh bịdi kọrol de phọ ạbidi.

Dutoronomi 3:20

Ịloghonaan ḍịghaagh bumor anyina we Ịzirel tụtu bịdi osi ọsighe de phọ ạḍiphe Ọmoogh-we Ẹnaan phọ anyina rạngo bọ bịdi ẹpe ạga emeelom ạJodan, kụ tụtu Ọmoogh-we phọ mạngo bịdi ọgel ọrol rꞌẹepho ịduon ọdi maḍighi bọ sịen ịngo inyina.’

Dutoronomi 34:1

AMozis ạḍua sịphe ẹdala phọ ạMoab, ạghi ạsiiny Eegum aNebo asi ạnyu Eegum aPisga, ọtol ropogh Jeriko, kụ Ọmoogh-we phọ aḍeenaan nyọdi oomo phọ ade phọ, ẹḍua Gịliad, ẹghi esi Dạn:

Bụo Ịiruen 20:1

Oomo awe phọ Ịzirel ụnaghanan ni ḍịmagh phọ, emiigh kꞌẹpe Dạn ẹghi esiemi ẹpe Beersheba, ọḅaram rꞌạbuo ade ạGiliad. Kụ ḍita phọ ạbidi ookpomoghan egina esi dịadi oniin oye risigh Ọmoogh-we phọ ẹpe Mizpa.