Josua 22:4 - Ạḍinya Iigbia

⁴ Kụ nyịidipho Ọmoogh-we Ẹnaan phọ anyina mạngo bumor phọ anyina ophooghian ịdipho dị aguanaan bọ bịdi; esi ịphen phọ kụ iḍighi, iḅula egheel ẹpe arugbogo phọ anyina ẹpe ade abin ẹmoogh phọ anyina, ḍịphe aMozis otelhedom Ọmoogh-we phọ ịngo bọ inyina ạga emitenom erumuḍio phọ ạJodan.

Josua 22:4 Iomraidhean Croise

1 Krọnikuls 22:18

Ọdi ạḅem, “Ọmoogh-we Ẹnaan phọ anyina mạrolan ni rꞌanyina kụ mịngo inyina ẹepho oomo ịigaany. Ọdi aḍighi ịdi mị ạkpar apu oomo awe dị ọrol ghan sịen ade phọ ạḍien, kụ bịdi moḍighi nyịidipho we dị odi eeḍian anyina rꞌỌmoogh-we phọ.

Ẹḍua 33:14

Kụ Ọmoogh-we phọ ạḅeni nyọdi mọ, “Mị rꞌạna kụ kẹki ni. Mị kạngo ni nyịna ọkpar opu.”

Igbiighi 32:18

Yoor kóḅula ẹphen aruutu phọ ayoor, tụtu tọrobo ọlo Ịzirel maphin bin ẹmoogh mụo ọdi.

Dutoronomi 12:9

Kụ nyịidipho nyina kẹ̋ghi esi, esi ophooghian rꞌẹmoogh phọ ịpe Ọmoogh-we Ẹnaan phọ anyina raḍighi bọ ịlo ọngo anyina.

Dutoronomi 29:8

kụ yira ọsighe de phọ ạbidi ọngo eghun aRuben, eghun ạGad, rꞌạpakiri eghun ạManase.

Dutoronomi 3:20

Ịloghonaan ḍịghaagh bumor anyina we Ịzirel tụtu bịdi osi ọsighe de phọ ạḍiphe Ọmoogh-we Ẹnaan phọ anyina rạngo bọ bịdi ẹpe ạga emeelom ạJodan, kụ tụtu Ọmoogh-we phọ mạngo bịdi ọgel ọrol rꞌẹepho ịduon ọdi maḍighi bọ sịen ịngo inyina.’

Bụo aHibru 4:8

Eru mạar dị aJosua aḍiemiom ni we phọ asiemi esi ophooghian phọ Ẹnaan, Ẹnaan mị́ḅile mun ịkaaph ikol ḍịnon aḍio.

Josua 1:15

tụtu bịdi oḍigh aani ọrol de phọ ạḍiphe edi bọ ạga emeelom ạJodan phọ, ḍịphe Ọmoogh-we Ẹnaan phọ anyina rạngo bọ bịdi. Mem dị ọdi mạmaar aseere oomo arughunughun phọ Ịzirel, kụ nyina egbi oḅula sịen ọghelom ade phọ ạḍien ạga emitenom ạJodan, ḍịphe aMozis otelhedom mọ Ọmoogh-we phọ ịngo bọ inyina.”

Josua 12:6

Bụen kụ ạbudi aMozis otelhedom Ọmoogh-we phọ rꞌawe phọ Ịzirel ọkaaghi bọ. AMozis otelhedom Ọmoogh-we phọ ạsighe de phọ ạbidi ạngo eghun aRuben rꞌeghun ạGad rꞌạpakiri eghun ạManase mọ eḍighi bin ẹmoogh ẹlo ạbidi.

Josua 13:15

AMozis ạngo ni bin eghun aRuben, ọdaph iipolo phọ ạbidi.

Josua 13:8

Eghun aRuben, eghun ạGad rꞌạpakiri eghun ạManase mọmoogh ni ẹlo ạbidi, ḍịphe aMozis ạngo bọ bịdi ẹpe ẹḅeenyom ạJodan ẹpe erumuḍio phọ remite ghan bọ, ịdipho aMozis otelhedom mọ Ọmoogh-we phọ ạngo bọ bịdi.

Josua 22:3

Kụ nyina ị́bile bumor phọ anyina oomo asiḍughul-otu phọ ịpe meten bọ eru ẹteeny kꞌarodon, kụ ẹdaph ghan iilogh phọ ịpe Ọmoogh-we Ẹnaan phọ anyina ạlogh bọ ịngo inyina kụ ẹtuugh eḍighi.