Josua 21:1 - Ạḍinya Iigbia

¹ Bụo ạrumhu ịsiphe ropolo ạbuo aLivai phọ ọghi ọteeny Ẹliazar oyil ạrikia phọ, Josua ọony phọ ạNon, rꞌạbuo ạrumhu arughunughun phọ awe Ịzirel,

Josua 21:1 Iomraidhean Croise

Emiighom 49:7

Itulughian ẹrolonaan ọghagh ologhi phọ ạbidi dị raamor ịdipho ạnian; Rꞌofughughuuny ạbidi loor esi dị akpakara ạpughan. Mị kạwalalami bịdi sịphe ade phọ Ịzirel, ạgbarion bịdi igbo awe phọ ạJekob.

Ẹḍua 6:14

Bụen kụ ạbuo ạrumhu sịphe arughunughun ạburude phọ ạbidi. Ạnmuny aRuben ọkpana ọony phọ Ịzirel ạbuen: Hanok, aPalu, ạHezron rꞌaKami. Bụen iipolo aRuben.

Ẹḍua 6:25

Ẹliazar ọony phọ Eeron aphin ọnyani ạPutiel, kụ ạmaranaan nyọdi Fịnehas. Bụen kụ ạbuo ạrumhu sịphe eghun aLivai bụo ọto rꞌopolo.

Igbiighi 35:1

Ọmoogh-we phọ ạḅeni Mozis ẹpe ạḍiyaghaghaany ade phọ ạMoab ẹpe ẹḅeenyom mọ ạJodan dị ọḍua Jeriko rotu

Igbiighi 35:8

Ạramha phọ ịpe nyina kẹsighe bọ esi arughunughun phọ Ịzirel keḍighi ịduon: eghun lọ ephin mugbogh abin, ọgbatan sịphe ẹminighan eghun lọ ephin mụbam abin, ọgbatan ẹnum abin. Ịtuugh ịdipho odiemi bọ bịdi kụ ẹgbarion ẹngo bụo kꞌaLivai phọ.”

Josua 14:1

Ịphen kụ ạramha phọ awe phọ Ịzirel ọmoogh bọ ẹpe ade phọ aKenan, ẹpe Ẹliazar oyil ạrikia phọ rꞌaJosua ọony phọ ạNon rꞌạbuo ạrumhu ạburude arughunughun phọ Ịzirel odiemi bọ bin ẹmoogh phọ bịdi.

Josua 17:4

Kụ bịdi ọghi ọteeny Ẹliazar oyil ạrikia phọ rꞌaJosua ọony phọ ạNon rꞌạbuo ạrumhu phọ kụ ọḅeni mọ, “Ọmoogh-we phọ ạḅeni ni Mozis mọ ọdi ụngaani iyoor bin ẹmoogh mụo ayoor sịphe abumor phọ ayoor.” Kụ loor esi ologh phọ Ọmoogh-we phọ ạlogh bọ, aJosua ạngo ni bịdi bin ẹmoogh ẹlo ạbidi sịphe abumor ọde phọ ạbidi.

Josua 19:51

Ịphen kụ asibin ẹmoogh phọ Ẹliazar oyil ạrikia phọ, Josua ọony phọ ạNon rꞌạbuo ạrumhu arughunughun phọ Ịzirel ọsa bọ ẹlhel kụ ọsighe odiom de phọ ẹpe Sailo elhor Ọmoogh-we phọ, sịphe Ogbogo Ạdol Ọmoogh-we phọ. Ịduon kụ ịdi bịdi ọmadan bọ odian ade phọ.