Josua 20:9 - Ạḍinya Iigbia

⁹ Ịphen phọ ạramha phọ ọson bọ oseere ịlo oomo awe phọ Ịzirel rꞌaruuruen phọ rꞌạbidi orughan bọ, mọ tọrobo oye lọ úlegheri kụ aghiigh oye, pọ asuma ghan agheel ẹpe, ọbo ọpo rạle bọ ghẹlhe ịḅaal phọ kakiigh aani bọ nyọdi, tụtu ẹteeny mem dị ọdi kạmeera risigh ạbuo ookpomoghan phọ.

Josua 20:9 Iomraidhean Croise

Igbiighi 35:13

Esi ạramha phọ ịpe nyina kẹngo bọ bụo kꞌaLivai, ịsaḅar odiiny ạramha eseere gem mọ eḍighi rạmha ọphela aghuḍum otene,

Igbiighi 35:15

Tọrobo oye, mꞌọlo ịsiphe awe phọ Ịzirel mꞌooruen mꞌọlo rꞌanyina erughan, tọrobo oye lọ ạsighe elegheri kụ aghiighom oye, pọ asuma ghan agheel nyeniin ẹpe phọ.

Josua 20:4

Ọdi aghiil asuma agheel eniin ẹmha sịphe ạramha phọ ịpe phọ. Ọdi ạmeera sịphe eḍighom ẹmha oghoony ẹmha phọ, ạghaaph ịpe emitenaan bọ nyọdi ạḅeni ikumoor awe ẹmha phọ. Bịdi ọsighe nyọdi oḍighom ologhi ẹmha phọ, ọngo nyọdi dọl, kụ dị ạrolan rꞌạbidi.

Josua 20:6

Ọdi ạrol ẹpe ẹmha phọ ẹpe tụtu ẹteeny ḍio ịiruen phọ sịphe ookpomoghan phọ, tụtu ẹteeny ḍio aḍuugh uwo ẹmhu oyil ạrikia phọ odi bọ mem mọ ạmuphe, kụ ọokom-enu phọ agbi oḅula ogheel kꞌọdi, ẹpe ẹmha phọ ạbidi dị ạḍua bọ kụ asuma.”

Josua 20:8

Ạga emitenom erumuḍio phọ ạJodan, ẹpe ẹyaghaghaany ẹdala phọ ạga emitenom erumuḍio phọ aJeriko, bịdi ọma Bezer, ẹlo eghun aRuben; Ramot ẹpe Gịliad, ẹlo eghun ạGad; Golan ẹpe Bạsan, ẹlo eghun ạManase.