Josua 2:9 - Ạḍinya Iigbia

⁹ “Mị alegheri ni mọ Ọmoogh-we phọ mịngo inyina de phọ ạḍien kụ aruugu anyina rusiph ghan ni iyoor, kụ oomo awe phọ orugh bọ sịen ade phọ mọghooraan ominonom egbodo anyina,

Josua 2:9 Iomraidhean Croise

Emiighom 35:5

Mem dị ạJekob rꞌạnmuny ọdi oḅetenu omiigh erelhe, aruugu Ẹnaan phọ asiph ni oomo ạramha phọ ịpe ekoom bọ bịdi, kụ bịdi úporogh nmụny phọ ạJekob.

2 Sạmuel 17:10

Bịn ghạlamo arephelegbe phọ ạbuphe rókiilaan ghan bọ ịyaar ịdipho ạnam-dịka, bịn kokiilaan ni loor esi dị tọrotoro oye sịen Ịzirel alegheri ni mọ ọde phọ ạna ogbogh oye ẹgham ḅịle kẹn awe phọ ọdi ịgbagara awe ẹgham.

2 Ạbudaam 5:15

Kụ ọdi aḅula ạghi ạteeny oye phọ kꞌẸnaan, ọdi rꞌaḍita oomo awe phọ bụphe ọdaph bọ nyọdi. Kụ ọdi ạghi ạmeera risigh oyil phọ kụ ạḅem mọ, “Nyịidipho kụ ẹdi mị malhegheri mọ ẹnon ẹmugh ílho sịen oomo aḅirini phọ, emuton Ịzirel bịn. Kụ iḍighi mị rạaḅereghi ni nyịna, seseeny, tiin ruunmo ạḍiseph phọ ịphen ḍịghaagh otelhedom mọ ạna.”

2 Ạbudaam 7:6

ịdi eḍighi bọ Ọmoogh-we phọ maḍighi ịdi awe ẹgham mọ ạSiria ọnaghan ḍịgum arughuugh-ude rꞌạrusu rꞌạḍigum awe ẹgham, kụ oniin ạḅeni nyoniin mọ, “Pogh. Ọdaam mọ Ịzirel mụtuan iyira apir ọdaam mọ ạHitait rꞌọdaam mọ Ijipt mọ oru uzuom iyira.”

Nehemaya 6:16

Mem dị ẹpomoghian ayoor dị orugh sịphe areelhe phọ ukoom bọ iyoor ọnaghan bọ ịduon, ulegheri ni mọ ịitughian phọ ạbuno epe ni bịn loor esi dị tọrobo oye alegheri ni mọ Ẹnaan kụ ịloghonaan ḍịghaagh oḍighi phọ.

Esta 8:17

Tọrobo ẹmha rꞌẹkpigh eelhe phọ, tọro ekpisi lọ ạal ịge ọdaam mọ, ạbuo aJu phọ ụmoogh ghan ni iboh kụ ophooghian esi iiḍighi phọ ạbidi kụ olhe malhe rꞌọḅaal ologhi. Ịdi etum pạ, ịbadi ạbunon awe okiton oḍighi bụo aJu, ịdi eḍighi bọ bịdi rokiilaan bịdi nyịidipho.

Job 19:25

Kụ ạri mị alegheri ni mọ oye odi ni ẹpe kꞌạke dị katu ni ẹpe eekuna phọ ọphel ạmi.

Ạsuor 112:10

Ạbukaraph awe phọ ọmiin ịphen phọ kụ repin ologhi; bịdi ọnmagharan rꞌophin ologhi kụ ope nyanam; oḍuom-ologhi ạbidi ạḍua bịn óḅula mun.

Ạsuor 115:16

Ạke phọ ọlo Ọmoogh-we phọ bịn, kụ ọlo, ọdi ạngo de phọ oye.

Ẹḍua 18:11

Nyịidipho mị malhegheri mọ Ọmoogh-we phọ ạbugh apu oomo ịnon ạrumugh, ịdi eḍighi bọ ọdi mạphel we phọ ọdi dọl ịminimiin rạghaagh awe Ijipt phọ, mem mọ bịdi rọmiine bọ bịdi.”

Ẹḍua 23:27

“Mị kaḍighi ịdi aruugu ạmi kasiph ẹpomoghian phọ anyina; mị kạlogh ọgbaragbara igbo ạbuphe rꞌanyina robe bọ, kụ oomo ẹpomoghian phọ anyina osumughu.

Ọtughemia Phọ 8:12

Eeni amem abuḍighinom ịkaraph kosoroghu ni oniin okuron iilogh bịn kụ odi ni eye. Ii, mị alegheri ni ịdi bịdi rọḅem ghan: “Eḍighi ịyaar dị nạ ạnaghanan Ẹnaan, pọ oomo ạraraar kẹnighe ni,

Azaya 19:1

Ḍịen kụ adom ḍịo Ijipt. Ọmoogh-we phọ agburugburu ni ologhi ọotu ratu Ijipt. Ịkaaghineen ạrumugh phọ Ijipt reekpeka esomanan ọdi, kụ awe phọ Ijipt moroph ạkpo ologhi ạbidi.

Azaya 23:5

Ghạlamo ạbuo Ijipt bịn kokperaan ni kụ eḍighi iikia mem dị bịdi ọnaghan mọ mophiemi Taya.

Jerimaya 27:5

Esi igbogh ịikpo phọ ạmi rꞌịnyaam ạmi kụ mị ạlhem bọ aḅirini phọ, weye, rꞌịnam dị edi sịphe ade phọ; kụ ẹdi mị ạngo tọrobo oye lọ mị kụ ạsaḅar.

Nẹhum 2:10

Mophiemi Nineve! Mọḍuaghu, oye ólho mun! Iloghi mekururu esi oghiilaan; aruukum epiigha, ịnyaam ílho mun; asighisigh ekelele.

Igbiighi 20:14

AMozis ạrol sịphe Kades kụ arom dom ạghiom ọdaam mọ Idom mọ, “Adom mọ ạḍien ẹḍua kꞌabumor phọ ạna, arughunughun phọ Ịzirel. Nạ alegheri ni oomo ịminimiin phọ yoor mọmiinom bọ;

Igbiighi 20:24

“Eeron káḍigh ẹpe ade phọ mị ạngo bọ we phọ Ịzirel; ọdi kamugh ni ịdi eḍighi bọ ọdi ịmi ụ́naghanan ẹpe ạrumuum mọ aMeriba.

Matiu 20:15

Nạ kámeera mọ mị ulhiom ikpoki phọ ạmi ịlo ịḅeeraan ịmi ḍụghum? Rẹkagh ni ologhi ạna, mọ mị ogey oye ḍụghum?’

Dutoronomi 11:25

Oye ólho dị katue ạmeera egbodo anyina, ịdi eḍighi bọ Ọmoogh-we Ẹnaan phọ anyina kaḍighi ni ịdi kighiilaan inyina, nyina eḍigh ruugu ẹpe oomo ade phọ, ịdipho dị ịḅeni bọ inyina.

Dutoronomi 2:25

Mị mighol inyina rodon ḍien eegu dị oomo areelhe phọ edi bọ eeḍian ạke phọ kighiilaan ghan inyina. Bịdi ọnaghan ịlo anyina, kokpereghaan ghan ni kụ ẹeḅaghami bịdi loor ạrumhu anyina.’

Dutoronomi 28:10

Kụ oomo awe ịsien aḅirini phọ ọmiin mọ ụsighe ḍien phọ Ọmoogh-we phọ kụ ịmagham inyina, kụ bịdi ighiilaan ghan inyina.

Dutoronomi 32:8

Mem mọ Ọkaraghi Egbogh Ẹnaan phọ adiighi bọ rere phọ, ọdi kụ ạtooghi riisi lọ areelhe kẹtologhu, ọdi kụ aseenaan eelhe kịrokiro ọokpaany.

Bụo aHibru 11:31

Omeeraam kụ aḍighi bọ ịyaar phọ úkiigh aani bọ Rehab oliom ẹmha phọ, ịdipho ạbuphe ụ́naghanan bọ Ẹnaan, ịdi eḍighi bọ ọdi ạlogh ni otu we phọ oru bọ iḅiligha phọ.

Josua 2:11

Kụ mem dị yoor ọnaghan bọ ịphen phọ bịn iloghi ayoor ẹkonono yogh, oye lọ ạmoogh oḅiom ọ́rol, loor ẹmhu anyina, loor esi dị Ọmoogh-we Ẹnaan phọ anyina, ọdi kụ Ẹnaan phọ edi bọ ẹpe kꞌạke rꞌịsien aḅirini phọ.

Josua 2:24

Kụ ọḅem mọ, “Agey ni, Ọmoogh-we phọ mạḅogh ni oomo phọ ade phọ ạlogh ḍịghaagh ayira; ịdi etum pạ, loor ẹmhu ayira oomo phọ ạbuphe orugh bọ ẹpe ade phọ mọghooraan ominonom yogh omuneen.”

Josua 2:8

Tụtu awe oḅiligha phọ kọmina, bịn ạnir phọ ạghi ạsiiny ẹpe ạnyu phọ kụ ạḅeni bịdi mọ,

Josua 5:1

Mem dị ạbudaam mọ Ạmorait bụphe orugh bọ ẹḅeenyom ạJodan ẹpe erumuḍio phọ remeel ghan bọ rꞌoomo ạbudaam mọ aKenanait bụphe orugh bọ sịphe ọgbal Ọphiiny aMeditarenian ọnaghan bọ mọ Ọmoogh-we phọ mạgharagharami mụum ạJodan esomanan awe phọ Ịzirel ạsighe tụtu yira ọḅeeny ophun, bịn iloghi ạbidi ẹkonono yogh bịn uwaloor ạbidi ạḍua loor ạbidi loor ẹmhu awe phọ Ịzirel.

Josua 6:2

Kụ Ọmoogh-we phọ ạḅeni Josua mọ, “Mị mạḅogh Jeriko rạngo nyịna, rꞌọdaam ẹmha phọ ạbidi, rꞌoomo ikakara awe phọ ọdi. Nạghan ịphen nyina keḍighi bọ.

Josua 9:10

rꞌoomo ịpe ọdi aḍighi bọ ịyal phọ ạbudaam mọ Ạmorait bụphe orugh bọ ẹpe ạga emitenom mọ ạJodan, ịpe ọdi aḍighi bọ Sihon ọdaam mọ aHesbon, rꞌịpe ọdi aḍighi bọ Ọg ọdaam mọ ạBasan, bụphe orugh bọ ẹpe Astarot.

Josua 9:24

Kụ bịdi ọḅeni Josua mọ, “Yoor uḍighi ịduon, oye phọ, ịdi eḍighi bọ ụḅeni iyoor abutelhedom mọ ạna mọ Ọmoogh-we Ẹnaan phọ anyina ạlogh ologh ạngo Mozis otelhedom mọ aphiemi bụphe orugh bọ sịphe ade phọ edi bọ ẹpe esomanan phọ anyina mọ ọno mịngo inyina oomo ade phọ. Yoor uḍighi ni loor esi dị aruugu usiph iyoor iboom. Yoor ughiilaan loor aghuḍum mọ ayoor loor ẹmhu anyina.

Josua 9:9

Kụ bịdi ọgba iphirigba phọ ịphen ọḅeni Josua mọ, “Yoor abutelhedom mọ ạna ụḍua kꞌekpisi ẹmha dị ẹkel kụ oru, loor esi dị yoor ọnaghan ịlo Ọmoogh-we Ẹnaan phọ anyina. Yoor rọnaghan ghan ni ọdu aḍien ọdi rꞌoomo ịpe ọdi aḍighi bọ ẹpe Ijipt,

Bụo Ịiruen 7:14

Kụ onyoogbo phọ ọdi ạphagharanaan nyọdi mọ, “Ịphen phọ kóopho. Ẹphen phọ elhool ẹgham ạGidion ọony phọ aJoas ọlo Ịzirel phọ. Ẹnaan mẹḅogh Mịdian rꞌoomo awe ẹgham mọ ayira ẹngo nyọdi.”