Josua 2:4 - Ạḍinya Iigbia

^4-6 Kụ ạnir phọ ạḅem mọ, “Agey ni, awe uru ni kꞌạmi, kụ mị úlegheri ekpisi phọ bịdi ọḍua bọ kụ oru. Bịdi ụḍua emeel ighool erumuḍio kụ ogbi oghughi ọnhu-aḍibuo oghoony ẹmha phọ. Ekpisi phọ bịdi rọki bọ mị úlegheri, kụ elhom elhom iporogh bịdi nyina kẹteeny bịdi.” (Kụ ạri aRehab mạsiinye ịyal phọ awe phọ ạnyu ạgba otu phọ, kụ aakpereghiom bịdi egu ạfalafa ạaghi.)

Josua 2:4 Iomraidhean Croise

2 Ạbudaam 6:19

Ilaisa ạḅeni bịdi mọ, “Ẹphen kụ kéten phọ. Ẹphen kụ kẹ́mha phọ nyina rẹwa bọ. Ịdaph ịmi mị kịsighe inyina ạki aḍeenaan oye phọ nyina rẹwa bọ.” Kụ ọdi ạsighe bịdi asiemi Sameria.

Ẹḍua 1:19

Ạbumaramia phọ ọphagharanaan ọdaam eelhe phọ mọ, “Ạnmariir aHibru phọ ụ́tol ịdipho ạnmariir Ijipt. Bịdi ọkparagh ni dị tụtu yoor rosi aani bịdi mọmaraghi.”

Jems 2:25

Ịduon kẹn kụ ẹdi Ẹnaan ẹsighe bọ Rehab oliom-ẹmha phọ. Ọdi ạlogh ni otu we iḅiligha ạbuo aJu phọ kụ ạma ẹnon eten aḍeenaan bịdi, ọbo bịdi okpetenaan bụo ẹpomoghian phọ ạbidi. Ẹnaan ịtuan iiḅi phọ ịphen ọdi aḍighi bọ kụ ẹsighe bọ mọ ọdi ạnir aruukuan ni.

Josua 2:3

Kụ ọdi arom dom ạghiom Rehab, “Awe phọ odi bọ kꞌạna otu ọwaaghi olegheri ịlo oomo ẹmha phọ. Sịghe bịdi amitiom.”

Josua 6:17

Ẹmha phọ rꞌoomo ạraraar ịsiphe ẹmha phọ meḍighi ẹdi mọnyagharanaan ọngo Ọmoogh-we phọ ophiemi. Omuton Rehab oliom-ẹmha ạnir phọ rꞌoomo ạbulo odi sịphe otu phọ ọdi rꞌọdi bịn, bụnon kụ kósugha óḍum, ịdi eḍighi bọ ọdi ạaghi we phọ bụphe orom bọ ọghi oḅiligha ẹmha phọ.

Josua 6:25

Kụ aJosua ạwile óghiigh Rehab oliom-ẹmha phọ ạsighe, rꞌoomo ọto ọde phọ ọdi, rꞌoomo asiya phọ ọdi, ịdi eḍighi bọ ạnir phọ ạaghi we phọ ọdi arom bọ ọghi oḅiligha ẹmha phọ aJeriko. (Bụo ẹemara ọdi otugh ẹpe Ịzirel kꞌarodon.)