Josua 2:2 - Ạḍinya Iigbia

² Kụ ọghi ọghaaph ọḅeni ọdaam ẹmha phọ aJeriko mọ, “Buniin awe ạbuo Ịzirel uru ni ẹphen ḍughul oḅiligha ade phọ.”

Josua 2:2 Iomraidhean Croise

Ạsuor 127:1

Eḍighi ịyaar lọ Ọmoogh-we phọ kụ otu phọ ụ́logh, oḍighi ạbuphe rọlogh bọ oopho ni bịn. Eḍighi ịyaar lọ Ọmoogh-we phọ rókori ẹmha phọ, pọ bụphe rọmeregha ghan bọ kokori ụmeera ni oopho bịn.

Asidogh 21:30

Olegheri-ịyaar oye, ọḅaranu ariḍien rꞌọmiin eten — oomo ịne ị́logh ḍịghaagh dị Ọmoogh-we úlhoonaan rꞌạna.

Azaya 43:13

Mị kụ Ẹnaan kụ kẹtol ghan ni kꞌagee-pọ. Oye ólho dị kakpetenaan ịikpo ạmi; oye ólho dị kanme ịlo mị aḍighi.”

Dạniel 4:35

Ọdi apogh weye ade phọ ọ́manami bịdi mạar; ạruukpaany kꞌạke ḅịle rꞌawe ịsien ade phọ odi eeḍian ọdi. Oye ólho dị kakikima ogbi ọdi ḅịle kapuru ḍipuru iiḍighi ọdi.

Josua 2:1

AJosua ọony phọ ạNon ạḅeni ịyal awe mọ ọḍua sịphe arugbogo ẹpe Akasia ọghi ịlo ịbooghian ọwaaghi ọmiin de phọ aKenan kụ ọkaraghi oḅiligha ẹmha phọ aJeriko. Rọghi rosi ẹmha phọ kụ bịdi ọghi kụ oḍigh kꞌoniin oliom-ẹmha ạnir dị oghol mọ aRehab, kụ ọrol sịphe kꞌọdi.

Josua 2:3

Kụ ọdi arom dom ạghiom Rehab, “Awe phọ odi bọ kꞌạna otu ọwaaghi olegheri ịlo oomo ẹmha phọ. Sịghe bịdi amitiom.”

Bụo Ịiruen 18:2

Kụ ạbuo ạrumhu phọ ạDan ọson oogh ikpolom awe sịphe aropolo eghun phọ ạbidi kụ orom mọ ọghi ẹpe Zora rꞌẹpe Estol ọnmanaghian oḅiligha de phọ ophogh. Mem dị bịdi oru bọ ẹpe aroogbolom mọ kụ orom Ifraim, bịdi usi kụ ọrol kꞌaMaika.