Josua 2:12 - Ạḍinya Iigbia

¹² Kụ nyịidipho mị rịiḅereghi ni inyina mọ ikol ḍien Ọmoogh-we phọ eghunyian mọ nyina kẹmaar ri ẹpam eghunotu ạmi ịdipho mị ịpham bọ inyina kụ ụngo ịmi eḍeenaan dị mị kaḍuom inyina ologhi.

Josua 2:12 Iomraidhean Croise

Emiighom 21:23

Ịduon kụ iḍighi kol ḍien phọ Ẹnaan akunyanam mọ nạ kúukeleghi ghan ịmi rꞌạnmuny ạmi rꞌạnmuny ạnmuny ạmi, loor ọnma ighirigiir phọ mị ạnma bọ nyịna. Tụugh ịdipho ạnma ighirigiir sịen ade phọ ạḍien nạ arugh bọ.”

Emiighom 24:3

Mị rạwa dị nạ kakol ḍien Ọmoogh-we Ẹnaan kꞌạke phọ rꞌade phọ akunyan mọ nạ kápinanaan mọony phọ ạmi ạnir ọlo aKenan ẹphen mị arugh bọ.

Emiighom 24:9

Sịphe kụ ẹdi otelhedom mọ ạsighe ḍịghaagh phọ ọdi ạlogh ogbo ịtaany aruwol phọ Ebraham ọde-otu phọ ọdi, kụ aghunyan oḍighi ịpe Ebraham ạlhom bọ.

Emiighom 40:14

Kụ ọlo ịmi kúwula mem mọ kẹnighenom bọ nyịna. Ụnma ịmi ighirigiir, ọghiom ghan ologhi ọdaam eelhe phọ omitiom ạmi sịen otu ikoli phọ ịphen.

2 Krọnikuls 36:13

ẠZedekaya ạḅaar ri ẹmhu esi ạNebukadnezar ọdaam mọ, ọpo ạkpaariom bọ nyọdi mọ aghunya rꞌaḍien Ẹnaan mọ ọdi kaḍugh ni oye. Ọdi ạmoogh oḅom ẹmhu kụ ómeera okiton oḅula esi Ọmoogh-we Ẹnaan phọ Ịzirel.

Esta 8:6

Ika kụ ẹdi mị kạkparam bọ ịphen phọ eru mạar dị amuphe phọ ạmuen aru esi awe phọ ạmi, kụ siya ạmi ọze?”

Ẹḍua 12:13

Ịḅaal phọ ogbulogh bọ rụnhu-aḍibuo phọ keḍighi elegh dị keḍeenaan ruutu phọ ịpe nyina erughogh bọ. Mem lọ mị ạmiin ịḅaal phọ, mị kitenom ni inyina. Mị inyina ịyaar kíḍighi mem dị mị rạliom we phọ Ijipt.

Jerimaya 12:16

Eḍighi ịyaar dị bịdi omeera mọ awe phọ ạmi ọtughemi bụno ịlo ooseeny ạmi rꞌoomo ologhi phọ kụ kokunya ghan mọ ‘Esi dị Ọmoogh-we phọ odi bọ ni’ — ọdo ịpe bịdi mọtughemi ghan bọ ni weye phọ ạmi oghunya rꞌaḍien aBaal — pọ bịdi kẹn koḍighi aani ni pạkiri awe phọ ạmi ḅịle kẹn edughom kẹtolonaan ni bịdi.

Elegh ạMak 14:44

Ọpo kabool bọ nyọdi rꞌạbidi mọḅophoghi ni ọnhu ọdo ịdi ọdi kaḍighi bọ, mọ, “Ọpo mị kạkpun bọ okpo phọ kụ oye phọ. Imeleghuom nyọdi esiph ẹḍuanam!”

Bụo aRom 1:31

Bịdi ọmoogh ipokoro iloghi, ḅịle robi ghan oguan. Ẹphomoghian rꞌigbiririph ụ́moogh.

1 Timoti 5:8

Kụ oye lọ rạ́loghonaan ghan ḍịghaagh eghunotu ọdi mụghumo ọkaraghi ọto ọdi ni, pọ mạpharanaan ịpe omeeraam mọ ạḅem bọ, ạḅile abeeph apu oye dị kőmeeraam ghan.

Jems 2:13

Ilegheri mọ oye lọ rạ́nma ghan bụnon ighirigiir, mem ịiruen phọ Ẹnaan nyọdi ighirigiir kẹ́nma. Ọnma ghan ighirigiir kụ rezuoghom ghan ịiruen.

Josua 2:13

Iguanaan ịmi mọ nyina kẹpel li ghuḍum ọde phọ ạmi rꞌonhiin phọ ạmi rꞌabumor phọ ạmi, nmạriir rꞌalephiri, rꞌoomo arughunotu phọ ạbidi. Kémeera ụze iyoor.”

Josua 2:18

Ịphen kụ ịdi nạ kaḍighi. Mem dị yoor moru osi sịen ade phọ, kạgh ọtogh-tọgh oḍigh phọ ọphon ekulha eghuugh esi phọ nạ useere bọ iyoor. Mạgh ọde phọ ạna rꞌonhiin phọ ạna rꞌabumor phọ ạna rꞌoomo eghunotu ọde phọ ạna bịdi ookpomoghan otu kꞌạna.

Josua 2:19

Kụ eru mạar dị oniin ọnyo ạbidi kụ ạḍua sịphe otu phọ kụ amite ạghi ẹpe eten, pọ ịḅaal ọdi edi ẹmhu ọdi, pọ yoor kụ ụ́piom. Kụ eru mạar dị oniin ọnyo ayoor kụ aghiigh oye dị odi sịen otu phọ ạna, pọ ịḅaal oye phọ ọpo edi ẹmhu ayoor.

Josua 6:22

Kụ aJosua ạḅeni ịyal phọ awe phọ dị arom bọ ọghi oḅiligha ẹmha phọ mọ, “Ịki kꞌoliom-ẹmha ạnir phọ ẹsighe ạnir phọ rꞌạbulo odi rꞌọdi ẹpham erumom, ịdipho nyina eghunya bọ rꞌọdi.”

Josua 9:15

AJosua aḍighi ịlo ẹepho esi awe phọ rꞌawe phọ Ịzirel, kụ bịdi oghiran ịyo, ọwile ạbidi ọrol oḍum; kụ bụo ạrumhu ịsiphe ookpomoghan phọ okunya.

Bụo Ịiruen 1:24

Rosi ẹmha phọ kụ bịdi ọmiin oye dị ramite kụ ọḅeni mọ, “Seseeny, uḍeenaan ịdi koḍigh ẹmha phọ. Yoor nyịna ịyaar kóḍighi.”

1 Sạmuel 30:15

Kụ aDevid apuru oye phọ mọ, “Nạ katue ni ạki uḍeenaan ịmi ekpisi lọ awe ẹgham mọ ạbuen phọ odi bọ ḍụghum?” Kụ oye phọ ạphagharanaan mọ, “Mị katue ni eḍighi ịyaar dị nạ uguanaan ịmi esi aḍien Ẹnaan phọ mọ nạ ịmi kúghiigh. Ḅịle kẹn, mọ nạ ịmi kạ́ḅogh ạngo ọde-otu phọ ạmi.”