Josua 2:11 - Ạḍinya Iigbia

¹¹ Kụ mem dị yoor ọnaghan bọ ịphen phọ bịn iloghi ayoor ẹkonono yogh, oye lọ ạmoogh oḅiom ọ́rol, loor ẹmhu anyina, loor esi dị Ọmoogh-we Ẹnaan phọ anyina, ọdi kụ Ẹnaan phọ edi bọ ẹpe kꞌạke rꞌịsien aḅirini phọ.

Josua 2:11 Iomraidhean Croise

1 Ạbudaam 8:60

ọbo oomo awe ịsien aḅirini phọ olegheri mọ Ọmoogh-we phọ kụ Ẹnaan phọ, ẹnon ílho.

2 Ạbudaam 5:15

Kụ ọdi aḅula ạghi ạteeny oye phọ kꞌẸnaan, ọdi rꞌaḍita oomo awe phọ bụphe ọdaph bọ nyọdi. Kụ ọdi ạghi ạmeera risigh oyil phọ kụ ạḅem mọ, “Nyịidipho kụ ẹdi mị malhegheri mọ ẹnon ẹmugh ílho sịen oomo aḅirini phọ, emuton Ịzirel bịn. Kụ iḍighi mị rạaḅereghi ni nyịna, seseeny, tiin ruunmo ạḍiseph phọ ịphen ḍịghaagh otelhedom mọ ạna.”

Nehemaya 6:16

Mem dị ẹpomoghian ayoor dị orugh sịphe areelhe phọ ukoom bọ iyoor ọnaghan bọ ịduon, ulegheri ni mọ ịitughian phọ ạbuno epe ni bịn loor esi dị tọrobo oye alegheri ni mọ Ẹnaan kụ ịloghonaan ḍịghaagh oḍighi phọ.

Esta 8:17

Tọrobo ẹmha rꞌẹkpigh eelhe phọ, tọro ekpisi lọ ạal ịge ọdaam mọ, ạbuo aJu phọ ụmoogh ghan ni iboh kụ ophooghian esi iiḍighi phọ ạbidi kụ olhe malhe rꞌọḅaal ologhi. Ịdi etum pạ, ịbadi ạbunon awe okiton oḍighi bụo aJu, ịdi eḍighi bọ bịdi rokiilaan bịdi nyịidipho.

Ạsuor 102:15

Areelhe phọ kekiilaan ni Ọmoogh-we phọ; oomo ạbudaam ịsien ade phọ kokiilaan ni ịikpo phọ ọdi.

Ạsuor 22:14

Ịnyaam ịmi ílho mun, memoopha ịdipho ạmuum lọ ozu ude; oomo ịḅarara ạmi megboronu ẹḍuaghu sịphe asimatul phọ ạbidi, ologhi ạmi makelele.

Ạsuor 58:7

Ḍighi ịdi bịdi kọḍuaghu ịdipho ạmuum dị ramoopha kạḍuaghu. Ḍighi ịdi kọogbighi mụdi ạroogho lọ odi eten lọ rotelhe ghan.

Ạsuor 83:18

Bịdi olegheri mọ nạ bịn kụ Ọmoogh-we phọ, ọkar oye ịtooghi oomo ịsien ade phọ!

Ẹḍua 15:14

Awe ịnon areelhe mọnaghan kụ aḍiigu esiph bịdi; awe phọ ẹpe Filistia odimom rꞌọto.

Ẹḍua 15:15

Ạraalha phọ Idom kookpeka yogh ni; ạbuo ạrumhu awe ạMoab rokpereghaan ni; oḅio oomo awe aKenan mạpheeph.

Azaya 13:7

Ạraghaagh ạtorobo oye kẹkporoghaan ni, kụ ạkpo ologhi ạtorobo oye ạḍua.

Azaya 19:1

Ḍịen kụ adom ḍịo Ijipt. Ọmoogh-we phọ agburugburu ni ologhi ọotu ratu Ijipt. Ịkaaghineen ạrumugh phọ Ijipt reekpeka esomanan ọdi, kụ awe phọ Ijipt moroph ạkpo ologhi ạbidi.

Izikiel 21:15

Ọdi raḍighi ghan ịdi awe ạmi kotoph ạkpo ologhi kụ okpetaan omeel. Mị rạpaarogh ni ẹmha phọ ạbidi rꞌelhool dị rẹtaphan ịdipho ọnmem kụ eekolobian ni ịlo oghiigh.

Nẹhum 2:10

Mophiemi Nineve! Mọḍuaghu, oye ólho mun! Iloghi mekururu esi oghiilaan; aruukum epiigha, ịnyaam ílho mun; asighisigh ekelele.

Dutoronomi 1:28

Yoor rọ́ki mun. Abumor phọ ayoor mọphue iloghi ayoor, ụlogh iyoor eepuph, ụḅeni iyoor mọ awe ẹpe kụ ụkpar ọḅile opophogh upu iyoor, ạramha phọ ẹbughogh ọḅiirogh iikpe phọ osiemi kꞌạke; kẹn yoor ụmiin ni weye aḍigbogh aḍimite ẹpe phọ.’

Dutoronomi 20:8

“Bụo ạrumhu ẹgham mọ ọḅile ni ọghaaph opuru mọ, ‘Ạnhian oye kụ odi sịen dị rakiil eepuph, obio rakaph? Pọ ọdi aḅula agheel kꞌọdi, ọbo iḅio abumor phọ ọdi kekaph aani ghan bọ ịdipho ọpo ọdi.’

Dutoronomi 4:39

Kụ iḍighi, ilegheri rodon, kụ ẹetughian ghan sịphe iloghi phọ anyina mọ Ọmoogh-we phọ, ọdi kụ Ẹnaan phọ edi bọ ẹpe kꞌạke rꞌịsien aḅirini phọ. Omuton nyọdi, ẹnon ílho.

Josua 14:8

Kụ abumor phọ ạmi bụphe rꞌạmi ọghi bọ uḍighi ni ịdi iloghi awe phọ ẹkonono yogh kụ mị ụdaph ni rꞌoomo ologhi ạmi Ọmoogh-we Ẹnaan phọ ạmi.

Josua 2:24

Kụ ọḅem mọ, “Agey ni, Ọmoogh-we phọ mạḅogh ni oomo phọ ade phọ ạlogh ḍịghaagh ayira; ịdi etum pạ, loor ẹmhu ayira oomo phọ ạbuphe orugh bọ ẹpe ade phọ mọghooraan ominonom yogh omuneen.”

Josua 5:1

Mem dị ạbudaam mọ Ạmorait bụphe orugh bọ ẹḅeenyom ạJodan ẹpe erumuḍio phọ remeel ghan bọ rꞌoomo ạbudaam mọ aKenanait bụphe orugh bọ sịphe ọgbal Ọphiiny aMeditarenian ọnaghan bọ mọ Ọmoogh-we phọ mạgharagharami mụum ạJodan esomanan awe phọ Ịzirel ạsighe tụtu yira ọḅeeny ophun, bịn iloghi ạbidi ẹkonono yogh bịn uwaloor ạbidi ạḍua loor ạbidi loor ẹmhu awe phọ Ịzirel.

Josua 7:5

Awe phọ aEai uphorogh bịdi omitiom sịphe ọnhu-aḍibuo ẹmha phọ osiom esi dị roogbo ghan sighiigh, kụ ọze we dị ọman ịraardi rꞌodiiny awe, ekpisi dị eegbolom mọ ekpululu. Kụ iḅiom awe Ịzirel ẹpheeph; iloghi ạbidi ẹrol ịdipho ạmuum.

Josua 9:24

Kụ bịdi ọḅeni Josua mọ, “Yoor uḍighi ịduon, oye phọ, ịdi eḍighi bọ ụḅeni iyoor abutelhedom mọ ạna mọ Ọmoogh-we Ẹnaan phọ anyina ạlogh ologh ạngo Mozis otelhedom mọ aphiemi bụphe orugh bọ sịphe ade phọ edi bọ ẹpe esomanan phọ anyina mọ ọno mịngo inyina oomo ade phọ. Yoor uḍighi ni loor esi dị aruugu usiph iyoor iboom. Yoor ughiilaan loor aghuḍum mọ ayoor loor ẹmhu anyina.

Ogonanami Phọ 6:16

Kụ bịdi ọmagh ghan rạaḅaraph rꞌasighiigh phọ ọḅeni mọ, “Imeleghuom iyoor ạaghi, ọbo ọpo ạrolom bọ ạgada phọ kụmiin ghan bọ iyoor, ḅịle ạghelhe Ọony Oyool-ọga phọ kụteeny ghan bọ iyoor.