Josua 2:1 - Ạḍinya Iigbia

¹ AJosua ọony phọ ạNon ạḅeni ịyal awe mọ ọḍua sịphe arugbogo ẹpe Akasia ọghi ịlo ịbooghian ọwaaghi ọmiin de phọ aKenan kụ ọkaraghi oḅiligha ẹmha phọ aJeriko. Rọghi rosi ẹmha phọ kụ bịdi ọghi kụ oḍigh kꞌoniin oliom-ẹmha ạnir dị oghol mọ aRehab, kụ ọrol sịphe kꞌọdi.

Josua 2:1 Iomraidhean Croise

Emiighom 42:16

Itom oniin ọnyo anyina ạghi ạsighe umor phọ anyina ạsighe aru. Kịkasiom inyina otu ikoli ọoḅeghion sịagba phọ anyina opogh mụghumo nyina rẹgba ni igeny. Mụghumo kígeny, esi aghuḍum ọdaam eelhe phọ, ageny ni nyina ạbuo iḅiligha.”

Emiighom 42:9

ẠJosef ạatughian mạlha phọ dị ạmalha bọ kụ apuru bịdi mọ, “Nyina iru oḅiligha ọmiin ẹdaḅa ẹmha phọ ịlo ẹrol.”

Maika 6:5

Weye ạmi, ịitughian ịpe ạBelak ọdaam mọ ạMoab ạnya bọ oḍighi anyina rꞌịpe ạBelam ọony phọ aBior ạphagharanaan bọ nyọdi. Ịitughian ịpe emite bọ ẹpe eten phọ emiigh sịphe arugbogo phọ ẹpe Akasia kụ esi Gịlgal. Ịitughian rạraar phọ ịphen bịn nyina kelegheri ni mọ mị uḍighi ịlo ọphelom anyina.”

Igbiighi 13:1

Ọmoogh-we phọ ạḅeni Mozis mọ,

Igbiighi 13:2

“Tom we bịdi ọghi oḅiligha de phọ aKenan, ḍịphe mị rạngo bọ nmụny Ịzirel. Sịghe sịphe ọkuruḅaka ạburude phọ ạbidi eghun eghun oniin oye ọlo rạki rạki ni rꞌẹmhu ọdi.”

Igbiighi 25:1

Mem dị Ịzirel orugh sịphe Eḍiiny Akasia, kụ awe umiigh ọrolan esi rꞌạnmanyaan ạMoab olhiom ghan ẹmha.

Matiu 1:5

aSalmon kụ ọde ạBoaz (onhiin phọ ọdi aRehab); ạBoaz kụ ọde Obed (onhiin phọ ọdi aRut); Obed kụ ọde ạJesi;

Matiu 10:16

“Ịnaghan, nyina ạbuphe mị arom bọ mọ iḍighi oḍighi phọ ạmi kẹkigh ịdipho iyool-ịga dị edi ogbo ilhom ịnam. Ịsu ologhi ịdipho ẹkaraph-ịyaar, ẹmoogh ẹepho ịdipho ọkurughozo.

Bụo ạEfesos 5:5

Ịmaar elegheri ịphen, mọ esi ạbuphe kopin aani bọ bin ẹpe ọmar phọ kꞌẸnaan rꞌaKraist, oliom ẹmha, opesiom ipesi, ọlo rạseph ghan ẹlo ọnon kạsighenom kạ́tol. Ọlo rạseph ghan ẹlo ọnon kạsighenom mạsighe eghuan phọ Ẹnaan rạngo ịkaaghineen ạrumugh.

Bụo aHibru 11:31

Omeeraam kụ aḍighi bọ ịyaar phọ úkiigh aani bọ Rehab oliom ẹmha phọ, ịdipho ạbuphe ụ́naghanan bọ Ẹnaan, ịdi eḍighi bọ ọdi ạlogh ni otu we phọ oru bọ iḅiligha phọ.

Jems 2:25

Ịduon kẹn kụ ẹdi Ẹnaan ẹsighe bọ Rehab oliom-ẹmha phọ. Ọdi ạlogh ni otu we iḅiligha ạbuo aJu phọ kụ ạma ẹnon eten aḍeenaan bịdi, ọbo bịdi okpetenaan bụo ẹpomoghian phọ ạbidi. Ẹnaan ịtuan iiḅi phọ ịphen ọdi aḍighi bọ kụ ẹsighe bọ mọ ọdi ạnir aruukuan ni.

Josua 1:18

Tọrobo oye lọ ạmoogh ịgbagharan esi iilogh phọ ạna kụ ịlo nạ ạghaaph ụ́naghanan, ịlo nạ ạto ạḅeni nyọdi úmeeraam; pọ oghiigh nyọdi ịnon ílho. Kpạrami loor ạna, ạmoogh oḅiom.”

Josua 2:2

Kụ ọghi ọghaaph ọḅeni ọdaam ẹmha phọ aJeriko mọ, “Buniin awe ạbuo Ịzirel uru ni ẹphen ḍughul oḅiligha ade phọ.”

Josua 21:31

Helkat, Rehob rꞌarere ịḅal ịnam mọ ạbidi: inya ạramha.

Josua 3:1

Ḍịroor bịn aJosua rꞌoomo awe phọ oḅon oḅetenu, ọḍua sịphe arugbogo ẹpe Akasia kụ ọghi osi Jọdan esi phọ bịdi ọrol bọ mem dị rọwa ọḅeeny ạJodan ophun.

Josua 5:10

Ịdipho awe phọ Ịzirel ọrol bọ ẹpe Gịlgal sịphe ạḍiyaghaghaany ade phọ etuman bọ Jeriko, bịdi ule ni ẹyaal ọphel otene phọ dulhe aḍioph rꞌinya aḍughul-otu ụnwanyu phọ.

Bụo Ịiruen 18:14

Kụ oogh phọ awe phọ ọghi bọ oḅiligha ẹmha phọ aLais opuru bumor phọ ạbidi mọ, “Nyina ílegheri mọ oniin otu odi ni sịen aruutu phọ ịphen dị ạḍighom, rꞌẹphan, rꞌịkaaghineen ạrumugh dị ogbul silva rꞌigbudu kụ edi? Ịitughian nyịidipho ịlo yira koḍighi.”

Bụo Ịiruen 18:17

Kụ oogh phọ awe phọ ọghi bọ oḅiligha ade phọ oḍiemi ghan ọghi oḍigh ọsighiogh ịkaaghineen ạrumugh phọ, dịghom mọ ẹphan phọ rꞌigbudu phọ, mem dị oyil ạrikia phọ odi ẹpe eḍighom mọ rꞌodiiny okuron awe phọ ọnyaaghian bọ rạraar ẹgham mọ.

Bụo Ịiruen 18:2

Kụ ạbuo ạrumhu phọ ạDan ọson oogh ikpolom awe sịphe aropolo eghun phọ ạbidi kụ orom mọ ọghi ẹpe Zora rꞌẹpe Estol ọnmanaghian oḅiligha de phọ ophogh. Mem dị bịdi oru bọ ẹpe aroogbolom mọ kụ orom Ifraim, bịdi usi kụ ọrol kꞌaMaika.