Josua 18:3 - Ạḍinya Iigbia

³ AJosua apuru we phọ Ịzirel mọ, “Kꞌạpur amem kụ ẹdi nyina kẹbile bọ ọlhoghom ụden, ọghi ọmoogh ade phọ Ọmoogh-we Ẹnaan ạburude phọ anyina ịngo bọ inyina.

Josua 18:3 Iomraidhean Croise

Asidogh 10:4

Ạdol ẹgbogholeer keseere nyịna ekulom, kụ arukumuan keḍighi nyịna ọolha.

Asidogh 13:4

Tọrobo ịlo uwo ẹgbogholeer ạwa ọmoogh ịyaar, ọdi kátue ạmoogh. Oye arukumuan kạmoogh tọrobo ịlo ọdi ạwa.

Asidogh 15:19

Nạ aḍighi uwo ẹgbogholeer, nạ kaazuanaan ghan ịiḅaghami tọrobo esi, kụ iigbegheḍiom ekia nyịna, nạ kạ́moogh ịiḅaghami.

Ọtughemia Phọ 9:10

Kpạrami ḍịghaagh tọrobo ịyaar lọ nạ raḍighi, loor esi dị oḍighi omitiom kạ́tol, ịitughian kẹ́tol, olegheri-ịyaar kạ́tol, ologhi ólho ghan ẹpe ọmar iḍim — kụ ẹpe kụ ẹdi nạ rạki bọ.

Zẹfanaya 3:16

Amem mọ retu ni dị bịdi kọḅeni Jeruselem mọ, “Kékiilaan, ẹmha phọ ạZayon! Kémeera ạraghaagh anyina edugh!

Matiu 20:6

Kụ mem dị mẹteeny dulhe, kụ ọdi ạḅile amite ạmiin bụnon dị ọmeregha yogh, dị mạar oḍighi ụ́moogh, kụ apuru bịdi mọ, ‘Uḍighi ika kụ nyina ẹmeregha bọ sịen oomo phọ arodon bịn ịyaar réḍighi?’

Elegh ạJon 6:27

Kẹ́tuan ghan mun eḍien phọ ẹpe kẹḅor bọ, ịtuan ghan eḍien phọ ẹpe kẹtol bọ ẹteeny ghuḍum kꞌagee-pọ phọ kụ ekumuan ghan. Eḍien phọ ẹphen Ọony phọ Oye kụ kịngo inyina, ịdi eḍighi bọ Ẹnaan Ọde phọ mạlhogh nyọdi elegh.”

Josua 1:6

Kpạrami loor ạna, ạmoogh oḅiom, loor esi dị nạ kụ kaḍighi ịdi awe phọ ạbuen kọmoogh de phọ, ḍịphe mị aghunya bọ esi ạburude phọ ạbidi ọngo ạbidi.

Josua 13:1

AJosua mạkpo asiḍughul-otu phọ ọdi mesiom, kụ Ọmoogh-we phọ ạḅeni nyọdi mọ, “Nạ mạkpo, asiḍughul-otu ạna remuneen, kụ ade dị esugha bọ dị kọsighe ẹbugh ni.

Josua 18:2

Esugha bọ oḍual arughunughun sịphe awe Ịzirel dị kọ̋moogh aani bin ẹmoogh ẹlo ạbidi.

Josua 18:4

Imitiom ịraar ịraar awe eghun eghun ịngo ịmi. Mị katom bịdi ọghi oḅiligha ọge ịlo awe ekpisi phọ ọrol, bụphe orugh bọ sịphe ade phọ ọsighe urom ịmi.

Bụo Ịiruen 18:9

Kụ bịdi ọḅeni bumor phọ ạbidi mọ, “Iḅetenu ọghi ozuom bịdi, ịdi eḍighi bọ yoor mọghi ọmiin de phọ kụ ẹnighe ni igey. Itu yira ọghi ọsighe de phọ ọmoogh.