Josua 18:1 - Ạḍinya Iigbia

¹ Oomo aḍita awe phọ Ịzirel ookpomoghan egina esi ẹpe Sailo kụ ọlogh Ogbogo Ạdol Ọmoogh-we phọ sịphe phọ, kụ ade phọ eḍighi ḍịo ạbidi.

Josua 18:1 Iomraidhean Croise

2 Sạmuel 7:6

Emiigh kꞌamem mọ mị ạtagharan bọ we phọ Ịzirel ḍịghaagh Ijipt kụ ẹteeny rodon, mị kőrugh ghan otu ịiḅereghi dị ọlogh; mị ratelhe ghan kakitonom karugh ghan rugbogo.

1 Ạbudaam 14:2

Kụ aJeroboam ạḅeni ạnir phọ ọdi mọ, “Seseeny, ḅetenu anmeeghian loor ạna ọbo kólegheri ghan bọ mọ nạ ạnir aJeroboam, ạghi Sailo. Ahaija oyil phọ, ọpo ụḅeni bọ ịmi mọ mị kaḍighi ọdaam awe phọ ạbuen, odi ni ẹpe.

1 Ạbudaam 14:4

Kụ ạnir phọ aJeroboam ạtuugh ịphen phọ aḍighi; aḅetenu ạghi asi Sailo, ạghi asi kꞌAhaija. Kụ Ahaija ọ́miin mun eten, ịdi eḍighi bọ ariḍien phọ ọdi meḅaaghaph loor esi dị ọdi mạkpo.

1 Ạbudaam 2:27

Kụ ạSolomon aphorogh Ạbayata amitiom mọ ọdi kúḍighi mun oyil ạrikia Ọmoogh-we phọ, omuzeḍiom ịpe Ọmoogh-we phọ ạghaaph bọ ịlo ọto Ilai ẹpe Sailo.

Nehemaya 9:24

Bịdi ụkpar ri opu we ade phọ aKenan. Nạ ụkpar ri apu we phọ orugh bọ ẹpe. Nạ ụngo ni we phọ ạna ịnyaam oḍighi ịlo ẹḅeeraan bịdi oḍighi awe ḅịle rꞌạraalha aKenan.

Ạsuor 78:60

Ọdi ạḅitonaan ogbogo phọ ọdi ẹpe Sailo, ẹmha phọ ọdi ạrol ghan bọ sịphe ogbo phọ ayira.

Ạsuor 78:66

Ọdi aphorogh bụmulogh-ḍien phọ ọdi aseere bịdi dọl umugholoor kꞌagee-pọ.

Jerimaya 26:6

Eḍighi ịyaar dị nyina ẹrolom ni ẹ́naghanan phọ, pọ mị kaḍighi ni Otu Ịiḅereghi phọ ọphon ịpe mị aḍighi bọ Sailo, kụ oomo areelhe aḅirini phọ ọsighe ghan ḍien ẹmha phọ ẹphen ịdipho ẹmha dị moruule.”

Jerimaya 26:9

Eeghe kụ iḍighi kụ nạ ạsighe bọ ḍien Ọmoogh-we phọ rạḅemom ghan mọ Otu Ịiḅereghi phọ ọphon kạtol ịdipho aSailo ḅịle kẹn mọ koogulemi ẹmha phọ ẹphen kụ mọ oye kátugh mun sịen phọ?” Ọpo kụ amem dị awe phọ ukoom ịmi.

Jerimaya 41:5

ọphaanyadi awe ụḍua ni Sẹkem, Sailo rꞌaSameria kụ oru osi. Bịdi ughula rẹleem ạbidi, ọphanyi rụsuoma ạbidi, kụ obenegha siloor ạbidi. Bịdi ụsighe ịbiakpa rꞌịnsens kụ rọkimom Otu Ịiḅereghi phọ ịlo ọngo Ẹnaan.

Igbiighi 32:22

kụ ade phọ eḍigh ḍịghaagh anyina. Kụ reten kụ nyina eḅula, bịn erugh inyina íphum mun esi Ọmoogh-we phọ rꞌarisigh awe Ịzirel. Pụruku ade phọ ạḍien ạga emitenom erumuḍio phọ ạJodan keḍighi bin ẹmoogh mụo anyina egbodo Ọmoogh-we phọ.

Iiḍighi 7:45

Ogbogo phọ ọpo ạrol li ạteeny ọnon oghiil ạburude ạburude phọ ayira. Bịdi ụpham ni, mem mọ Ẹnaan ephorogh bọ ruuruen phọ ẹngo Josua rꞌạbidi de phọ. Ịrol li ịdipho ẹteeny ọrugh aDevid.

Josua 18:2

Esugha bọ oḍual arughunughun sịphe awe Ịzirel dị kọ̋moogh aani bin ẹmoogh ẹlo ạbidi.

Josua 18:8

Kụ awe phọ oḅetenu ọghi, kụ aJosua ạlogh ologh ạngo bụphe rọki bọ ọge ịlo ade phọ ẹrol kụ ạḅem mọ, “Ịki erelhe ekitonom de phọ, kụ ẹge ịpe ade phọ ẹrol bọ. Ịḅile ẹsighe iruom ịmi. Mị kạtol sịen ịsaami inyina ẹlhel sịen egbodo Ọmoogh-we phọ sịen Sailo.”

Josua 19:51

Ịphen kụ asibin ẹmoogh phọ Ẹliazar oyil ạrikia phọ, Josua ọony phọ ạNon rꞌạbuo ạrumhu arughunughun phọ Ịzirel ọsa bọ ẹlhel kụ ọsighe odiom de phọ ẹpe Sailo elhor Ọmoogh-we phọ, sịphe Ogbogo Ạdol Ọmoogh-we phọ. Ịduon kụ ịdi bịdi ọmadan bọ odian ade phọ.

Josua 21:2

kụ opuru bịdi ẹpe Sailo ẹpe de phọ aKenan kụ ọḅeni bịdi mọ, “Ọmoogh-we phọ ạlogh ni ologh ạngo Mozis mọ ọdi ụngaani ni iyoor rạmha ịlo yoor kotugh ẹphen etuman bọ de ịḅal phọ, ẹlo ịnam-otu phọ ayoor.”

Josua 22:12

Mem dị awe phọ Ịzirel ọnaghan bọ ịphen phọ kụ oomo ạbidi ookpomoghan egina esi ẹpe Sailo ịlo ọghi ozuom ịyal rꞌạpakiri arughunughun phọ ẹgham.

Josua 22:19

Nyịidipho eru mạar dị ade phọ ạḍien anyina ị́zala, pọ ịḅeeny ephun ẹpe ade phọ Ọmoogh-we phọ, ẹpe ọlogh bọ Ogbogo Ạdol Ọmoogh-we phọ, kụ ephin bin ẹmoogh ẹlo anyina. Kẹ́pioman esi Ọmoogh-we phọ, eḍighi ịdi ẹrol dị yoor kụpioman, dị nyina kẹkan enmeny ạrikia ẹlo anyina, dị ítu enmeny phọ nyẹpe Ọmoogh-we Ẹnaan phọ ayira.

Josua 22:9

Eghun aRuben, eghun ạGad rꞌọphori phọ opol eghun ạManase ọgbatanaan we phọ Ịzirel sịphe Sailo ọḍua ẹpe ade phọ aKenan, ogheel ẹpe ẹmha ạGiliad bin ade ẹmoogh nyẹpe ạbidi, ọdaph ikpo ọnhu phọ ịpe Ọmoogh-we phọ ạḅeni bọ Mozis.

Bụo Ịiruen 18:31

Kụ ẹkaaneen ẹmugh phọ aMaika ạka bọ ịrol ghan ni sịphe phọ oomo amem mọ ạmuphe Ogbogo Ạdol Ẹnaan phọ ạrol bọ ẹpe Sailo.

Bụo Ịiruen 21:12

Kụ bịdi ọmiin ẹpe phọ, sịphe ogbo ạbuphe orugh bọ ẹpe Jabes Gịliad, inya okuron arisina ạnmanyaan dị oye rꞌạbidi kọ̋rolan ghan esi, kụ bịdi ọpham nmạnyaan phọ ạbuen osiom ẹpe arugbogo phọ ạbidi ẹpe Sailo ẹpe ade phọ aKenan.

Bụo Ịiruen 21:19

Kụ bịdi ọotughian mọ, “Ẹyaal ạlha etum lhạ Ọmoogh-we phọ edi ghan bọ ẹpe Sailo rẹkpul li.” (ASailo odi ạga ephunom ạBetel, ẹpe emitenom erumuḍio, eten phọ rẹki bọ ạBetel rꞌạSekem, ẹpe esoorom aLebona.)

1 Sạmuel 1:24

Ạnir phọ roghine mạmaam mọony phọ, kụ ọdi ạsighe mọony phọ ạghi Sailo, ạphamam ḍilephiri ạnam dị ẹman ịraar ạsia, rꞌaḍioph igbogh ịtoom ẹemor ịbiakpa dị ọgbe, rꞌokuru dị omuzeḍi miim. Kụ ạnir phọ ạsighe Sạmuel, ịduon phọ aghom bọ ni, ạsighe ạghi otu Ọmoogh-we phọ ẹpe Sailo.

1 Sạmuel 1:3

Tọrotoro ạlha Elkana ạḍua ghan ni ẹpe Rama ạghi ọoḅereghi rꞌọphinyon ạrikia ọngo Ọmoogh-we Oomo Ịikpo phọ ẹpe Sailo, ẹpe Hofini rꞌạFinehas, ịyal phọ ạnmuny phọ Ilai, kụ oḍighi bọ bụpinyon rịkia phọ Ẹnaan.