Josua 17:1 - Ạḍinya Iigbia

¹ Ịduon kụ ẹdi odiemi bin ẹmoogh ẹlo eghun ạManase. Ụsighe ni Gịliad rꞌạBasan ẹpe ẹḅeenyom ạJodan ọngo Makir ọde phọ ạGiliad, loor esi dị ọdi kụ ọkpana ọony ạJosef rꞌoye ẹgham.

Josua 17:1 Iomraidhean Croise

Emiighom 41:51

ẠJosef aghol ḍien ọkpana ọony phọ ọdi mọ ạManase, ẹmhu aḍien phọ pọ ịduon mọ, “Ẹnaan meḍighi ịdi mị mawula oomo ịminimiin phọ ạmi rꞌoomo ọto kꞌọde phọ ạmi.”

Emiighom 41:52

Ọdi aghol ḍien esoony ọony phọ ọdi mọ Ifraim, ẹmhu aḍien phọ pọ ịduon mọ, “Ẹnaan meḍighi ịdi mị mạrol sịphe ade ịminimiin phọ ạmi rạmaraghian.”

Emiighom 46:20

Ạnmuny dị ạJosef ạmar ẹpe Ijipt: Mạnase rꞌIfraim; Ạsenat ọnyani aPotifera oyil ạrikia phọ ọlo aOn kụ ạmaranaan nyọdi.

Emiighom 48:17

Mem dị ạJosef ạmiin bọ mọ ọde phọ ọno ạḅam ḍịghaagh elhiom ọdi ẹmhu Ifraim íkia ni nyọdi; kụ ạpham ḍịghaagh ọde phọ ọdi ịlo ọsighe ẹmhu Ifraim, ọḅam ẹmhu ạManase.

Emiighom 48:18

ẠJosef ạḅeni ọde phọ ọdi mọ, “Kị́duon, ọde ạmi. Ọphon kụ ọkpana ọony, ḅạm ḍịghaagh elhiom ạna ẹmhu ọdi.”

Emiighom 50:23

Ọdi ạmiin ni nmụny Ifraim ịraar oghiil, rꞌạnmuny bụo aMakir ọony phọ ạManase, ụmar sịphe rụgbo ạJosef.

2 Sạmuel 2:9

Ẹpe phọ Ạbner ạsighe Isboset aḍighi ọdaam areelhe phọ ạGiliad, Ạsa, Jẹzreel, Ifraim, Bẹnjamin ḅịle rꞌoomo Ịzirel.

1 Krọnikuls 2:23

Kụ eelhe phọ aGesur rꞌAram ọkpar opu odiinydi ạramha ẹpe, ọḅaram ịbam ạramha phọ aJair rꞌaKenat rꞌạramha dị etuman. Oomo awe dị ọrol ẹpe uḍighi nmụny ạnmuny aMakir ọde phọ ạGiliad.

Izikiel 47:13

Ọmoogh-we dị ạmoogh oomo ịikpo ạḅem mọ, “Ịphen kụ ạruuku ade phọ kodiemi bọ ḍioph rꞌịyal arughunughun phọ, dị eghun phọ ạJosef ọmoogh ịyal asibin.

Igbiighi 26:29

Eghun phọ ạManase: aropolo phọ ịpe ọḍua bọ kꞌọkuruḅaka phọ ạGiliad ọony phọ aMakir ọony phọ ạManase kụ omite;

Igbiighi 27:1

AMala, Noa, Hogla, Milka rꞌaTirza, ạnmanyaan phọ aZelofahad ọony phọ aHefer, ọony phọ ạGiliad, ọony phọ aMakir, ọony phọ ạManase, ọony phọ ạJosef,

Igbiighi 32:33

Kụ aMozis ạsighe oomo ạramha eelhe aSihon ọdaam mọ Ạmorait rꞌeelhe ạOg ọdaam mọ ạBasan ạngo eghun ạGad rꞌeghun phọ aRuben rꞌẹkpigh eghun phọ ạManase.

Dutoronomi 21:17

Ọdi aseenaan ni dọl ịkpana phọ ọḅel olephiri ọony phọ ọpo epin phọ ạmaranaan bọ nyọdi. Ọdi aphin ghan ịyal abin sịphe aruphua phọ ọdi ịlo ịkpana ạnmuny, ịdi eḍighi bọ ịpe phọ kụ ịḅel ịnyaam mọ ọdi, ariliom ịkpana ạnmuny phọ ịlo ọdi.

Josua 17:2

Kụ odiemi ḍịeri ade phọ ẹpe erumuḍio phọ remeel ghan bọ ọngo Abiezer, Helek, Ạsriel, Sẹkem, Hefer rꞌaSemida, bụo ọto rꞌopolo. Bụen kụ ọkaraghi ạbudi ọḍua ọkuruḅaka ạManase ọony phọ ạJosef kụ omite.

Josua 22:7

Oniin opol eghun ạManase aMozis ạngo bịdi bin ẹmoogh ẹlo ạbidi ẹpe Bạsan, kụ ọphori phọ eghun ạManase aJosua ạngo bịdi bin ẹmoogh ẹlo ạbidi atumeriom bumor phọ ạbidi ẹpe erumuḍio remeel ghan bọ ẹpe Jọdan. Kụ mem mọ aJosua ạḅeni bọ bịdi mọ ikeel ẹpe arugbogo phọ anyina kụ ạseph bịdi kụ ạḅeni bịdi mọ,

Bụo Ịiruen 5:14

Azin Ạmalek ạḍua kꞌIfraim kụ amite, kụ ọtu bọ rọdaph ghan nyịna Bẹnjamin ọman. Bụo ịtooghi phọ ụḍua Makir kụ omite. Bụo ịgeom mọ ụḍua kꞌạZebiulon kụ omite.