Josua 16:5 - Ạḍinya Iigbia

⁵ Phọn kụ ọku ọlo eghun Ifraim, bụo ọto rꞌopolo ạbidi. Ẹpe erumuḍio phọ remite ghan bọ, ọku phọ ạḍua Atarot Adar ạki asi ẹpe ephunom ạBet Horon;

Josua 16:5 Iomraidhean Croise

2 Sạmuel 2:9

Ẹpe phọ Ạbner ạsighe Isboset aḍighi ọdaam areelhe phọ ạGiliad, Ạsa, Jẹzreel, Ifraim, Bẹnjamin ḅịle rꞌoomo Ịzirel.

1 Krọnikuls 7:24

Ifraim ạmoogh ọnyani dị oghol mọ aSeera. Ọdi kụ amiteghom bọ rạmha phọ Ẹsiinyom rꞌEsoorom mọ ạBet Horon, rꞌUzen Seera.

1 Krọnikuls 7:28

Areelhe dị bịdi ọsighe ọrol ghan ịḅaram Bẹtel rꞌạramha phọ ekoom bọ, kụ esi kꞌẹpe emitenom erumuḍio sịphe Naaran ḅịle rꞌemeelom erumuḍio phọ kꞌẹpe Gezer rꞌạramha phọ ekoom bọ. Ịḅaram ni igbogh ạramha phọ ạSekem rꞌAya rꞌạramha phọ ekoom bọ bịdi.

Josua 10:10

Kụ Ọmoogh-we phọ aḍighi ịdi oomo phọ Ạmorait rokpereghaan egbodo awe phọ Ịzirel, kụ ọze ịminighan ạbidi sịphe Gịbion, kụ ophorogh bịdi osumeeny ẹpe eten phọ ẹpe rẹki bọ ẹpe Bẹt Horon, kụ ọze bịdi osiemi ẹpe Azeka osiemi ẹpe Makeda.

Josua 16:2

Kụ ẹḍua ẹpe Bẹtel ẹki esi ẹpe Luz, ẹḍua ẹki esi ẹpe ọku Ạrkait, ẹki esi Atarot.

Josua 18:13

Kụ ọku phọ ạḍua sịphe aago ạki asi ẹpe Luz (ịduon phọ pọ ạBetel) ẹpe ḍịghaagh esoorom, ạsighe ạki asi ẹpe Atarot Adar etuman ẹeḅaraph phọ edi bọ ẹpe ḍịghaagh esoorom ạBet Horon.