Josua 15:8 - Ạḍinya Iigbia

⁸ Ọku ade phọ ạḍua ạki asi ẹpe Eḍiiny Bẹn aHinom, ẹḍua ẹghi ạga esoorom mọ ẹkuan Jeruselem ẹmha aJebusait phọ. Ọku phọ ạḍua ạki ạsiiny eegbolom mọ ẹpe edi bọ ạga emeelom erumuḍio Eḍiiny aHinom, eekuna ạga ephunom Eḍiiny aRefaim.

Josua 15:8 Iomraidhean Croise

2 Sạmuel 5:18

Awe aFilistia phọ ọghi osi Eḍiiny aRefaim kụ ọrologhu.

2 Sạmuel 5:22

Pọ kụ amem dị awe aFilistia phọ oḅula ẹpe eḍiiny phọ aRefaim kụ ọḅile ọrol.

2 Ạbudaam 23:10

Kụ aJosaya ọdaam mọ ạphueghi Tofet ẹpe Eḍiiny aHinom mọ oye kụ́sighe ghan mun ọony ọdi mꞌọnyani ọdi úpighironom ẹkia ooseenyom ạMolek.

1 Krọnikuls 11:4

ADevid ọdaam mọ rꞌoomo awe phọ Ịzirel ụghi oghoonyom egbogh ẹmha phọ aJeruselem. Mem mọ ọpo ughol ghan mọ aJebus, kụ awe aJebusait phọ, ạbuḅel awe dị orugh sịphe ade phọ, ụrol li sịphe phọ.

2 Krọnikuls 28:3

ạsu ghan ịnsens sịphe Eḍiiny aHinom, aḍighinom rịkia nmụny ọdi ạngo ịkaaneen ạrumugh, ạtuughaany eḍighinom ịyaar isa awe phọ Ọmoogh-we phọ maphorogh bọ sịphe ade phọ mem mọ awe phọ Ịzirel rotu bọ.

Nehemaya 11:30

ẹpe Zanoa, Ạdulam rꞌịbam ạramha dị etuman rạmha phọ ịphen. Bịdi urugh ni ẹpe Lakis rꞌiizo dị etuman, rꞌẹpe Azeka rꞌịbam ạramha ọdi. Ịduon phọ pọ rẹḅem ghan mọ awe phọ aJuda urugh eelhe dị ẹrol igbo aBeersheba ẹpe esoorom mọ rꞌEḍiiny aHinom ẹpe ephunom mọ.

Azaya 17:5

Ịzirel kạkigh ozo ịbiakpa dị mọku, kaḍighi ọkpagha ịdipho ozo dị odi eḍiiny aRefaim mem dị mọokpanion ọman.

Jerimaya 19:14

Kụ mị agbi ọḍua aTofet, ẹpe Ọmoogh-we phọ ụsighe bọ ịmi ạghi mọ ogbeelom dom mọ ọdi. Kụ mị ạghi ạmeera sịphe erugh Otu Ịiḅereghi phọ kụ ạghaaph ạḅeni oomo phọ awe phọ

Jerimaya 19:2

ḅịle kẹn mọ kiton sịphe oghol bọ mọ Ọnhu-aḍibuo Ipoḍi Aroko phọ ạghi asi Eḍiiny aHinom. Ẹpe kụ esi dị mị kagbeelom dom mọ ọdi kụngo bọ ịmi.

Jerimaya 19:6

Kụ iḍighi kụ amem ketu ni dị esi phọ ịsien kókol mun mọ aTofet mụghumo Eḍiiny aHinom, kọḅile ghan okol mọ Eḍiiny Aḍuugh-Aḍuugh.

Josua 15:63

Kụ awe phọ aJuda útue uporogh bụo aJebusait bụphe orugh bọ ẹpe Jeruselem ụ́sighiogh; kụ ạbuo aJebusait rꞌawe phọ aJuda urughan ẹpe Jeruselem kꞌarodon.

Josua 18:16

Kụ ọku phọ ạḍua sịphe ạki asi ẹpe eekuna ẹeḅaraph phọ koten kụ ọteeny ẹpe Eḍiiny Hinom ẹpe edi bọ ephunom eekuna Eḍiiny aRefaim, kụ ạḍua sịphe ạki asi ẹpe Eḍiiny aHinom, atuman ịigaany aJebus esoorom mọ kụ ạḍua ạki asi En Rogel.

Josua 18:28

Zela, Ha Elef, Jebus (ịduon phọ pọ aJeruselem), Gibia, Kịriat Jiarim; igbogh rꞌịbam ạramha ẹman bọ ḍioph rꞌinya ạramha. Mụen kụ abin ẹmoogh ẹlo eghun ạBenjamin, bụo ọto rꞌopolo.

Bụo Ịiruen 1:21

Kụ ọlo awe phọ ạBenjamin úporogh Jebusait phọ orugh bọ ẹpe Jeruselem. Awe ạBenjamin rꞌạbidi otughan ni ẹpe Jeruselem kꞌarodon.

Bụo Ịiruen 1:8

Kụ awe phọ aJuda uzuom ni ẹgham we aJeruselem, kụ ọsighe ẹmha phọ ọmoogh. Bịdi rọze we phọ kụ ọsu ẹmha phọ nịan.

Bụo Ịiruen 19:10

Kụ oye phọ ómeeraam mun ọḅile ọmina sịphe kꞌọdi, kụ ọganeen ạnir phọ rꞌọdi rꞌotelhedom mọ ọdi ọgban sidool phọ pạ ịnam adool phọ kụ oḅetenu ogheel. Meḍighi ni ẹminighan amem kụ bịdi ọtol ropogh Jebus (ẹpe phọ pọ aJeruselem) kụ otelhedom mọ ạḅeni ọde-otu phọ ọdi, mọ, “Itu yira ọgbatanu oḍigh ẹmha awe aJebusait ẹphen, ọmina sịphe ḍughul phọ.”