Josua 15:7 - Ạḍinya Iigbia

⁷ Ọku phọ ạḍua ạki asi Debir, emiigh sịphe Eḍiiny Ịiḅaghami ẹghi esi ẹpe matuman ephunom ạGilgal ẹpe esomanan phọ dị rọki Eḍighom Adumim ẹpe esoorom ạmubo ạmuum mọ. Ọku phọ aten ạki asi ẹpe En Semes ẹghi esi En Rogel.

Josua 15:7 Iomraidhean Croise

2 Sạmuel 17:17

Ọony phọ Ạbayata Jọnatan rꞌọony phọ ạZedok Ahimaaz ukori ghan ni sịphe okol ạmuum mọ En Rogel, ẹpe ọgbal ẹmha phọ aJeruselem, loor esi dị bịdi ụ́wa mọ aweye ọmiin bụno sịphe ologhi ẹmha phọ. Ọnyani-otu ạghi ghan ni oomo amem ạḅeni bịdi ịlo remite, kụ bịdi ọki ọḅeni Devid ọdaam mọ.

1 Ạbudaam 1:9

Adonaija ạsighe iyool-ịga rꞌilephiri ạsinam rꞌạsinam dị ọmaar ẹbughe, ạsighe ạphighironom ẹkia ịigaany ẹpe Ẹna Ẹkaraph-ịyaar etuman bọ ẹpe En Rogel. Ọdi ạamaghagh oomo abumor phọ ọdi nmụny ọdaam mọ, rꞌoomo awe aJuda butelhedom ọdaam mọ.

Azaya 65:10

Bịdi kuuseeny ịmi kụ otelhiom iyool-ịga rꞌạsinam ạbidi ọkimom ịḅal Ḍịyaghaghaany Ade phọ aSaron ẹpe emeelom erumuḍio phọ rꞌịsiphe Eḍiiny Ịiḅaghami ẹpe emitenom erumuḍio phọ.

Josua 10:43

Kụ aJosua rꞌoomo awe phọ Ịzirel oḅula ogheel Gịlgal ẹpe arugbogo phọ ạbidi.

Josua 15:15

Ọdi ạḍua sịphe phọ azuom bụphe orugh bọ ẹpe Debir (ḍịḅel aḍien aDebir ughol mọ ạKiriat Sefer).

Josua 15:6

Ọku phọ ạḍua ạki asi ẹpe Bẹt Hogla, aten ạki asi ẹpe ephunom mọ ạBet Araba, ạḍua ạki asi ẹpe Aḍighiigh aBohan ọony phọ aRuben.

Josua 18:17

Kụ ạḍua ẹpe ephunom mọ ạsighe ạki asi En Semes ạḍua ạki asi Gelilot, ọtol ropogh ẹpe rẹki bọ Adumim kụ ạḍua ạki asi ẹpe aḍighiigh phọ aBohan ọony phọ aRuben.

Josua 4:19

Awe phọ ụḍua sịphe Jọdan ḍioph aḍughul-otu ọḅel ụnwanyu phọ, kụ odoghoḍi rugbogo sịphe Gịlgal, sịphe ọku ạga emitenom aJeriko.

Josua 7:24

AJosua rꞌoomo awe phọ Ịzirel ụsighe ni Akan ọony phọ aZerah, silva phọ rꞌạdoni phọ rꞌopoḍi agol phọ, nmụny phọ ọdi, lephiri rꞌạnmanyaan, sịnam rꞌịnam adool phọ ọdi, iyool-ịga phọ ọdi rꞌogbogo phọ ọdi rꞌoomo aruphua phọ ọdi kụ bịdi ọsighe oomo ịne osiom ẹpe Eḍiiny Ịiḅaghami.

Josua 7:26

Kụ bịdi okpolom egu ipoḍi asighiigh ạnyu ọdi, kụ edi ghan kꞌarodon. Loor ịphen phọ okol esi phọ mọ Eḍiiny Ịiḅaghami kꞌarodon. Kụ ọghagh ologhi phọ Ọmoogh-we phọ ạwologhu.